Fréttablaðið - 07.09.2022, Qupperneq 12

Það er mikilvægt og krefjandi starf
að vera kennari og það að binda
vinnu á undirbúningi kennslu við
ákveðna staðsetningu og tíma-
ramma er úr takti við nútíma
vinnuhætti. Undanfarin ár hafa
grunnskólakennarar borgarinnar
þurft að stimpla sig inn og út úr
vinnu.
Stimplun í vinnustund er hvorki
bundin í lög né er í kjarasamningi
kennara. Reykjavíkurborg kom
þessu kerfi á á sínum tíma í and-
rúmslofti tortryggni. Tíðarandinn
þá var að allir ættu að vera á vinnu-
staðnum því annars væri fólk að
svíkjast um. Í dag er þessi hugsun
gamaldags samanber átak ýmissa
stofnana um störf án staðsetningar.
Flokkur fólksins hefur lagt fram
tillögu í borgarstjórn um að stimpil-
klukkan í vinnustund verði lögð
niður í grunnskólum Reykjavíkur
í samráði við Kennarafélag Reykja-
víkur. Þannig væri kennurum sýnt
traust og komið til móts við sjálfstæð
vinnubrögð og sveigjanlegan vinnu-
tíma kennara.
Grunnskólakennarar taka að sér
ákveðið verkefni í upphafi hvers
skólaárs, þ.e. að kenna ákveðnum
hópi nemenda. Kennarar er stór
hópur og það hentar sumum að klára
alla vinnu í skólanum en margir vilja
fremur sinna undirbúningi kennslu
heima í ró og næði. Þetta stimpil-
klukkueftirlit með grunnskólakenn-
urum er í andstöðu við nýja tíma og
sveigjanlegan vinnutíma.
Háskóla-, framhaldsskólakenn-
arar og aðrir sérfræðingar þurfa ekki
að nota stimpilklukku og því mætti
spyrja hvort grunnskólakennurum
sé ekki treystandi eins og öðrum sér-
fræðistéttum?
Grunnskólakennarar eyða óþarfa
tíma í það að færa inn stimplun í
vinnustund. Kennarar sjá ekki til-
ganginn með þessu eftirliti sem
veldur aðeins pirringi og minnkar
starfsánægju. Mælikvarðinn á
árangur kennarans er árangur og
hamingja nemendanna en ekki
stimpilklukkan.
Flokkur fólksins vill að grunn-
skólakennarar Reykjavíkur fái til
baka það traust og þá virðingu sem
þeir nutu um áraraðir. n
Treystum
grunnskólakennurum
Helga
Þórðardóttir
kennari og vara-
borgarfulltrúi
Flokks fólksins
Stimplun í vinnustund
er hvorki bundin í lög
né er í kjarasamningi
kennara.
„Það er svo margt að minnast á,“
segir í gömlum slagara og á vel við
nú þegar í huganum er farið yfir veg-
ferð sem hófst fyrir allnokkru, eða í
september á síðasta ári. Því ferðalagi
er alls ekki lokið, en virðist þó loks
vera á leið út úr veðravíti, vonandi
yfir í einhverja blíðu.
Í hugann koma alls konar myndir
er tengjast nýrri stöðu, lífinu eins og
það var og er í dag. Lífi sem aldrei
verður samt, en skoðast nú í nýju
ljósi.
Barnabarnið kemur hlaupandi
til ömmu, þau hafa verið að búa
til sápukúlur. Blásið kröftuglega
og hlegið dátt er kúlurnar svífa
um. Í gleði sinni tekur amma lagið,
syngur með kútnum sínum gamla
barnagælu um buxur, vesti, brók og
skó. Hún fyllir lungun lofti, andar
inn um nefið og út um munninn.
Finnur ilminn af jurtum garðsins,
tekur stubbinn í fangið og borar
nebbanum í hálsakotið hans. Fátt
jafnast á við lykt af barni.
Í dagsins önn taka fæstir eftir
þeim litlu gjörðum sem felast í að
blása bara á kerti eða lykta af blómi.
Hlæja dátt eða raula gamalt lag.
Þessar athafnir hafa verið eðlilegur
partur af hversdagslegu lífi f lestra.
En fyrir þann sem ekki getur það
lengur, horfið málið öðruvísi við
og hann þarf tíma til að átta sig á
hinum nýja veruleika. Það sem áður
var svo fyrirhafnarlaust er allt í einu
ekki hægt eða afar torvelt.
Fyrir mig er þetta heimur sem ég
hef kvatt. Aldrei mun ég blása aftur
á kerti eða gera sápukúlur. Því síður
að ég geti tekið gítarinn minn og
sungið við eigið undirspil heima
eða í góðra vina hópi og hlegið dátt
að einhverri vitleysu í sjónvarpi.
Þetta er minn veruleiki nú, lífið mitt
í nýju ljósi. Í sjálfu sér er það sjokk
að reyna þessa breytingu á eigin
skinni. Fatta að áður sjálfsagðar
athafnir eins og að anda með nef-
inu, eru ekki lengur í boði og verða
aldrei.
Röddin mín varð krabbameini að
bráð, raddbönd og barka þurfti að
fjarlægja í skurðaðgerð ásamt með
loftrásinni. Í dag anda ég í gegnum
gat á hálsinum og tala með ventli
sem festur er á vélindavegginn með
því að ýta á tappa sem er framan á
hálsinum. Hlátur minn heyrist ekki.
Hversdagslegar athafnir og jafn-
vel lífsnauðsynlegar hafa allt í
einu gjörbreyst. Starfsfólk Ljóss-
ins reyndist ljósið í mínu lífi þegar
myrkrið var mest. Fyrir það fæst
seint þakkað. Þegar á reynir eru það
slík samtök sem gera fólki í minni
stöðu lífið bærilegt.
Innilega þakkir! n
Lífið í nýju ljósi
Birna G.
Konráðsdóttir
þjónustuþegi
í Ljósinu
Starfsfólk Ljóssins
reyndist ljósið í mínu
lífi þegar myrkrið var
mest. Fyrir það fæst
seint þakkað.
JAGUAR - LAND ROVER
Hesthálsi 6-8 / 110 Reykjavík
525 6500 / jaguarlandrover.is
Allir bílar sem merktir eru APPROVED hafa farið í gegnum
gæðaferli notaðra Jaguar og Land Rover bíla.
Sjón er sögu ríkari – komdu í reynsluakstur strax í dag.
LAND ROVER Defender S 240d
Nýskr. 7/2020, ekinn 62 þús. km, dísil, sjálfskiptur.
Verð: 12.490.000 kr.
Rnr. 149281.
JAGUAR I-PACE EV400 SE
Nýskr. 12/2020, ekinn 32 þús. km, rafmagn, sjálfskiptur.
Verð: 9.590.000 kr.
Rnr. 421013.
JAGUAR F-PACE 180d Portfolio
Nýskr. 3/2019, ekinn 44 þús. km, dísil, sjálfskiptur.
Verð: 8.690.000 kr.
Rnr. 148334.
RANGE ROVER Sport HSE P400e
Nýskr. 4/2019, ekinn 38 þús. km, bensín/rafmagn, sjálfskiptur.
Verð: 12.490.000 kr.
Rnr. 410012.
RANGE ROVER Sport HSE Dynamic P400e
Nýskr. 5/2020, ekinn 29 þús. km, bensín/rafmagn, sjálfskiptur.
Verð: 14.990.000 kr.
Rnr. 421010.
RANGE ROVER VOGUE P400e
Nýskr. 5/2020, ekinn 28 þús. km, bensín/rafmagn, sjálfskiptur.
Verð: 16.990.000 kr.
Rnr. 421001.
NOTAÐIR LÚXUSBÍLAR
SÝNINGARSALUR - HESTHÁLSI 6
E
N
N
E
M
M
/
S
ÍA
/

N
M
0
1
2
3
8
8
J
a
g
u
a
r
n
o
t
a
ð
ir
6
b
íl
a
r
5
x
2
0
7
s
e
p
t
12 Skoðun 7. september 2022 MIÐVIKUDAGURFRÉTTABLAÐIÐ