Morgunblaðið - 18.07.2022, Blaðsíða 11

11
MORGUNBLAÐIÐ MÁNUDAGUR 18. JÚLÍ 2022
Sími 587 1717
www.sulatravel.is
Stangarhyl 1 , 110 Reykjavík
KARÍBAHAF 17.-29. nóvember
Verð frá kr.
495.000
á mann í 2ja manna
inniklefa með
PREMIUM ALLT
INNIFALIÐ
ORLANDO - COZUMEL - COSTA MAYA - ROATÁN - HARVEST CAYE
ALLT INNIFALIÐ Í ÖLLUM SIGLINGUM
EKKI BORGA MEIRA EN ÞÚ ÞARFT
8 sæti
laus
Free at Sea
Stuðningsmenn íslenska kvenna-
landsliðsins í knattspyrnu hafa verið
gríðarlega áberandi og vakið verð-
skuldaða athygli á Englandi síðan
lokakeppni Evrópumótsins hófst
hinn 6. júlí.
Stuðningsmenn Íslands hafa verið
í miklum meirihluta á fyrstu tveimur
leikjunum, gegn Belgíu annarsvegar
og Ítalíu hins vegar, en þeir hafa
báðir farið fram á akademíuvelli
Manchester City í Manchester.
Á leiknum gegn Belgíu hinn 10.
júlí voru 2.000 Íslendingar í stúkunni
en 500 frá Belgíu. Hinn 14. júlí, gegn
Ítalíu, voru svo aftur rúmlega 2.000
Íslendingar í stúkunni en tæplega
150 manns voru frá Ítalíu.
Þá hafa stuðningsmenn Íslands
verið duglegir að hita sig upp á svo-
kölluðum stuðningsmannasvæðum,
eða Fanzone, en skipulag þeirra hef-
ur verið í höndum Þurýjar Bjarkar
Björgvinsdóttur, sendiráðunautar í
sendiráði Íslands í London.
„Þetta er ótrúlega fjölbreytt og
skemmtilegt starf en þessi verkefni
sem eru í gangi núna í kringum Evr-
ópumótið eru sérstaklega skemmti-
leg,“ sagði Þurý í samtali við Morg-
unblaðið í Manchester.
„Það eru margir þræðir sem þarf
að halda utan um sem snúa að stuðn-
ingsmannasvæðunum, ferðalög-
unum á leikina og svo auðvitað mið-
unum sjálfum á leikina. Það er líka
hitabylgja í gangi núna sem er ekki
beint að einfalda hlutina fyrir okkur
og það þarf að undirbúa Íslendinga
sérstaklega fyrir hana líka.
Vatn, sólarvörn og hattar eru ein-
staklega mikilvægir þegar það er
svona heitt úti og fólk þarf að vera
duglegt að drekka.“
Mikil ánægja ríkir hjá mótshöld-
urum með Íslendinga í Manchester.
„Þetta hefur gengið ótrúlega vel
og verið algjörlega til fyrirmyndar.
Fulltrúar Manchesterborgar, sem
halda utan um alla framkvæmd í
kringum mótið, sem og forsvars-
menn enska knattspyrnusambands-
ins höfðu orð á því að stemningin á
stuðningsmannasvæðum Íslands
hefði verið sú besta á mótinu hingað
til.
Þeir voru líka sérstaklega ánægðir
með það hversu vel allt hefur farið
fram og það er ekkert vesen á okkur
Íslendingum, bara gleði og gaman.
Það er mikil samheldni og fjölskyldu-
stemning hérna og það er ótrúlega
gaman að upplifa þetta. Íslendingar
leggja mikið í það að styðja sín lið,
það eru ráðherrar hérna og forset-
inn til dæmis. Við berum mikla virð-
ingu fyrir þessu afreki stelpnanna og
við erum að sýna þeim algjörlega þá
virðingu sem þær eiga skilið,“ bætti
Þurý við. bjarnih@mbl.is
Morgunblaðið/Eggert
Ánægð Þurý Björk Björgvinsdóttir hefur séð um allt skipulag í kringum stuðningsmannasvæði Íslendinga í Manchester.
Skrúðganga Íslenskir stuðningsmenn marsera.
Stemning Mikið stuð á stuðningsmannasvæði Íslands.
Stelpur Ungir knattspyrnuiðkendur í Manchester.Trommur Tólfan hefur ekki látið sitt eftir liggja.
Íslenska stemningin sú
besta á mótinu til þessa
Stúka Íslendingar hafa verið í miklum meirihluta í stúkunni á EM.
EM KVENNA 2022