Ægir - 01.06.2022, Blaðsíða 22

22
Strandveiðum lauk þann 21. júlí, tæp-
lega sex vikum fyrr en áformað var.
Þá höfðu 712 smábátar dregið rúm
12.567 tonn af botnfiski að landi, í
tæplega 17 þúsund veiðiferðum. Þar
af komu tæplega 11 þúsund tonn af
þorski á land. Veiðar gengu heilt yfir
vel og meðalþorskafli á veiðiferð jókst
um 6% á milli ára, samkvæmt gögnum
Fiskistofu. Að auki var ufsaveiði
blómleg á sunnanverðu landinu.
Reglugerð um strandveiðar kveður á
um að strandveiðibátum sé heimilt að
stunda veiðar í 12 veiðidaga innan hvers
mánaðar í maí, júní, júlí og ágúst, eða í
48 daga alls. Þrátt fyrir að ráðherra sjáv-
arútvegsmála hafi aldrei úthlutað hærra
hlutfalli aflamarks til strandveiða dugði
það flotanum aðeins í 12 vikur að þessu
sinni.
Gekk best á Vesturlandi
Strandveiðar gengu áberandi vel á
A-svæði, sem nær frá og með Snæfells-
nesi norður fyrir Hornstrandir. Á því
svæði var tæplega helmingur bátanna
skráður. Ríflega 58% aflans komu á land
á A-svæði.
Sjómenn á austanverðu landinu báru
skarðan hlut frá borði, eins og í fyrra, en
þorskur gengur ekki að ráði á miðin
austan við land fyrr en á sumarið líður.
Þannig veiddu strandveiðimenn á
C-svæði, sem nær yfir Norðaustur- og
Austurland, aðeins 12% þorskveiðiaflans.
Þar voru þó 16,5% flotans á veiðum.
Svandís Svavarsdóttir, matvælaráð-
herra, hefur boðað lagafrumvarp sem
tryggja á réttlátari skiptingu verðmæta
á milli landshluta. „Það er staðreynd að
fiskgengd er misjöfn milli landsvæða og
það er rót þess óréttlætis sem ég sé í
skiptingu pottanna í dag. Sum landsvæði
eiga mest undir því að geta veitt seinni
hluta sumars; tími sem nú er runninn
þeim úr greipum, tími þegar þorskurinn
er stærstur og verðmætastur,“ skrifaði
hún í grein þar sem hún kynnti áform
sín.
Aflaheimildum skipt
eftir fjölda báta
Árið 2018 var horfið frá því fyrirkomu-
lagi að skipta pottinum á milli lands-
hluta. Frá þeim tíma hafa strandveiðisjó-
menn á landinu vestanverðu borið mest
úr býtum. Svandís segir ljóst að fullreynt
sé að með svæðaskiptinguna. Hún legg-
ur til að veiðiheimildum verði skipt á
milli landsvæða í réttu hlutfalli við fjölda
skráðra báta á hverju svæði. „Með þeim
Strandveiðipotturinn
tæmdur á tólf vikum
Ráðherra boðar breytingar á strandveiðikerfinu. Framkvæmdastjóri
Landssambands smábátaeigenda segir ömurlegt að strandveiðar séu
háðar duttlungum stórútgerðarinnar á skiptimarkaði
 Góður afli á strandveiðinni í sumar. Mynd: Baldur Guðmundsson.