Ægir - 01.06.2022, Blaðsíða 28

28
Fiskistofa hefur úthlutað aflamarki fyrir fiskveiðiárið
2022/2022. Heildarúthlutun er 321 þúsund þorskígildistonn
sem er í heild samþráttur um eitt þorskígildistonn frá fyrra
fiskveiðiári en þá var samdrátturinn milli fiskveiðiára 37
þúsund tonn. Úthlutun í þorski á nýja fiskveiðiárinu er tæp-
lega 164 þúsund þorskígildistonn en var rúmlega 175 þorsk-
ígildistonn á síðasta fiskveiðiári. Aftur á móti eykst kvótinn
í ýsu um 5 þúsund tonn og verður nú 48 þúsund þorskígild-
istonn.
Úthlutunin nær að þessu sinni til 396 skipa sem eru í eigu 307
aðila. Til samanburðar var í upphafi síðasta fiskveiðiárs úthlut-
að til 424 skipa í eigu 308 aðila. Af þessu má glögglega sjá að bát-
um og skipum með úthlutaðar aflaheimildir heldur áfram að
fækka þó fjöldi útgerða standi í stað.
Af öðrum áhugaverðum staðreyndum um úthlutunina nú má
nefna að bátum í krókaflamarkskerfinu fækkar um 25 og eru nú
217. Bátum í aflamarkskerfinu fækkar um tvo á milli ára og eru
nú 179. Bátar undir 15 m og 30 brúttótonnum fá úthlutað rúm-
lega 45 þúsund þorskígildistonnum en bátar yfir 15 metrum og
30 brúttótonnum fá úthlutað 369 þúsund þorskígildistonnum. Þá
fengu alls 50 bátar úthlutað skel- og rækjubótum í upphafi fisk-
veiðiársins, samanlagt 1.815 þorskígildistonnum.
Stærstu fyrirtækin með hærra hlutfall
Ef horft er til þeirra fimmtíu útgerðarfyrirtækja sem mestu fá
úthlutað þá ráða þau á þessu fiskveiðiári yfir rúmlega 292 þús-
und tonnum í þorskígildum talið, sem er nánast upp á tonn það
sama og á síðasta fiskveiðiári. Hlutfallið af heildarúthlutuninni
hjá þessum fyrirtækjahópi er örlítið hærra en þá eða 90,89% nú
en var 90,6% á síðasta fiskveiðiári.
Sem fyrr er Brim hf. með stærsta hlutdeild af aflaheimildun-
um, samanlagt 10,26% Hlutfall Brimst jókst milli fiskveiðiára en
það var 9,33% við úthlutun á síðasta fiskveiðiári. Næsta fyrir-
tæki á listanum, líkt og á síðasta fiskveiðiári, er Samherji Ísland
ehf. með 6,78% heildarúthlutunar en fyrirtækið var með 7% í
upphafi síðasta fiskveiðiárs. FISK Seafood ehf. er eins og á síð-
asta fiskveiðári í þriðja sæti, nú með 6,28% heildarúthlutunar en
fyrirtækið var með 6,22% á síðasta fiskveiðiári.
Tíu kvótahæstu fyrirtækin fengu nú úthlutað 170.739.736
þorskígildistonnum, sem er 53,15% heildarúthlutunarinnar.
Þannig hafa þessi fyrirtæki styrkt stöðu sína hlutfallslega milli
fiskveiðiára en þau voru með 52,46% heildarúthlutunar í fyrra.
Listi tíu kvótahæstu útgerðanna er skipaður sömu fyrirtækj-
um og á síðasta fiskveiðiári. Skinney Þinganes færðist upp í
fimmta sætið og Vísir í það sjötta. Rammi fór úr sjötta í sjöunda
sætið, Vinnslustöðin færðist einnig niður um eitt sæti og er í því
áttunda. Loks höfðu Síldarvinnslan og Útgerðarfélag Reykjavík-
ur sætaskipti nú.
Fyrirtæki Samtals ÞÍG Hlutfall
Brim hf., Reykjavík 32.974.224 10,26%
Samherji Ísland ehf., Akureyri 21.772.279 6,78%
FISK-Seafood ehf., Sauðárkróki 20.052.193 6,24%
Þorbjörn hf., Grindavík 17.082.525 5,32%
Skinney-Þinganes hf., Höfn 14.242.067 4,43%
Vísir hf., Grindavík 13.902.695 4,33%
Rammi hf., Siglufirði 13.709.820 4,27%
Vinnslustöðin hf., Vestmannaeyjum 13.401.945 4,17%
Síldarvinnslan hf., Neskaupstað 12.168.192 3,79%
Útgerðarfélag Reykjavíkur hf., Rvk. 11.433.796 3,56%
Samtals 170.739.736 53,15%
Verstöðin Reykjavík endurheimtir toppsætið
Listi 10 stærstu verstöðvanna tekur nokkrum breytingum milli
fiskveiðiára. Nú gerist það að verstöðin Reykjavík endurheimtir
fyrsta sætið á listanum eftir að hafa gefið Vestmannaeyjum það
eftir á síðasta fiskveiðiári. Reyjavík er nú með 11,80% kvótans
en hlutfallið var 10,52% á síðasta fiskveiðiári. Vestmanneyjar
hafa einnig lítillega bætt í og eru nú með 10,91% aflaheimildanna
í þorskígildum talið. Grindavík er sem fyrr í þriðja sæti og hefur
sömuleiðis aukið hlutfall sitt í 10,52% af heildarúthlutun. Stærsta
breytingin á listanum er að Akranes er horfið af honum og í
staðinn er Grenivík komin í 10 sæti.
 Sauðárkrókstogarinn Málmey SK-1 er í þriðja sæti yfir kvótahæstu skip flotans. Mynd: Guðmundur Guðmundsson
Kvótinn 2022/2023
Aflaheimildir á nýju fiskveiðiári