Sjómannablaðið Víkingur - 01.04.2013, Page 44

44 – Sjómannablaðið Víkingur
Þrjú mannskæðustu sjóslys á friðar-
tímum urðu öll á öldinni sem leið.
Í apríl 1912 fórst Titanic er það rakst á
borgarísjaka og meir en 1500 manns
fórust. Í maí 1914 sökk farþegaskipið
Empress of Ireland eftir árekstur við
annað skip og 1012 manns fórust. Í
desember 1987 sökk ferjan Doña Paz,
sem var á leið til Manilla á Filipseyjum,
eftir árekstur við olíuflutningaskip og
með henni fórust 4325 manns. Hér
verður fjallað svolítið um Empress of
Ireland og örlög hennar.
Þoka
Empress of Ireland sigldi reglulega milli
Englands og Kanada, frá Liverpool til St.
John eða Halifax á veturna meðan ís
hamlaði siglingum um St. Lawrence-
fljótið, en á sumrin var siglt til Quebeck.
Svo var það 28. maí 1914 er farþegarnir
streymdu um í borð skipið, spenntir fyrir
siglingunni og ekki síður komunni til
Evrópu, en margir þeirra voru Norður-
landabúar, sem voru að fara í heimsókn
til ættingja og vina og einhverjir ætluðu
að freista þess að fá þá til að koma með
vestur í von um betri lífskjör. Svo voru
einnig í hópnum, auk ýmiss fyrirfólks,
176 félagar úr Hjálpræðishernum kana-
díska á leið á alþjóðlegt þing í London.
Þetta átti að vera 96. ferð skipsins yfir
Atlantshafið. Henry George Kendall var
skipstjóri. Hann var 39 ára og hafði hlot-
ið skjótan frama hjá skipafélaginu, en
þetta var fyrsta ferð hans sem skipstjóri.
Empress of Ireland lagði frá bryggju í
Quebeck síðdegis, en þetta var fyrsta
ferðin þaðan þetta árið. Lúðrasveit Hjálp-
ræðishersins kvaddi með laginu „God be
With You till we meet Again“ og land-
festar voru leystar og svo var lagt í hann.
Skipið þokaðist niður fljótið og kl. 1.30
aðfararnótt næsta dags, sem var föstu-
dagur, fór hafnsögumaðurinn frá borði.
Skipstjórinn jók hraðann, en skömmu
Bernharð Haraldsson
Hannes Pétursson
Árið 1883 fluttu hjónin Pétur Björnsson (1844-1914) og Margrét Björnsdóttir
(1844-1919) frá Ytri-Brekkum í Blönduhlíð í Skagafirði vestur um haf og settust
að í Hallson í N-Dakota í Bandaríkjunum. Með þeim fóru fimm börn þeirra, en
tvö höfðu þau áður misst. Tveggja skal minnst: Rögnvaldar Péturssonar, (1877-
1940) dr. í guðfræði, prests og ritstjóra í Winnipeg og Hannesar Péturssonar, (f.
1880) sem mun hafa fengist við fasteignasölu og viðskipti. Hannes var eini Ís-
lendingurinn um borð í Empress of Ireland í þessari örlagaríku ferð og hann og
kona hans komust af.
Empress of Ireland var smíðuð af Fairfield- skipasmiðjunum við Clydefljót í Skotlandi árið 1906 og var 14.191 brúttótonn, 570 fet á lengd og 65 fet á breidd. Skipið
var knúið tveim gufuvélum, búið tveim skrúfum og var gekk 20 hnúta. Empress of Ireland var smíðuð til farþegaflutninga og ætlað fyrir 1580 farþega í þremur far-
rýmum. Á fyrsta farrými, sem var miðskips, var hægt að hýsa 310 farþega, annað farrými var aftast í skipinu og þar var rúm fyrir 470 farþega og þriðja farrými var
fremst í skipinu og þar var rúm fyrir 758 gesti. Í þessari síðustu ferð skipsins voru 420 manns í áhöfn.
Empress of Ireland sekkur ...