Lögmannablaðið - 2021, Blaðsíða 17

LÖGMANNABLAÐIÐ TBL 04/21 17
Helga Kristín Auðunsdóttir.
þakklát þar sem efnið sem ég ákvað síðan að skrifa um
„Hedge fund activism“ var mun meira á mínu áhugasviði
og í raun verkefni sem ég get haldið áfram að rannsaka.
Hvernig fór rannsóknin fram og hvað tók hún langan tíma?
Ég var í námi í fimm ár meðfram vinnu. Þetta var gríðarleg
vinna en mjög miklar kröfur eru gerðar til doktorsnema í
viðskiptalögfræði í Bandaríkjunum og ég áttaði mig kannski
ekki fyllilega á umfanginu áður en ég hófst handa. Fyrsta
árið var ég búsett í New York og mætti í tíma, ásamt því að
eiga reglulega fundi með leiðbeinanda mínum, en síðar
flaug ég á milli auk þess sem ég stundaði rannsóknirnar að
heiman. Verkefnið fólst oftar en ekki í því að lesa grund-
vallar fræðigreinar á sviði lögfræði og gagnrýna þær síðan
á ítarlegan hátt. Markmiðið með því er í raun að kenna
doktorsnemum að ná tök á heimildarýni enda lærði ég fljótt
að vísa ekki í aðra fræðimenn án rýni. Rannsóknin mín
var síðan einungis bundin við fyrirliggjandi gögn en til að
kortleggja regluverkið í samanburðarlöndunum hafði ég
góðan aðgang að gögnum í gegnum bókasafnið í Fordham.
Síðan notaði ég fréttamiðla og tilkynningar til kauphallar
til að leggja mat á aðferðir vogunarsjóða. Þetta var á vissum
tímapunkti hár stafli gagna og ég hugsaði með samúð til
þeirra sem skrifuðu slíkar ritgerðir fyrir tíma skýjavistunar.
Kortlagning ólíkra stjórnarhátta gagnlegust
Hverjar voru helstu niðurstöður þínar?
Þær voru mjög áhugaverðar. Rannsóknin sýndi nefnilega
að lög og reglur stýra hegðun fjárfesta á takmarkaðan
hátt. Upphaflega stóð ég í þeirri trú að það væri hægt
að hafa bein áhrif á hegðun fjárfesta með lagasetningu.
Að löggjöf mætti afrita á milli landa og að hún hefði
sambærileg áhrif í þeim. Það reyndist síðan ekki raunin.
Ef ég einfalda niðurstöðurnar þá má í raun segja að
staðbundnar venjur og samþjöppun eignarhalds ræður
hegðun fjárfesta í mun ríkari mæli en regluverkið. Þá skiptir
samsetning eignarhalds og réttindi hluthafa miklu máli,
sem og samsetning fjárfestahópsins. Getur þannig hlutfall
stofnanafjárfesta í hluthafahópnum til dæmis haft áhrif á
hvort tillögur vogunarsjóða nái fram að ganga. Aðgangur
að upplýsingum um hluthafa getur líka skipt máli.
Hvernig telur þú helst að niðurstöðurnar muni nýtast – bæði
innan lögfræðinnar og á öðrum réttarsviðum?
Þó svo að verkefnið snúi að fjárfestingum vogunarsjóða þá
er umfjöllunarefnið í raun reglur sem gilda um skráð félög
og samanburður á réttindum hluthafa, minnihlutavernd
og hlutverk og verksvið stjórnareininga hlutafélaga. Kort-
lagning ólíkra stjórnarhátta er það sem mér finnst hvað