Skessuhorn - 06.07.2022, Blaðsíða 10

MIÐVIKUDAGUR 6. JÚLÍ 202210
Baulan er verslun og veitingastaður
við þjóðveg eitt í Borgarfirði en nú
hefur fyrirtækið Esjuskálinn tekið
við rekstrinum. Fríða Birna Þráins-
dóttir er eigandi Esjuskálans og þar
af leiðandi nýr eigandi Baulunnar.
Hún er frá Laugarbakka í Miðfirði
en býr á Kjalarnesi ásamt manni
sínum og tveimur dætrum. Hún
segir Bauluna þess vegna færa sig
nær heimaslóðum. ,,Við erum að
standa í þessu bara við fjölskyld-
an; ég, dætur mínar tvær og mað-
urinn minn. Eldri dóttir mín verð-
ur núna verslunarstjóri á Kjalarnes-
inu en ég verð mest hér í Baulunni.
Yngri dóttir mín er 16 ára og verð-
ur að vinna á báðum stöðum í sum-
ar. Maðurinn minn er svo meira í
sendiferðum og húsvarðarstörf-
um. Ég er svo með tíu starfsmenn
í Baulunni núna sem er eiginlega
bara vinahópur héðan úr sveitinni.
Svo er aldrei að vita nema ég taki
Staðarskála næst og Hvammstanga,
en ég er komin hálfa leið heim
núna,“ segir Fríða og brosir.
Baulan verður
alltaf Baulan
Fríða segist ekki hafa þurft að
breyta miklu í húsnæðinu nema
aðstöðu fyrir starfsfólk en nafnið
segir Fríða helstu breytinguna.
Segir hún þó ástæðu vera fyr-
ir þeirri breytingu. ,,Við þurftum
að fara í framkvæmdir í kjallaran-
um, setja inn vörulyftu og bæta
vinnuaðstöðuna á lagernum fyr-
ir starfsfólkið, annars er ekki búið
að breyta neinu sem viðskipta-
vinurinn sér, nema kannski nafn-
inu. Borgfirðingar eru náttúrulega
ekki mjög sáttir við heitið Esjuskál-
inn en þetta verður alltaf Baulan og
húsnæðið er merkt að framan sem
Esjuskálinn og Baulan. Ég vildi
tengja starfsemina báðum nöfn-
um til að fólk viti hvar og við hvern
það er að versla. Við erum auðvitað
búin að skapa okkur sess sem Esju-
skálinn á Kjalarnesi og höfum þá
sérstöðu að vera með aðeins öðru-
vísi vöruúrval. Ég flyt inn fullt af
vörum sjálf en hjá okkur má t.d.
finna öðruvísi gosdrykki og nammi.
Svo pöntum við líka inn varahluti
í vélar fyrir bændur í kring en við
viljum þjónusta þá vel svo sú þjón-
usta er einnig í boði í Baulunni,“
segir Fríða sem vill leggja áherslu
á gott vöruúrval og að í versluninni
sé hægt að kaupa það sem gleymd-
ist í Bónus, eins og hún orðar það.
Matur, vínveitingar
og boltinn
Fríða segir reksturinn fara vel af
stað en þau tóku við í byrjun júní.
,,Þetta fer æðislega vel af stað en
við fengum húsið fyrsta júní og
opnuðum óformlega þremur dög-
um síðar. Við erum ekki ennþá
búin að opna formlega því ég vil
hafa alveg allt tilbúið fyrir það en
núna er þetta loksins að smella. Við
opnuðum eldhúsið fyrir viku síðan,
allt er orðið vel merkt og vel þrifið.
Við erum ennþá að þróa matseðil-
inn en ég er með samlokur, lang-
lokur og vefjur sem við smyrjum
sjálf og svo mun ég vera með píts-
ur og þessar vinsælu kótelettur sem
margir eru að biðja um. Ég er svo
með kjötsúpu og við ætlum að vera
með heimilismat sem mat dagsins.
Svo langar mig að setja upp sjón-
vörp til að sýna leiki og jafnvel vera
með einhverja viðburði í kringum
það en við erum náttúrulega með
vínveitingarleyfi, svo það er aldrei
að vita hvað manni dettur í hug,“
segir Fríða að lokum.
sþ
Landbúnaðarháskóla Íslands hef-
ur verið falið að vinna drög að
aðgerðaáætlun til eflingar korn-
ræktar hér á landi. Verður hún
unnin að beiðni Svandísar Svav-
arsdóttur matvælaráðherra í kjöl-
far funda með sérfræðingum á
sviði kornræktar við Landbúnað-
arháskólann. „Mikilvægi innlendr-
ar kornræktar hefur aukist veru-
lega í takti við aukið vægi fæðuör-
yggis síðustu misseri. Einnig kem-
ur fram í stjórnarsáttmála ríkis-
stjórnar Katrínar Jakobsdóttur að
unnin verði aðgerðaáætlun um efl-
ingu kornræktar á kjörtímabilinu,“
segir í tilkynningu. Egill Gauta-
son, Helgi E. Þorvaldsson, Hrann-
ar S. Hilmarsson og Ragnheiður I.
Þórarinsdóttir rektor mynda starfs-
hópinn af hálfu Landbúnaðarhá-
skólans.
Kanna fýsileika
kornsamlags
„Efling innlends kornmarkað-
ar er eitt stærsta viðfangsefni ver-
kefnisins. Einnig verður skil-
greind nauðsynleg uppbygging á
sviði kynbóta, bútækni og aðlögun
stuðningskerfa í takti við það sem
þekkist erlendis. Fýsileiki innlends
kornsamlags verður kannaður og
skilgreindar þarfir á lágmarks-
birgðum kornvöru í landinu.“ Þá
kemur fram að vinnuhópurinn
samanstendur af sérfræðingum
á sviði landbúnaðar, kornræktar,
viðskipta og verkfræði. Hópurinn
mun kynna sér starfsemi, kerfi og
eignarhald kornsamlaga á Norð-
urlöndum. Að auki verður skoðuð
starfsemi innlendra samlaga í ólík-
um landbúnaðargreinum.
„Staðsetning væntanlegs samlags
auk þurrkstöðva og korngeymslna
er mikilvæg og því verður lögð
áhersla á að finna sem hentug-
asta staðsetningu. Þar spilar inn í
nálægð við framleiðendur, mark-
aði, nýtingu jarðvarma og fleira.
Kannað verður hvernig og hvort sé
hægt að nýta fyrirliggjandi innviði
sem best í þessu samhengi, svo sem
þurrkstöðvar og minni geymslur
sem eru nú þegar í rekstri.“ Vinna
hefst við verkefnið í ágúst á þessu
ári og stefnt er að henni ljúki í mars
2023 með lokaskýrslu. mm
Skemmtiferðaskipið Sky Princess
skreið inn lygnan Grundarfjörðinn
að morgni 4. júlí en framundan var
dagsdvöl á Snæfellsnesi fyrir þá
þrjúþúsund og fimmhundruð far-
þega sem voru um borð. Ferða-
langarnir fengu frábærar aðstæð-
ur því logn og milt veður lék við
þá. Einhverjir fóru í rútuferðir í
kringum Snæfellsnes, aðrir í rút-
uferðir að Kirkjufellsfossi, fugla-
skoðun með Láka Tours, kayak-
ferðir með Vestur Adventures og
svo voru margir sem nutu blíðunn-
ar í Grundarfirði og fóru í göngu-
ferðir í næsta nágrenni.
Sky Princess er stærsta skemmti-
ferðaskipið sem hefur viðkomu
í Grundarfirði þetta sumarið en
skipið er 145.281 br.tonn og 330
metrar að lengd. Skipið getur tek-
ið 3.660 farþega og er með 1.346
manns í áhöfn.
tfk
Allt er að verða klárt fyrir formlega opnun.
Esjuskálinn hefur verið opnaður í Baulunni
Baulan í Borgarfirði.
Fríða Birna Þráinsdóttir, eigandi Esjuskálans og Baulunnar.
Sky Princess var sjósett í október 2019 en hér liggur skipið við ankeri á spegilslétt-
um Grundarfirði.
Stærsta skemmtiferða-
skip sumarsins
Rúturnar bíða átekta á meðan farþegarnir eru ferjaðir í land.
Magnús Eggertsson bóndi í Ásgarði í Borgarfirði í kornskurði í byrjun september 2016. Ljósm. úr safni/mm.
LbhÍ vinnur tillögur
sem efla eiga kornrækt