Ægir - 01.06.2022, Blaðsíða 20
„Ef maður hefur áhuga á hlutunum þá
gengur vel,“ segir aflakóngur strand-
veiðivertíðarinnar 2022, Vigfús Vig-
fússon. Vigfús gerir út frá Höfn í
Hornafirði og rær á 10 metra sómabát,
Dögg sf 18. Hann gerði sér lítið fyrir
og veiddi rúmlega 69 tonn á vertíð-
inni, sem stóð frá byrjun maí til 21.
júlí. Hann var tæpum 13 tonnum
hærri en næstaflahæsti strandveiði-
báturinn, Nökkvi ÁR.
Uppistaðan í afla Vigfúsar var ufsi,
eða rúmlega 46 tonn. Vigfús, sem er 62
ára og hefur marga fjöruna sopið í út-
gerð, segir að nóg hafi verið af ufsa við
Höfn í sumar en ekki séu mörg ár síðan
makríllinn hafi sett strik í veiðarnar.
„Þetta var óvenju gott í sumar og verður
vonandi gott áfram ef makríllinn leggst
ekki á okkur – það er ekki góð skepna,“
segir hann sposkur.
Áhuginn skiptir öllu
Vigfús, sem rær einn, er hógværðin upp-
máluð þegar hann er spurður hver lyk-
illinn hafi verið að velgengni hans í
sumar. „Hann segist hafa veitt ufsann
bæði á grunnu vatni og djúpu. Það eru
engin trix í þessu, ég leita hann bara
uppi og sæki þar sem ég finn hann. Mað-
ur þarf fyrst og fremst að hafa áhuga á
þessu.“
Vigfús hefur að sögn róið til fiskjar
síðan fyrir fermingu. Hann segist að-
spurður hafa tekið þátt í mörgum kerf-
um; allt frá 84 daga kerfum niður í 18
daga. Í dag líti hann á þátttöku sína á
strandveiðum sem „hobbíveiðar“. „Þetta
snýst bara um að hafa gaman að hlutun-
um.“
Hlynntur svæðaskiptingu
Svandís Svavarsdóttir, ráðherra sjávar-
útvegsmála, hefur boðað að breytingar
verði gerðar á fyrirkomulagi strand-
veiða fyrir næsta tímabil. Hún stefnir á
að skipta aflaheimildunum á milli land-
svæða. Frá árinu 2018 hafa allir strand-
veiðimenn veitt úr sama potti. Veiðar á
Vesturlandi gengu afar vel í sumar, eins
og í fyrra, og veiddu þeir sjómenn
stærsta hluta pottsins áður en fiskur
gekk á miðin austanmegin við landið.
Vigfús er ómyrkur í máli þegar kemur að
fyrirkomulagi veiðanna. „Það er bara
frekja að hafa þetta í einum potti,“ segir
hann og vísar til þeirra sem róa á vest-
anverðu landinu og börðust fyrir breyt-
ingunni 2018. Þar er fiskgengdin fyrr á
sumrinu. „Þeir sem róa á Norðaustur-
horninu hafa alla mína samúð. Ég er
mjög hlynntur því að breyta þessu aft-
ur,“ segir hann.
Vigfús vill að byggðapottarnir verði
notaðir til að auka aflaheimildir í strand-
veiðikerfinu. Fyrirkomulag úthlutunar
úr byggðapottunum sé pólitískur leikur
og að byggðarlögunum sé tryggt hæsta
mögulega verð fyrir fiskinn sem veiddur
sé á strandveiðum – þar sem fiskurinn
fer á markað. „Á byggðakvótaforminu er
það alltaf kóngurinn á hverjum stað sem
fær aflaheimildirnar á lágmarksverði. Þá
fær höfnin alltaf lágmarksverð.“
20
Engin trix í ufsanum
Vigfús Vigfússon á Höfn í Hornafirði var aflakóngur strandveiða sumarsins
Strandveiðikóngurinn Vigfús með afabarn sitt og alnafna, Vigfús Þór Vigfús-
son.
Vigfús Vigfússon kemur til hafnar á
Hornafirði 26. júlí í sumar á Dögg SF
18 með hálft sjötta tonn af ufsa.
„Þetta var óvenju gott í sumar og
verður vonandi gott áfram ef
makríllinn leggst ekki á okkur – það
er ekki góð skepna,“ segir afla-
kóngurinn.
Mynd: Kiddi Jóns
Strandveiðar