Ægir - 01.06.2022, Blaðsíða 23
23
hætti væri tryggt að aðstæður eins og í
dag skapist ekki aftur, að stór svæði
verði af verðmætasta veiðitímanum
vegna þess að ekki var tekið tillit til fisk-
gengdar,“ segir hún.
Landssambands smábátaeigenda hef-
ur lýst yfir andstöðu sinni við áform
ráðherra og vill leggja áherslu á að
tryggðir verði 48 veiðidagar fyrir alla
strandveiðisjómenn. Svæðaskiptingin
hafi verið afnumin eftir árið 2017 með
öryggi sjómanna að leiðarljósi. Sóknar-
dögum hafi fram að því verið misskipt á
milli landsvæða og menn róið í kapp
hver við annan.
Illa staðið að uppboðinu
Örn Pálsson, framkvæmdastjóri Lands-
sambands smábátaeigenda, segir skipti-
markað með aflaheimildir rót þess
hversu snemma veiðar voru stöðvaðar í
sumar. Fiskistofa hafi staðið illa að upp-
boðinu.
„Það er mjög óeðlilegt að fá bara rúm
þúsund tonn af þorski fyrir 35 þúsund
tonn af loðnu á skiptimarkaði,“ segir Örn
en þess má geta að stuðull fyrir kíló af
loðnu er 0,36 í þorskígildum talið. Miðað
við það hefðu um 12 þúsund tonn átt að
fást fyrir loðnuna. Örn segir að það eigi
að vera hægt að tryggja strandveiðum
48 daga í gegnum skiptimarkaðinn.
„Við fengum hins vegar ekki nema
um 3.800 tonn af þorski fyrir 57.000 tonn
af aflaheimildum sem boðnar voru upp,“
útskýrir Örn og bætir við: „Það er algjör-
lega óþolandi að strandveiðar séu háðar
duttlungum stórútgerðarinnar varðandi
þessi skipti á aflaheimildum.“
Eina tækifærið til nýliðunar
Örn segir ljóst að 48 daga kerfið hafi ekki
haldið undanfarin þrjú ár. Við það sé
ekki hægt að una. Spurður hvernig hon-
um hugnist tillögur ráðherra um að
skipta pottinum á svæði eftir fjölda báta
svarar Örn því til að hann hafi ekkert
séð beint frá ráðherra í þeim efnum.
Erfitt sé að leggja mat á fyrirætlanirnar
áður en eitthvað sé skjalfest.
Svandís hefur lýst yfir eindregnum
vilja sínum til að efla strandveiðar. Örn
segir aðspurður að gífurlega mikilvægt
sé að ráðherrann beri þessar tilfinning-
ar til strandveiða enda sé þar eina tæki-
færið til nýliðunar í sjávarútvegi.
„Þessar veiðar stunda um 800 manns
og treysta á þær. Besta byggðastefnan er
fólgin í því að efla strandveiðikerfið,“
segir hann og bætir við: „Við erum líka
með þá skýru stefnu að allur byggða-
kvóti eigi að vera veiddur af dagróðrar-
bátum. Þar eiga stærri skipin ekki að fá
gramm.“
Strandveiðar
Svandís Svavarsdóttir, ráðherra sjávarútegsmála, hyggst svæðaskipa strand-
veiðipottinum. Hún vill efla strandveiðar.
Örn Pálsson, framkvæmastjóri Landssambands smábátaeigenda, segir að
strandveiðar séu eina tækifærið til nýliðunar í sjávarútvegi.