Morgunblaðið - 13.05.2022, Side 40

Kristín Gunnlaugsdóttir opnar í
dag kl. 17 sýninguna Þetta er
allt í Gallery Porti, Laugavegi
23b. Kristín sýnir 20 olíu-
málverk á striga, máluð 2019
og 2020. „Hér er engin saga og
ekki unnið út frá formi eða upp-
byggingu heldur kallar litur eft-
ir næsta lit. Stundum verður úr
því litleysa þegar leysiefnin fá
litina til að renna og kúldrast
saman, þar til verkið segir sjálft að það er tilbúið. Best
er að hætta rétt áður en það verður öruggt. Hér er eng-
in hugmynd önnur en sú að treysta, vaða áfram og gera
það sem manni sýnist. Að sjá fegurðina í því sem mað-
ur kallaði áður mistök er negla eins og Árni í Port
myndi segja,“ segir í tilkynningu um sýninguna. Ekki sé
hægt að sleppa tökunum nema vita hvað það sé að
hafa stjórn. „Hér er allri uppsafnaðri reynslu og færni
áranna sleppt lausri, ekki af því að allt sem maður hef-
ur lært er ómögulegt. Það er bara komið að þessu.
Þetta er allt,“ segir í tilkynningunni.
Þetta er allt í Gallery Porti
FÖSTUDAGUR 13. MAÍ 133. DAGUR ÁRSINS 2022
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 776 kr.
Áskrift 8.383 kr. Helgaráskrift 5.230 kr.
PDF á mbl.is 7.430 kr. iPad-áskrift 7.430 kr.
Fram tryggði sér sæti í úrslitaeinvígi Íslandsmóts
kvenna í handknattleik í gær með þriggja marka sigri
gegn ÍBV í þriðja leik liðanna í undanúrslitum Íslands-
mótsins í Framhúsi í Safamýri en Fram vann einvígið af-
ar sannfærandi, 3:0. Þá leiðir Valur 2:1 í einvígi sínu
gegn KA/Þór eftir sigur á Hlíðarenda. »35
Fram örugglega í úrslitaeinvígið
ÍÞRÓTTIR MENNING
„Mín saga er framhald af fimm bók-
um eftir Gunnar Helgason sem fjalla
allar um stelpu sem heitir Stella.
Þetta eru bækurnar Mamma klikk,
Pabbi prófessor, Amma best, Siggi
sítróna og Palli Playstation. Mér
datt í hug að semja sjöttu bókina og
mín bók heitir Bella sæta, en hún er
kærastan hans Palla. Í bókinni
minni eru 24 kaflar og það tók mig
tæpan klukkutíma að lesa hana inn,
ég gerði það í nokkrum pörtum, en
hugmyndirnar hrúguðust hratt inn í
hausinn á mér. Ég skrifaði ekkert
niður, las bara beint inn. Gunni
Helga veit ekkert af þessu, en hann
býr hér í Hafnarfirði eins og ég,“
segir Óðinn Darri Hjálmarsson, sjö
ára strákur sem verður átta ára í
haust, en hann gerði sér lítið fyrir og
samdi fyrrnefnda sögu og las inn á
stafrænt form, svo nú er hún orðin
að hljóðbók.
„Sagan mín, Bella sæta, fjallar um
tvær fjölskyldur og önnur þeirra er
fjölskyldan hennar Stellu, en Stella
og Bella eru vinkonur. Í sögunni
minni eru þessar fjölskyldur að
undirbúa ferð til Spánar en hjá fjöl-
skyldu Stellu er ekkert tilbúið rétt
fyrir flug, svo það fer allt í rugl. Þau
eru á síðustu stundu með allt og
flýta sér of mikið, svo ýmislegt kem-
ur upp á. Hjá fjölskyldu Bellu sætu
er ekkert svona rugl, Bella er alltaf
að snyrta sig og líka fjölskyldan
hennar. Síðan færist sagan frá Ís-
landi til Spánar,“ segir Óðinn sem
fór sjálfur til Spánar þegar hann var
fimm ára. „Ég man vel eftir því, það
var mjög skemmtilegt, en reyndar
þurfti ég að fara á spítala af því að ég
fékk stóra kúlu á hausinn þegar ég
klessti á vegg.“
Óðni finnst mjög skemmtilegt að
hlusta á Gunnar Helgason lesa bæk-
ur á Storytel. „Mig langar að koma
minni sögu líka á Storytel, pabbi á
fínar upptökugræjur,“ segir Óðinn
sem er mikill bókaormur, hvort sem
hann les eða hlustar á sögur. „Ég
held mikið upp á Hundmann, en þær
bækur skrifaði sami höfundur og
skrifaði Kaptein ofurbrók. Bella
sæta er mín fyrsta bók, en næstu
sögur verða kannski styttri,“ segir
Óðinn sem hefur þó engan sérstakan
áhuga á að verða rithöfundur í fram-
tíðinni.
„Mig langar frekar að vera
„Youtuber“, taka upp myndbönd og
setja á Youtube. Ég er byrjaður að
taka upp, en þegar ég verð fullorð-
inn langar mig að verða búðar-
maður, af því þá fæ ég mikinn pen-
ing. Ég er sjúkur í peninga, ég stefni
á að safna mér einni milljón, en ég á
bara þrjátíu þúsund núna.“ Petra,
móðir Óðins, segir hans ríka ímynd-
unarafl hafa komið fljótt fram og að
elsta systir hans hafi líka spunnið
upp sögur þegar hún var yngri.
Morgunblaðið/Kristinn Magnússon
Óðinn Darri Hjálmarsson Hér við upptökugræjurnar, þar sem hann las inn sína frumsömdu hljóðbók.
Hugmyndirnar hrúg-
ast hratt inn í hausinn
- Óðinn samdi framhaldssögu við bækur Gunna Helga