Lögmannablaðið - 2021, Síða 10

1911
1912
1913
1914
1915
1916
1917
1918
1919
1920
1921
1922
1923
1924
1925
1926
1927
Í tilefni
AFMÆLIS
1911 – Félag málflutningsmanna stofnað
Hinn 11. desember var Lögmannafélag Íslands, sem þá hét Málflutnings-
mannafélag Íslands, stofnað að frumkvæði Eggerts Claessen og Sveins
Björnssonar. Stofnfélagar voru 17 talsins. Fyrstu stjórn félagsins skipuðu
Eggert og Sveinn ásamt Oddi Gíslasyni. Eggert tók að sér formennsku
félagsins og gegndi embættinu samfellt í sjö ár, eða til ársins 1918. Hann
gegndi síðan því hlutverki á ný árin 1921-1922 og 1939-1940.
1913 – Hagsmunabaráttan byrjar
Eitt fyrsta baráttumál Málflutningsmannafélags Íslands var að vinna að því að settar
yrðu skorður við því að lögfræðikandidatar gætu farið beint frá prófborðinu og orðið
yfirréttarmálflutningsmenn heldur hlytu verklega æfingu áður. Með lögum nr. 17/1913
var það skilyrði sett fyrir leyfi til málflutnings fyrir yfirdómi að lögfræðingar hefðu fengist
við málflutning í þrjú ár hið minnsta eða gegnt starfi sem lögfræðimenntun þurfti til í jafn
langan tíma.
1931 – Styrktarsjóður lögmanna
Settur var á fót styrktarsjóður lögmanna en tilgangur hans var að styrkja málflutnings menn
sem verið höfðu félagsmenn eða fjölskyldur þeirra og lent höfðu í fjárhagsvandræðum.
Einnig voru styrkir sjóðsins hugsaðir vegna náms eða annars undirbúnings unglinga undir
lífsstarfið. Fyrstu styrkirnir voru greiddir úr sjóðnum vorið 1940. Með lögum um málflytjendur
nr. 61/1942 var stjórn félagsins gert heimilt að sekta lögmenn vegna framferðis í starfi sem
væri stéttinni ósamboðið. Runnu þær sektargreiðslur í sjóðinn. Sjóðurinn varð þó aldrei
öflugur (væntanlega vegna góðrar hegðunar félagsmanna) en hann stóð þó um árabil og
var síðast veittur styrkur úr honum árið 1995.
1932 - Málagjöld
Tekjur félagsins frá upphafi voru eingöngu félagsgjöld meðlima en árið 1932 bættist við nýr
tekjustofn sem var málagjald af hverju einkamáli sem lögmenn lögðu sem sækjendur í dóm
eða gerðu sátt um. Gjaldið var einnig lagt á mál sem áfrýjað var til Hæstaréttar.
1936 – 25 ára afmæli
Haldið var hóf og ákveðið að rita sögu félagsins þar sem fram kæmu æviágrip allra 56
félagsmanna. Það ár var Málflutningsmannafélagsins fyrst getið í lögum nr. 85/1936
um meðferð einkamála í héraði. Þá var lögfest að stjórnendur félagsskapar löggiltra
málflutningsmanna gætu áminnt félagsmenn og sektað fyrir framferði sem telja mátti
stéttinni ósamboðið.
Þann 11. desember fagnar Lögmannafélag Íslands 110 ára afmæli.
Í tilefni þess verður hér litið yfir farinn veg félagsins, en stiklað
stóru.
10 LÖGMANNABLAÐIÐ TBL 04/21