Lögmannablaðið - 2021, Blaðsíða 11

1928
1929
1930
1931
1932
1933
1934
1935
1936
1937
1938
1939
1940
1942 – Skylduaðild og eftirlitshlutverk
Samkvæmt lögum nr. 61/1942 var lögmönnum gert skylt að hafa með sér félag sem
hefði eftirlit með að félagsmenn færu að lögum og ræktu skyldur sínar af trúmennsku
og samviskusemi. Ennfremur fékk stjórn félagsins úrskurðar vald um endurgjald fyrir
málflutningsstörf ef ágreiningur var borinn undir hana. Síðan þá hefur eftirlitshlutverkið
verið einna fyrirferðamest í starfsemi félagsins en árið 1998 var agavald yfir lögmönnum
falið sérstakri úrskurðarnefnd.
1945 – Nafni félagsins breytt
Allt frá stofnfundi Málflutningsmannafélags Íslands höfðu sumir félagsmenn viljað að það
bæri fremur nafnið Lögmannafélag Íslands. Í kjölfar lagasetningar um málflytjendur nr.
61/1942, þar sem ávallt var talað um þá sem lögmenn, var ákveðið að breyta nafni félagsins
frá og með ársbyrjun 1945.
1951 – Fyrstu heiðursfélagarnir
Í tilefni 40 ára afmælis Lögmannafélags Íslands var ákveðið að gera Svein Björnsson forseta
Íslands og Lárus Fjeldsted lögmann að fyrstu heiðursfélögum félagsins. Skömmu fyrir
afmælishófið veiktust þeir báðir en Sveinn lést í ársbyrjun 1952 og náði því aldrei að taka
við heiðursviðurkenningunni. Frá upphafi hafa 19 lögmenn verið gerðir að heiðursfélögum
Lögmannafélags Íslands.
1952 – Fyrst kvenna
Rannveig Þorsteinsdóttir fékk rétt til málflutnings fyrir héraðsdómi árið 1952 og varð þar
með fyrsta konan í félaginu. Ekki nóg með það heldur var hún fyrst kvenna til að stofna
lögmannsstofu árið 1949, sem hún rak til ársins 1974, og fyrst til að öðlast réttindi til
málflutnings fyrir Hæstarétti árið 1959. Svo varð hún jafnframt fyrsta konan sem var gerð
að heiðursfélaga Lögmannafélagsins árið 1979.
Guðrún Erlendsdóttir var önnur konan sem fékk aðild að Lögmannafélaginu en hún
fékk héraðsdóms lögmannsréttindi árið 1961. Ekki er hægt að segja að konur hafi flykkst í
fótspor þeirra Rannveigar og Guðrúnar því árið 1990 voru konur einungis 8% félagsmanna,
eða 27 af 340 félagsmönnum. Í dag eru 325 konur í félaginu sem samsvarar tæplega 31%
félagsmanna.
1956 – Kjære nordiske venner
Fyrstu 45 árin voru samskipti félagsins við erlend systurfélög lítil sem engin. Árið 1956 hóf
Lögmannafélagið þátttöku í samtökum norrænna lögmanna og síðan þá hafa fulltrúar
félagsins sótt fundi og notið alls þess sem norrænt samstarf hefur gefið af sér.
1960 – Siðareglur og lífeyrissjóður
Árið 1934 komu fram hugmyndir um að samdar yrðu siða reglur fyrir lögmenn
en ekki voru þó allir sammála um að þess væri þörf. Öðru hvoru var umræða
um efnið tekin upp en það var þó ekki fyrr en árið 1960 sem að samþykktar
voru fyrstu siðareglur lögmanna.
Sama ár var einnig stofnaður lífeyrissjóður fyrir lögmenn en sökum þess
hve fáir félagsmenn voru tókst ekki að byggja upp öflugan sjóð. Auk þess
rýrnuðu eignir hans í verðbólgu sjöunda og áttunda áratugarins og var hann
á endanum lagður niður árið 1983.
LÖGMANNABLAÐIÐ TBL 04/21 11