Ægir - 01.06.2022, Blaðsíða 19

19
Sýningin Sjávarútvegur 2022 –
ICELAND FISHING EXPO verður í
Laugardalshöll dagana 21. -23. sept-
ember næstkomandi. Að sýningunni
stendur fyrirtækið Ritsýn ehf. og
segir Ólafur M. Jóhannsson, fram-
kvæmdastjóri, að mikill áhugi hafi
verið á þáttöku en þetta er í þriðja
sinn sem Ritsýn heldur sjávarútveg-
sýningu sem þessa. Þær fyrri voru
árið 2016 og 2019. Um 150 fyrirtæki
eru með sýningarbása að þessu
sinni og eru sýnendur bæði innlend-
ir og erlendir.
Ólafur segir að fjölbreytileikinn ein-
kenni sýninguna, líkt og áður.
Fjölbreytt og stór sýning
„Sýningin endurspeglar þá miklu þró-
un sem á öllum sviðum íslensks sjávar-
útveg. Gestir koma til með að sjá það
nýjasta í alls kyns búnaði sem tengist
útgerð og fiskvinnslu, nýjungar í fiski-
leitar- og fjarskiptabúnaði, þeir kynn-
ast framþróun í hugbúnaðargerð sem
tengist sjávarútvegi og þannig má
lengi telja. Meðal sýnenda eru einnig
fyrirtæki í þjónustu við hina ört vax-
andi fiskeldisgrein á Íslandi sem marg-
ir telja að muni verða stærri en fisk-
veiðar- og fiskvinnsla í framtíðinni.
Fyrst og fremst verður Sjávarútvegur
2022 stór, fjölbreytt og fræðandi sýn-
ing, jafnframt því að vera dýrmætur
vettvangur viðskiptatengsla í sjávar-
útvegsgreininni,“ segir Ólafur.
Hafa fundið mikinn meðbyr
Sjávarútvegur 2022 hefst með setning-
arathöfn eftir hádegi miðvikudaginn
21. september þar sem Svandís Svav-
arsdóttir, matvælaráðherra, opnar
sýninguna formlega. Sýningin verður
opin þann dag kl. 14 til 19 og kl. 10-18 á
fimmtudegi og föstudegi.
„Eitt stærsta markaðstæki okkar er
að sýnendur fá ótakmarkaðan fjölda
boðsmiða og við reiknum með miklum
fjölda gesta, líkt og á fyrri sýningum
okkar,“ segir Ólafur og bætir við að í
aðdraganda sýningarinnar verði hún
kynnt í innlendum sjávarútvegsmiðl-
um, m.a. á vefnum audlindin.is, í tíma-
ritinu Ægi, í sjávarútvegsblaðinu
Sóknarfæri, í öðrum fjölmiðlum og á
samfélagsmiðlum.
Eins og áður segir eru bæði inn-
lendir og erlendir sýnendur og í því
sambandi nefnir Ólafur að m.a. hafi
sendinefnd frá Möltu boðað komu sína
á sýninguna.
„Af langri reynslu veit ég að þessi
tími ársins er hentugur til sýningar-
halds og í Laugardalshöll er öll aðstaða
til sýningarhalds eins og best verður á
kosið. Þar er t.d. nýbúið að gera lag-
færingar í eldri höllinni, endurnýja
gólf og fleira. Og með þann meðbyr
sem ég og starfsfólk við undirbúning
sýningarinnar höfum fundið þá erum
við spennt að opna sýninguna og
bjóða gesti velkomna,“ segir Ólafur M.
Jóhannesson.
Sjávarútvegur 2022 – ICELAND FISHING EXPO dagana 21.-23. september
Fjölbreytt sjávarútvegssýning
framundan í Laugardalshöll
 Ólafur M. Jóhannesson, framkvæmdastjóri Ritsýnar ehf.
 Sýningin Sjávarútvegur 2022 er
þriðja sjávarútvegssýning fyrir-
tækisins. Síðast var hún haldin
haustið 2019 og var fjölsótt.
Fréttir