Fréttablaðið - 16.09.2022, Blaðsíða 20
Ég legg áherslu á
gott garn þegar
prjónuð eru ungbarnaföt
og að þau séu mjúk og
hlý.
Dauðhreinsaðir klútar sem henta vel
í meðferð barna frá þriggja mánaða
aldri við óþægindum í augum.
Kvefuð augu?
Fæst í öllum apótekum
4 kynningarblað 16. september 2022 FÖSTUDAGURFYRSTU ÁRIN
Hjördís Björg Andrésdóttir
textílkennari á tvö barna-
börn og von er á því þriðja í
vetur. Þegar hún vissi að von
var á fyrsta barnabarninu fór
hún að prjóna barnaföt og
„prinsateppi“ sem hún segir
að sé afburða fallegt teppi.
svavajons@simnet.is
„Uppskriftin að prinsateppinu
þekur heilar tvær blaðsíður og er
engin umferð eins. Með tilhlökkun
yfir því að taka á móti ungbarni
inn í fjölskylduna var prinsateppi
prjónað af kappi auk þess sem
ég prjónaði heimferðarsett og
annað teppi. Lítil stúlka kom svo
í heiminn og var allt tilbúið fyrir
dömuna,“ segir Hjördís.
Þremur árum seinna var annað
barn á leiðinni og þá fékk amman
að prjóna blátt.
„Ég var komin í æfingu með
prinsateppið og auðvitað átti
drengurinn að fá eins teppi, nema
blátt. Kapp var lagt á að prjóna
heimferðarsett og voru tvö stykki í
mismunandi stærð prjónuð ásamt
aukateppi.“
Ætlaði sko ekki að prjóna
Og í dag, tveimur árum seinna, er
aftur lítil stúlka á leiðinni sem á að
fæðast í byrjun nóvember.
„Amman er orðin dálítið þreytt
á að prjóna prinsateppið góða. Mér
finnst það vera seinlegt; en hvað
gerir amma ekki fyrir ömmu-
börnin sín? Hún skellir í prinsa-
teppi en nú er það bleikt á litinn.
Þetta er prjónað á methraða, enda
komin í þjálfun, ásamt bara einu
heimferðarsetti. Allt er bleikt á
litinn. Tvær stærðir af húfum eru
prjónaðar svona til öryggis. Auka-
teppið er ekki komið enn en verður
kannski bara í jólapakkanum,“
segir Hjördís frá.
Það eina sem er eftir áður en
ömmugullið kemur í heiminn er
að þvo og slétta og bæta við tölum
á heimferðarsettið.
En á hvað leggur Hjördís áherslu
þegar hún prjónar á barnabörnin?
„Ég legg áherslu á gott garn þegar
prjónuð eru ungbarnaföt og að þau
séu mjúk og hlý. Minn grundvöllur
að prjóna- og saumaskap er upp-
eldið sem ég fékk. Amma mín, sem
ól mig upp, kenndi mér allt sem
viðkemur handavinnu. Ég byrjaði
seint að læra textíl í skóla eða um
tólf ára gömul og mér gekk bara
alls ekki vel í fyrsta prjónaverkefn-
inu mínu sem voru ullarvettlingar
á fimm prjóna. Annar varð dúkku-
vettlingur og hinn á fullorðinn
karlmann. Og ég ætlaði sko alls
ekki að prjóna í framtíðinni, enda
leið langur tími þar til prjónar
voru teknir upp aftur. Saumavélin
hennar ömmu fékk svo engan
frið. Þessa græna, gamla saumavél
vekur ávallt hlýjar minningar.“ n
Prjónar prinsateppi fyrir nýfædd ömmugull sín
Prjónaskapur leikur í höndum textílkennarans Hjördísar Bjargar Andrésdóttur sem byrjaði að prjóna teppi og barnaföt þegar hún vissi
að hún væri að verða amma. Síðan hefur ömmubörnunum fjölgað og nú er tilbúið bleikt prinsateppi, heimferðarsett og tvær stærðir af
húfum, svona til öryggis, handa ófæddri ömmuprinsessu sem er von á í nóvember. FRÉTTABLAÐIÐ/ERNIR
Hér má sjá bleikt prinsateppi sem Hjördís prjónaði en
líka bleika prjónasmekki, peysu og húfu í stíl, trefil og
hvítröndótt peysusett. Allt hlýtt og mjúkt fyrir krílið.
Hægt er að vinna markvisst að því
að barn læri góða siði í umgengni
við mat og minnka líkur á mat-
vendni en til þess þarf einbeittan
vilja og þeir sem annast barnið
verða að vera samtaka í því verk-
efni. Mikilvægt er að muna að börn
eru ólík að eðlisfari og það sem
hentar einum þarf ekki að henta
öðrum. Foreldrar þurfa að læra á
börnin sín og vinna með þeim út
frá þeirra sérkennum en vera vel
meðvitaðir um að:
Fullorðnir ráða: Hvað er í matinn
og hvenær er borðað.
Börnin ráða: Hvort þau borða og
hversu mikið þau borða.
Börn þurfa tíma til að venjast
nýjum fæðutegundum. Best er að
bera þær fram nokkur skipti í röð,
þá er líklegt að barnið fari smám
saman að vilja borða þær. Góð leið
er að byrja á að láta barnið smakka
smá og leyfa því að venjast nýrri
fæðutegund. Það getur tekið allt
upp í tíu skipti að venjast nýrri
fæðutegund. Einfaldir réttir og fáar
tegundir falla best að smekk flestra
barna. Þannig eru hinir dæmigerðu
barnadiskar með þremur hólfum í
raun alveg eftir þeirra höfði. Kart-
öflur eða kornmeti á einum stað,
kjöt eða fiskur á þeim næsta og loks
grænmeti eða ávextir á þeim þriðja.
Það er líka í samræmi við góða og
fjölbreytta máltíð og auðvitað má
gera það sama á venjulegum diski.
Pottréttir og kássur höfða síður
til barna, þau vilja flest skipulag
á disknum þar sem ólíkar fæðu-
tegundir mega jafnvel ekki snertast.
Litir og lögun skipta líka máli
þannig að í stað blandaðs græn-
metis gæti verið betra að gular
baunir séu aðskildar frá grænum
og gulrætur skornar í langar ræmur
en ekki rifnar. Hugmyndaflugið er
kannski best í þeim efnum ásamt
því að þekkja barnið og kenjar þess.
Heimild: heilsuvera.is n
Góð ráð við matvendni
Hakk og spagettí
er uppáhalds-
matur margra
barna, en það er
samt fullorðna
fólkið sem
ræður hvað er í
matinn. FRÉTTA-
BLAÐIÐ/GETTY