Lögmannablaðið - 2021, Qupperneq 33

LÖGMANNABLAÐIÐ TBL 04/21 33
haft verkefni til meðferðar daglega. Ég get unnið að þeim
verkefnum heima mörgum hverjum sem hefur komið sér
vel í yfirstandandi faraldri. Ekkert jafnast þó á við að mæta
á skrifstofuna og hitta allt þetta stórkostlega fólk sem þar
vinnur, það er ætíð mikið tilhlökkunarefni. Ég er enn að
flytja mál og er til dæmis að fara í Landsrétt eftir helgi.
En hvað með önnur áhugamál?
Ég var á skíðum í 30-40 ár en er nú hættur því. Golfbakterían
vaknaði skömmu eftir að ég lauk laganáminu en vinir mínir
höfðu kynnst íþróttinni á Englandi og heillast. Ég fór að
fikta við golf með þeim í kjölfarið og stunda það enn. Ég
kom að stofnun Golfklúbbsins Keilis og var formaður þess
félags fyrstu tvö árin.
Svo má segja að ég sé tæknifíkill en ég hef alltaf haft
gaman af tækninýjungum og var nú um daginn að kaupa
mér rafmagnsbíl. Vinur minn var skrifstofustjóri hjá IBM
umboðinu, sem var leiðandi í ritfærslu á sínum tíma, og
ég fór meira að segja á námskeið til útlanda til að læra
um þessa nýju tækni. Við Guðmundur Ingvi keyptum eina
fyrstu ljósritunarvélina sem var þannig að það þurfti að setja
vökva neðst en sérstakur pappír fór í gegnum vökvann og
svo setti maður blað ofan á.
Við Helgi V. Jónsson vorum á sínum tíma skipaðir í nefnd
á vegum Lögmannafélagsins þar sem við áttum að kanna
hvort tölvur gætu nýst við lögmannsstörf. Að athuguðu máli
komumst við að raun um að svo væri og mæltum með því
að félagið kynnti lögmönnum þessa merku nýjung!
Er lögmennskan lífsstíll?
Ég hef alltaf notið þess að starfa við lögmennsku og finnst
vænt um að hafa orðið einhverjum að gagni.
Hafa lögfræðingar skyldur í samfélaginu?
Já, mér finnst að það hvíli þær skyldur á þeim að láta gott
af sér leiða á grundvelli þekkingar sem þeir hafa aflað sér
og nota hana í þágu fólksins.
Eyrún Ingadóttir