Ægir - 01.06.2022, Blaðsíða 14

14
„Mér líst mjög vel á skipið. Það er búið
að endurnýja mikið á vinnsluþilfari,í
brú og gera endurbætur á vistarver-
um og matsal þannig að tilfinningin
er á vissan hátt eins og að fara með
nýtt skip á sjó. Þetta verður bæði
spennandi og krefjandi verkefni og
auðvitað gleðilegt þegar frystitogari
bætist í flota Samherja og lands-
manna,“ segir Pálmi Gauti Hjörleifs-
son skipstjóri á frystitogaranum Snæ-
felli EA-310 sem hóf útgerð nú í ágúst-
mánuði. Samherji hf. keypti skipið af
Framherja í Færeyjum en þar hét það
Akraberg. Snæfell EA verður gert út á
heilfrystingu, fyrst og fremst á grá-
lúðu og karfa.
Skip með sögu
Snæfell EA er skip með mikla sögu. Það
var smíðað nýtt fyrir útgerðarfyrirtækið
Hrönn á Ísafirði og hét Guðbjörg ÍS við
komuna til landsins árið 1994. Í kjölfar
sameiningar Samherja og Hrannar var
það um skeið gert út í Þýskalandi undir
nafninu Hannover NC. Skipið var síðan
lengt og því breytt í fjölveiðiskip sem
gert var út af Samherja undir nafninu
Baldvin Þorsteinsson EA. Togarinn fór
svo aftur til Þýskalands árið 2007 og síð-
an til Færeyja árið 2013 þar sem skipið
sem hét Akraberg og var gert út sem
frystiskip allt þar til það fékk nú heima-
höfn á Akureyri á nýjan leik.
Snæfell EA-310 er 85 metra langt og
tæplega 2.900 brúttótonn. Auk áður-
nefndra endurbóta á skipinu nú í sumar
var loftræstikerfi endurnýjað og ýmis
búnaður í vélarrúmi uppfærður, auk
þess sem skipið var málað að innan sem
utan. Verkið var unnið hjá Orskow Yars
skipasmíðastöðinni í Fredrikshavn í
Danmörku og tók það í heild um þrjá
mánuði.
Tímamót þegar frystitogari
bætist í flotann
Átján manns eru í áhöfn Snæfells EA og
sami fjöldi í skiptiáhöfn. Það skapast því
mörg störf með tilkomu frystiskips eins
og hér um ræðir. Pálmi hefur áralanga
reynslu í sjómennsku og skipstjórn og
 Pálmi Gauti Hjörleifsson, skipstjóri, í brúnni á Snæfelli EA-310.
Spennandi verkefni
framundan
segir Pálmi Gauti Hjörleifsson skipstjóri á frystitogaranum
Snæfelli EA-310 sem hóf útgerð nú í ágústmánuði