Skessuhorn - 06.07.2022, Page 15

MIÐVIKUDAGUR 6. JÚLÍ 2022 15
Margir komu Heim í Búðardal um helgina
Bæjarhátíðin Heim í Búðardal var
vel heppnuð, enda margt í boði
fyrir fólk á öllum aldri. Að sögn
Jóhönnu Maríu Sigmundsdóttur,
verkefnastjóra Dalabyggðar, fór
hátíðin sérlega vel fram og aðsókn
fór fram úr björtustu vonum. Dala-
maður ársins var valinn og féll
sá titill í skaut Rebeccu Cathrine
Kaad Ostenfeld, athafnakonu og
dýravini í Hólum í Hvammssveit.
Hefðbundnir liðir eins og
sápurennibraut og leikir voru í boði
fyrir börnin, Sóli Hólm skemmti
á föstudagskvöldinu og Stjórn-
in og Herra Hnetusmjör spiluðu
á dansleik í Dalabúð á laugardags-
kvöldið, sem var klárlega hápunkt-
ur hátíðarinnar, hvað varðaði full-
orðna. Listasmiðja var í boði fyr-
ir börn og söngur Lay low fyr-
ir fullorðna í nýopnaðri menn-
ingarmistöð Dalíu, gleðisöng-
ur með Gumma fyrir fullorðna
á Vínlandssetrinu, þar sem hver
stóll var setinn, karnival stemning
og Vestfjarðavíkingar voru niðri
við höfnina og happy hour á hótel
Laugum. Þá var myndlistasýning á
Nýp á Skarðsströnd og KM þjón-
ustan bauð í grill, svo eitthvað sé
nefnt. bj
Systur, foreldrar þeirra Eyþór og Ellen, og börn grilla hér brauð við Eiríksstaði.
Ljósm. sþ.
Þrautir og leikir í blíðskaparveðri á föstudagskvöld. Ljósm. aðsend.
Fagmannalega staðið að froðurennibraut. Ljósm. sþ.
Rebecca fékk blóm frá formanni menningarmálaefndar, Þorgrími Einari Guð-
bjartssyni. Ljósm. aðsend.
Búðardalur var allur skreyttur og
sumir voru einkar metnaðarfullir.
Ljósm. bj.
Hjónin Kristján Heiðar og Ingibjörg í góðum gír. Ljósm. ki.
Lilja Björk Sigurðardóttir, 22 ára Mosfellingur, vann titilinn
rauðhærðasti Íslendingurinn 2022. Keppnin var nú haldin
í 23. skiptið og alls voru 40 einstaklingar skráðir til leiks,
sem er metþáttaka. Sigurvegari hlaut í verðlaun 40 þúsund
króna gjafabréf frá Iceland Air. Klettur Bjarmi Pétursson
Heiðdísarson hlaut annað sæti í keppninni og Heiða Norð-
kvist það þriðja og hlutu þau gjafabréf frá Frystihúsinu í
verðlaun. Ljósm. ki.
Boðið var upp á andlitsmálun á Akratorgi á laugardaginn.
Ljósm. mm.
Vinkonur ræðast við. Ljósm. ki.Vinir í góðum gír á Brekkusöngnum. Ljósm. ki.
Vinkonur voru að sjálfsögðu til í myndatöku á Brekkusöngn-
um. Ljósm. ki.
Handverk var til sýnis og sölu í salnum á Dalbraut 4. Hér er
Sigrún Jóhannsdóttir með sínar vörur. Ljósm. ki.
Hressar en sumar dálítið sjóveikar eftir Helgusundið á laugardaginn. F.v. Sandra
Margrét, Silvía, Arnheiður, Anna Leif og Hildur Karen. Ljósm. ki.