Fréttablaðið - 04.10.2022, Blaðsíða 2

Salan hjá ÁTVR var
1.273 lítrar fyrstu níu
mánuði ársins.
HAMRABORG 20 - SÍMI 578-9888
Fyrir pilta
13 – 16 ára
26. júlí - 2. ágúst 2023
NÁNAR Á
VISITOR.IS
Nasistaskjölum skilað til Þjóðverja
Fulltrúar Þjóðskjalasafnsins tóku á móti Michael Hollmann, forseta Sambandsskjalasafns Þýskalands, í gær til að skila gömlum opinberum skjölum aftur til
heimalandsins. Um er að ræða skjöl sem Werner Gerlach, ræðismaður Þjóðverja á Íslandi frá 1939 til 1940, hafði undir höndum. Þar sem Gerlach var sann-
færður nasisti kann innihald skjalanna að vera miður fallegt, en meðal þeirra er kvittun fyrir blómakaupum á afmælisdegi Hitlers. FRÉTTABLAÐIÐ/ERNIR
Bikarsigur Víkinga á laugardag
var litaður af ljótri hegðun
áhorfenda sem kveiktu á
blysum, hlupu inn á völlinn
og voru með svívirðingar
gagnvart sjálfboðaliðum sem
sinntu gæslu. Hegðunin verður
tekin fyrir á fundi aga- og
úrskurðarnefndar KSÍ og má
félagið eiga von á þungri sekt.
benediktboas@frettabladid.is
ÍÞRÓTTIR Eftirlitsmaður KSÍ á bik-
arúrslitaleiknum um helgina skilaði
af sér skýrslu til sambandsins í gær
og mun aga- og úrskurðarnefnd KSÍ
úrskurða í dag um skrílslæti Víkinga.
Búast má við að félagið fái sekt en
kveikt var á blysum í stúkunni og
einstaklingur hljóp inn á völlinn.
Víkingur sendi frá sér yfirlýsingu
í gær þar sem félagið harmar mjög
framkomu einstakra stuðnings-
manna sem settu ljótan svip á leik-
inn.
Öll gæsla á leiknum var í höndum
KSÍ og komu félögin þar hvergi
nálægt. Magnús Kristinsson, sem
var í gæslunni á leiknum sem sjálf-
boðaliði fyrir björgunarsveitirnar,
skrifaði færslu á Facebook sem hefur
farið víða og var meðal annars deilt
inn í hverfasíðu 108, heimahverfi
Víkinga.
Þar segir Magnús að hann muni
ekki taka þátt í gæslu á fleiri bikar-
leikjum meðan öryggi gæslufólks
verði ekki betur tryggt af KSÍ. Hann
segir í samtali við Fréttablaðið að þó
langflestir hafi verið að skemmta sér
vel og fallega hafi skemmdu eplin
verið of mörg.
„Ég er ekki tilbúinn að taka að mér
svona á meðan öryggi mitt og minna
félaga er ekki tryggt. Ég upplifði mig
ekki öruggan.
Úrskurðað um skrílslætin í
Laugardal á fundi KSÍ í dag
Slys og sektir
Öll notkun blysa er strang-
lega bönnuð á leikvöngum
á Íslandi. Árið 2013 slasaðist
ungur áhorfandi á leik í
neðri deild eftir að stuðn-
ingsmaður kveikti á blysi í
áhorfendastæði. Þá skrifaði
KSÍ yfirlýsingu þar sem
sagði að slysið sýndi hversu
mikil hætta getur skapast í
námunda við blysin.
Marek Czeski þurfti að
greiða Stjörnunni rúmlega 1,2
milljónir króna vegna atviks á
leik liðsins gegn Lech Poznan
árið 2014. Marek hljóp þá
inn á völlinn en var hent út
skömmu síðar. Stjarnan fékk
sekt frá UEFA upp á 1,2 millj-
ónir fyrir atvikið.
Víkingur sendi frá sér yfirlýsingu í gær þar sem félagið harmar mjög fram-
komu einstakra stuðningsmanna. FRÉTTABLAÐIÐ/ANTON BRINK
Ég var samt ekki í verstu aðstæð-
unum. Félagar mínir sem voru uppi
í stúkunni voru í verri málum en
ég,“ bætir Magnús við. Hann segir
að rusl og svívirðingar hafi f logið
yfir gæsluliðið með reglulega milli-
bili. Kveikt hafi verið á blysum
og hlaupið inn á völlinn. „Það var
umræða eftir leik um að hegðun á
þessum úrslitaleikjum sé að fara
versnandi.
Séu myndirnar skoðaðar má sjá
lítil börn í þessum hóp. Ég spyr
hreinlega hvar foreldrarnir voru.“
Hann bendir á að flestir á leiknum
hafi verið þarna til að hvetja sitt lið
og skemmta sér. „En þau sitja eftir
þessi skemmdu epli.“
Heimir Gunnlaugsson, formaður
knattspyrnudeildar Víkings, vildi
lítið bæta við yfirlýsinguna.
„Það er auðvitað óásættanlegt að
haga sér svona gagnvart fólki sem er
að sinna sjálfboðaliðastörfum.“ n
bth@frettabladid.is
NEYTENDUR Áfengissala hjá ÁTVR
var 1.273 lítrar fyrstu níu mánuði
ársins, 10 prósentum minni en
fyrstu níu mánuði ársins 2021 þegar
hún var 1.420.000 alkóhóllítrar.
Þetta staðfestir Sigrún Ósk
Sigurðardóttir, aðstoðarforstjóri
ÁTVR, í samtali við Fréttablaðið.
Um óbirtar tölur er að ræða.
Athygli vekur að samdrátturinn á
sér stað á sama tíma og metfjöldi
ferðamanna hefur heimsótt Ísland.
Hlutur þeirra  í neyslunni  liggur
þó ekki fyrir  að sögn Sigrúnar.
Hún segist ekki hafa aðrar skýringar
á samdrættinum en þær að margir
Íslendingar fóru í ferðalög út fyrir
landsteinana á þessu ári og hafi
þá ekki keypt áfengi innanlands
á meðan. Þá hafi Covid-árin hér á
landi verið mikil drykkjuár.
Fríhöfnin var meira og minna
lokuð í Covid. Áætluð markaðshlut-
deild hennar er um 14 prósent. n
Áfengissala minnkaði
um tíu prósent milli ára
Nýir bílar seljast eins og heitar
lummur. FRÉTTABLAÐIÐ/ANTON BRINK
ser@frettabladid.is
SAMGÖNGUMÁL Sala nýrra fólks-
bíla hefur aukist um ríflega þrjátíu
prósent fyrstu níu mánuði ársins
samanborið við sama tíma í fyrra,
að því er fram kemur í samantekt
Bílgreinasambandsins.
Þar kemur fram að í ár hafa selst
yfir þrettán þúsund nýir fólksbílar
samanborið við tæplega tíu þúsund
fólksbíla í fyrra.
Sala fólksbíla hélt áfram að aukast
í nýliðnum september, en þá voru
tæplega tólf hundruð nýir bílar
skráðir á götuna. n
Sala fólksbíla
eykst hratt
Tæplega 1.200 nýir
bílar voru skráðir í
september.
2 Fréttir 4. október 2022 ÞRIÐJUDAGURFRÉTTABLAÐIÐ