Ægir - 01.06.2022, Blaðsíða 13

13
Síldarvinnslan í Neskaupstað og
BioMar Group hafa undirritað viljayf-
irlýsingu um byggingu fóðurverk-
smiðju á Íslandi. Að því er segir í til-
kynningu frá fyrirtækjunum er stefnt
er að því að byggja umhverfisvæna
verksmiðju þar sem kolefnisspor verði
lágmarkað með notkun umhverfis-
vænnar orku. Síldarvinnslan hefur
frá árinu 2002 verið meirihlutaeigandi
í fóðurverksmiðjunni Laxá á Akureyri
en Laxá er stærsti framleiðandi fiska-
fóðurs á Íslandi.
Gunnþór Ingvason, forstjóri Síldar-
vinnslunnar fagnar samstarfinu við
BioMar. „Við höfum í lengri tíma átt í
góðu sambandi við BioMar og þetta sam-
starfsverkefni fellur vel að starfsemi
beggja fyrirtækja. Bæði fyrirtækin leggja
mikla áherslu á að hafa sjálfbærni að
leiðarljósi og reynsla okkar á sviði fram-
leiðslu fiskimjöls og lýsis með sjálbærum
hætti mun nýtast vel við framleiðslu á
hágæðafóðri fyrir íslenskt fiskeldi og
fóðrið verður samkeppnisfært við erlent
fóður. Þetta er mikilvægur áfangi í auk-
inni verðmætasköpun á okkar fram-
leiðsluvörum“ segir Gunnþór.
Fram kemur í tilkynningunni að
stefnt sé að endanlegri ákvörðun um
verkefnið fyrir lok yfirstandandi árs,
meðal annars um staðsetningu verk-
smiðjunnar. Reiknað er með að fram-
kvæmdir hefjist á næsta ári en kostnað-
ur er áætlaður 7-10 milljarðar króna.
Fram kemur í tilkynninguinni að með
verkefninu skapist tækifæri til að nýta
framleiðslu Síldarvinnslunnar til fóður-
gerðar með þeim aðferðum sem BioMar
hafi þróað með ítarlegum rannsóknum.
Framleiðsla BioMar sé þekkt hér á landi
en Laxá hefur flutt inn og dreift fram-
leiðsluvörum BioMar um nokkurra ára
skeið. Fiskeldi á Íslandi hafi tífaldast frá
árinu 2010 og stefnt að frekari vexti
greinarinnar.
„Vöxturinn hefur fyrst og fremst ver-
ið í sjókvíaeldi en fyrirhuguð er mikil
uppbygging í landeldi sem mun nýta
hagstæðar umhverfisaðstæður. Ísland er
kjörin staðsetning fyrir fóðurframleiðslu
þar sem gott hráefni er til staðar og
unnt að framleiða með hreinni grænni
orku. Á sama tíma mun framleiðslan
draga mjög úr þörfinni á að flytja fóður
til landsins. Þetta verkefni mun hafa
mjög jákvæð umhverfisleg áhrif. Bygg-
ing fóðurverksmiðju er mikilvægur þátt-
ur í að auka samkeppnishæfni Íslands og
eykur þekkingu okkar á undirstöðu fisk-
eldis sem byggir á góðu fóðri.“
Bygging hátækni fóður-
verksmiðju á teikniborðinu
 Ný hátæknivædd fóðurverksmiðja þýðir að stórlega dregur úr þörf fyrir innflutning fóðurs til fiskeldis.
Fréttir