Fréttablaðið - 04.10.2022, Blaðsíða 4

Bæjarbúar á Ólafsfirði
sem Fréttablaðið ræddi
við segja að hinn látni
hafi verið gestkomandi
í húsinu.
ÍSLENSK-BANDARÍSKA EHF • VERKSTÆÐI OG VARAHLUTAVERSLUN
SMIÐSHÖFÐA 5 • 110 REYKJAVÍK • SÍMI 590 2323
THJONUSTA@ISBAND.IS • WWW.ISBAND.IS
OPIÐ VIRKA DAGA 07:45 - 17:00
VIÐURKENNT ÞJÓNUSTUVERKSTÆÐI
SMURÞJÓNUSTA FYRIR ALLA BÍLA
FÓLKSBÍLA - HÚSBÍLA - VINNUBÍLA
STUTTUR BIÐTÍMI SÍMI 590 2323
SMURÞJÓNUSTA
UMBOÐSAÐILI
benediktarnar@frettabladid.is
KJARAMÁL Skiptar skoðanir eru á
nýju vaktafyrirkomulagi Slökkvi­
liðsins á höfuðborgarsvæðinu sem
tók formlega gildi í dag. Tilgangur­
inn með breytingunum er að auka
möguleikann á að samþætta vinnu
og einkalíf, auk þess að gera vakta­
vinnu aðgengilegri fyrir stærri hóp.
Í nýja fyrirkomulaginu verða þrí­
skiptar vaktir á virkum dögum í
stað tólf tíma vakta, en um helgar
verða áfram tólf tíma vaktir. Birgir
Finnsson, starfandi slökkviliðs­
stjóri, er mesta breytingin fyrir
starfsfólk að aðlagast nýju skipulagi
og nýjum starfsfélögum, en lengst af
hafa ekki verið miklar hreyfingar
hjá fólki á milli vakta.
Sigurður Lárus Fossberg, varð­
stjóri hjá slökkviliðinu, segir að
breytingarnar muni taka tíma, en
það verði gott að fá styttri vaktir.
„Breytingarnar leggjast nokkuð
vel í mig, þetta er í takt við tímann
og það sem fólk er að kalla eftir,
styttri vinnutíma og meiri tíma með
fjölskyldunni. Þetta er nýtt fyrir
okkur eldri starfsmenn sem erum
búnir að vera lengi á tólf tíma kerf­
inu, en það er líka gott fyrir okkur
sem erum orðin þetta fullorðin og
búin að vera lengi á vöktum, að fá
þá styttri vaktir líka,“ segir Sigurður.
„Þetta eru stærstu breytingar
innan slökkviliðsins í fjölda ára.
Auðvitað eru misjafnar skoðanir á
þessu og menn hafa misjafna sýn.
En við vonumst til að tíminn muni
leiða það í ljós að þetta sé gott kerfi
og hollt fyrir okkur og að allir verði
sáttir,“ segir Sigurður. n
Óeining um stytta vinnuviku slökkviliðsmanna

Sigurður
Lárus Fossberg,
varðstjóri hjá
Slökkviliðinu á
höfuðborgar-
svæðinu
ser@frettabladid.is
IÐNAÐUR Íslenska iðnfyrirtækið
Arctus Aluminium er komið í tíu
fyrirtækja úrslit í keppninni Nor­
dic CleanTec Open um umhverfis­
vænustu og áhugaverðustu fyrir­
tæki Evrópu, en 150 fyrirtækjum
var upphaflega boðið að taka þátt
í keppninni.
„Þetta er afar jákvætt fyrir okkur
og verkefni okkar,“ segir Jón Hjalta­
lín Magnússon, verkfræðingur og
framkvæmdastjóri fyrirtækisins,
en það hefur undanfarið unnið
að um fangs miklu evrópsku rann­
sóknar verk efni sem byggir á sjálf­
bærri nýtingu áls sem orku gjafa til
hús hitunar. n
Iðnfyrirtækið
Arctus í úrslit
bth@frettabladid.is
A F B R OT Helg i Gu nnlaugsson
af brotafræðingur segir að athygli
veki að tvö nýleg manndráp hafi
komið upp á svipuðum slóðum í
kaupstöðum fyrir norðan. Algeng­
ara sé að svona mál komi upp á höf­
uðborgarsvæðinu, þar sem Reykja­
vík hafi verið kölluð borg óttans.
Í fyrrinótt lét maður lífið á Ólafs­
firði eftir eggvopnsárás. Skammt er
síðan tveir létust eftir haglabyssu­
árás á Blönduósi.
Helgi segir of snemmt að draga
ályktanir. Búast megi við sveiflum í
fjölda manndrápsmála milli ára og
hvar þau eigi sér stað.
„Gögn lögreglu sýna ekki alltaf
að afbrot séu tíðari á höfuðborgar­
svæðinu en annars staðar þegar til­
lit er tekið til mannfjölda.“ n
Tvö manndráp á
svipuðum slóðum
Helgi Gunn-
laugsson, af-
brotafræðingur

Jón Hjaltalín
Magnússon,
framkvæmda-
stjóri Arctus
Lögreglan á Norðurlandi
eystra rannsakar manndráp
á Ólafsfirði í fyrrinótt. Fjórir
voru handteknir vegna máls­
ins, sem hefur haft djúp áhrif
á samfélagið fyrir norðan.
jonthor@frettabladid.is
LÖGREGLUMÁL Klukkan 2.34 í fyrri­
nótt var óskað eftir aðstoð lögregl­
unnar í heimahúsi á Ólafsfirði og
voru lögreglumenn frá Akureyri og
Tröllaskaga, auk sérsveitarmanna
frá Akureyri, kallaðir út. Þegar þá
bar að garði voru endurlífgunartil­
raunir hafnar á manni sem var illa
haldinn eftir að hafa verið stunginn
með eggvopni. Læknir og sjúkra­
flutningamenn komu einnig á vett­
vang.
Um er að ræða íslenskan karl­
mann á fimmtugsaldri, en endur­
lífgunartilraunirnar báru ekki
árangur og var hann úrskurðaður
látinn á vettvangi.
Lögreglan á Norðurlandi eystra
greindi frá þessu í gærmorgun, en
í tilkynningu frá henni kom fram
að fjórir einstaklingar hefðu verið
handteknir vegna málsins og væru
með réttarstöðu sakbornings. Þá
sagði lögregla að enginn væri eftir­
lýstur.
Síðar var greint frá því að lögregla
myndi krefjast gæsluvarðhalds yfir
þremur af þeim fjórum sem hand­
teknir voru. Einnig að lögreglan á
Norðurlandi eystra hefði nokkuð
skýra mynd af því sem gerðist.
Málið er áfram til rannsóknar og
er enn þá á frumstigi. Vettvangs­
rannsókn er lokið og farið hefur
verið fram á krufningu á hinum
látna.
Bæjarbúar á Ólafsf irði sem
Fréttablaðið ræddi við segja hinn
látna hafa verið gestkomandi í
húsinu. Samkvæmt heimildum
blaðsins tengdist hann þeim fjórum
Rannsaka manndráp á Ólafsfirði
einstaklingunum sem voru hand­
teknir.
Af því að dæma sem bæjarbúar
segja á málið sér aðdraganda, miðað
við fyrri samskipti þessa hóps. Ein­
hverjar væringar hafi verið innan
hópsins.
Málið liggur þungt á samfélaginu
fyrir norðan. Bæjarstjóri Fjalla­
byggðar, Sigríður Ingvarsdóttir,
segir að um sé að ræða mikið áfall
fyrir bæjarbúa. „Við erum harmi
slegin öll sem eitt,“ segir hún og
bætir við: „Í litlu bæjarfélagi sem
þessu snertir þetta alla.“
Stefanía Steins dóttir, sóknar­
prest u r í Ólafs f jarðar k irk ju ,
tekur í sama streng. „Þetta er á fall
fyrir sam fé lagið. Það er ekkert
launungar mál,“ segir hún.
Bæjarbúum var boðið í kyrrðar­
stund klukkan 20 í gærkvöld, en þar
var þeim sem eiga um sárt að binda
vegna málsins boðið að ræða við
prest eða starfsfólk Rauða kross­
ins. n
Karlmaður lést í heimahúsi á Ólafsfirði eftir að hann var stunginn með eggvopni. Hinn látni er talinn hafa verið gest-
komandi í húsinu. Sigríður Ingvarsdóttir bæjarstjóri segir málið áfall fyrir bæjarbúa. FRÉTTABLAÐIÐ/HELGI JÓNSSON
4 Fréttir 4. október 2022 ÞRIÐJUDAGURFRÉTTABLAÐIÐ