Skessuhorn - 21.09.2022, Blaðsíða 2

MIÐVIKUDAGUR 21. SEPTEMBER 20222
Villtist af leið
DALIR: Smalamennskur um
síðustu helgi gengu sumar illa
sökum þoku sem lagðist yfir
heiðar. Í leit á Sanddal villt­
ist einn smali af leið. Sá lagði
upp frá Sanddalstungu og átti
að smala Sanddalinn, koma
fénu niður í Reykjadal og í
Fellsendarétt. Smalinn villtist
hins vegar af leið en þó ekki
alvarlegar en svo að hann skil­
aði sér aftur á upphafsreit en
fór ekki með hópnum niður í
Reykjadal. -gbþ
Hvetur fólk til
að prjóna sokka
LANDIÐ: ,,Sendum hlýju“
er verkefni þar sem fólk
getur prjónað sokka sem
sendir verða svo til Úkraínu.
Þar munu þeir koma til með
að hjálpa stríðshrjáðu fólki,
einkum hermönnum, að kom­
ast í gegnum harðan vetur
framundan. Þórdís Kolbrún
Reykfjörð Gylfadóttir utan­
ríkisráðherra hefur hvatt alla
sem geta til að prjóna ullar­
sokka fyrir verkefnið. Setti
hún eftirfarandi tilkynn­
ingu inn á Facebooksíðu sína:
,,Mæli með af öllu hjarta að
fara inn á sendumhlyju.is. Þið
öll sem getið prjónað ullar­
sokka úr alvöru íslenskri hlýrri
ull og við sjáum til þess að
hlýjan skili sér á kalda fætur
í erfiðum verkefnum. Verk­
efnin sem þarf að leysa eru
allskonar og hér getur hvert
og eitt okkar gert gagn.“ -sþ
Bera ábyrgð á
sjálfum sér
SNÆF: Þorgrímur Þráins­
son rithöfundur heldur fyrir­
lesturinn „Verum ástfangin af
lífinu“ fyrir foreldra nemenda
í Grunnskóla Snæfellsbæjar
miðvikudaginn 21. septem­
ber kl. 20 í starfsstöð skól­
ans í Ólafsvík. Þar fjallar Þor­
grímur um mikilvægi þess
að bera ábyrgð á sjálfum sér,
sinna litlu hlutunum alla daga
sem efla sjálfstraustið, setja
sér markmið og vera flottur
persónuleiki. Og ekki síst lesa
og læra ný orð því læsi er eitt
mikilvægasta lýðheilsumálið.
-mm
Rotþrær tæmdar
í Helgafellssveit
STYKK: Með samein­
ingu Stykkishólmsbæjar
og Helgafellssveitar bætt­
ist fjöldi nýrra verkefna á
starfsmenn sveitarfélagsins.
Unnið er nú að einu slíku en
þessa dagana standa starfs­
menn Þjónustumiðstöðvar í
ströngu við að tæma allar rot­
þrær í Helgafellssveit. Fram
kemur á heimasíðu sveitarfé­
lagsins að gert sé ráð fyrir að
því verkefni verði lokið fyrir
næstu helgi. Myndin sýnir
Jón Beck, verkstjóri Þjónustu­
miðstöðvar, með skófluna.
-vaks/ Ljósm. stykkisholmur.is
Sveitarstjórnir Akraneskaupstaðar
og Hvalfjarðarsveitar hafa báðar
mótmælt þeim fyrirætlunum Sig­
urðar Inga Jóhannssonar að leggja
á nýja skattheimtu fyrir umferð um
jarðgöng. Telja þær að notendur
Hvalfjarðarganga séu búnir að gera
upp fyrir gerð ganganna og því sér­
lega ósanngjarnt að hefja þar gjald­
töku að nýju.
Á fundi sínum 25. september
árið 2018 sendi bæjarstjórn Akra­
neskaupstaðar frá sér ályktun þar
sem hún fagnaði þeim merkis­
áfanga, að Spölur skilaði Hval­
fjarðargöngum uppgreiddum til
ríkisins tuttugu árum eftir að þau
voru opnuð fyrir umferð. Það að
göngunum væri skilað að fullu
uppgreiddum til ríkisins var lykil­
atriði, því það þýddi að innheimta
veggjalda yrði lögð niður og við
tæki rekstur á ábyrgð ríkisins eins
og raunin er um öll önnur sam­
göngumannvirki í íslenska vega­
kerfinu. Í ályktun sinni brýndi bæj­
arstjórn jafnframt ríkið til að huga
að undirbúningi nýrra Hvalfjarðar­
ganga, þar sem núverandi göng
væru komin að mörkum leyfilegs
umferðarmagns.
„Nú berast fréttir af því að rík­
isstjórnin áformi að hefja gjaldtöku
í Hvalfjarðargöngum á nýjan leik
árið 2023, fimm árum eftir að ríkið
tók við mannvirkinu fullbúnu og
skuldlausu. Þessi gjaldtaka er sögð
eiga að fjármagna byggingu nýrra
Hvalfjarðarganga. Hvalfjarðar­
göng voru einstök framkvæmd á
íslenskan mælikvarða og saga þeirra
í raun merkisatburður í samgöngu­
sögu íslensku þjóðarinnar. Ekki
aðeins eru göngin fyrstu og einu
neðansjávargöngin á Íslandi, heldur
voru þau einnig fyrsta einkafram­
kvæmdin í íslenska vegakerfinu og
fyrsta alþjóðlega fjárfesting sinnar
tegundar í samgöngumálum á
Norðurlöndum,“ segir í bókun
sem bæjarstjórn Akraneskaupstaðar
samþykkti á fundi sínum síðast­
liðinn þriðjudag. „Þá voru Hval­
fjarðargöng fyrsta framkvæmdin í
samgöngumannvirkjum á Íslandi
sem samið var um á grundvelli
alútboðs þar sem verktakinn bar
alla ábyrgð á fjármögnun verksins á
framkvæmdatíma sem og tæknilega
ábyrgð á framkvæmd verksins. Síð­
ast en ekki síst eru Hvalfjarðargöng
eina vegaframkvæmd í sögu lands­
ins sem er að fullu greidd með not­
endagjöldum. Það væri því sérlega
ósanngjarnt að hefja að nýju inn­
heimtu veggjalda einmitt þar.“
Njóti jafnræðis
„Bæjarstjórn Akraness leggur
þunga áherslu á að íbúar lands­
ins njóti jafnræðis óháð búsetu.
Frá því að Hvalfjarðargöng voru
byggð hefur ríkið staðið fyrir upp­
byggingu dýrra samgöngumann­
virkja víða um land, svo sem lagn­
ingu jarðganga og tvöföldun vega.
Þessi uppbygging hefur átt sér stað
án þess að notendur þeirra mann­
virkja, að Vaðlaheiðargöngum
einum undanskildum, hafi þurft að
greiða fyrir notkun þeirra, hvað þá
fyrir framkvæmd þeirra áður en þau
voru byggð. Það skýtur því skökku
við að íbúar Vesturlands þurfi að
greiða á ný fyrir notkun Hval­
fjarðarganga, í þetta sinn til að safna
fyrir nýjum göngum. Slík ráðstöfun
brýtur alvarlega gegn jafnræði íbúa
miðað við búsetu þeirra. Bæjar­
stjórn brýnir innviðaráðherra til
dáða við undirbúning nýrra Hval­
fjarðarganga, sem löngu eru orðin
tímabær miðað við umferðarþunga
um núverandi göng, og lýsir sig
reiðubúna til samtals og samvinnu
um það verkefni.“
Loks segir í ályktun bæjar­
stjórnar að hún mótmæli hins
vegar harðlega þeim fyrirætl­
unum að hefja að nýju gjaldtöku
veggjalda í núverandi göngum,
enda væri slík gjaldheimta hrein
svik við fólk og fyrirtæki á Akra­
nesi og annars staðar á Vestur­
landi sem og alla notendur Vest­
urlandsvegar sem nú þegar hafa
greitt þessa framkvæmd upp. „Þá
hvetur bæjarstjórn ráðherra til að
líta til aðferðafræðinnar við undir­
búning og byggingu núverandi
ganga þar sem framkvæmdin sjálf
var fjármögnuð samkvæmt alút­
boði, en innheimta veggjalda hófst
ekki fyrr en mannvirkið var full­
búið og opið fyrir umferð.“
Leggjast einnig
gegn gjaldtöku
Andrea Ýr Arnarsdóttir oddviti
Hvalfjarðarsveitar sendi innviða­
ráðuneytinu 5. ágúst sl. umsögn
fyrir hönd sveitarstjórnar Hval­
fjarðarsveitar vegna fyrirætlunar
ráðherra um gjaldtöku fyrir umferð
í jarðgöngum. Sveitarstjórn hefur
nú staðfest umsögnina en þar segir:
„Sveitarstjórn Hvalfjarðarsveitar
tekur undir að þjóðfélagslegur
ávinningur fylgi því að hafa góðar
samgöngur og það sé hagur allra
landsmanna að flýta uppbyggingu
samgönguinnviða. Sveitarstjórn
Hvalfjarðarsveitar hefur hinsvegar
þungar áhyggjur hvað varðar áform
um ný jarðgangagjöld. Á það sér­
staklega við um Hvalfjarðargöng
þar sem þau eru mikilvæg sam­
gönguæð fyrir íbúa og gesti Hval­
fjarðarsveitar auk þess að gegna
mikilvægu hlutverki fyrir atvinnu­
og þjónustufyrirtæki á svæðinu.
Framkvæmd Hvalfjarðarganga
hefur nú þegar verið greidd að
fullu með 20 ára gjaldtöku frá veg­
farendum og að hefja gjaldtöku þar
að nýju væri að mati sveitarstjórnar
mikil mismunun að ótöldum
kostnaðarauka fyrir íbúa, gesti og
atvinnulíf Hvalfjarðarsveitar. Sveit­
arstjórn Hvalfjarðarsveitar leggst
eindregið gegn áformum um gjald­
töku í þegar byggðum og fjár­
mögnuðum jarðgöngum líkt og
Hvalfjarðargöngum.“
mm
Á síðustu árum, eftir komu snjall-
símanna, hefur það færst í vöxt
að fólk er sífellt að skoða eitthvað
í símanum sínum. Ef það er dauð
stund einhvers staðar virðist fólk
ætíð leita í símann og það síðasta
sem margir gera áður en þeir
fara að sofa er að kíkja í símann
sinn. Blaðamaður hefur síðustu
mánuði reynt að sleppa þessum
slæma ávana og frekar tekið sér
bók í hönd til að lesa fyrir svefn-
inn. Það hefur virkað vel og
miklu meiri líkur á að sofna fyrr
og sofa betur. Síminn er orðinn
það mikill tímaþjófur í hinu dag-
lega lífi svo það er um að gera að
gefa honum af og til frí.
Á fimmtudag eru líkur á vest-
lægri átt, 3-10 m/s, hvassast
sunnan- og vestanlands. Skúrir á
víð og dreif en bjart með köflum
suðaustanlands. Hiti 5 til 13
stig, mildast á Suðausturlandi. Á
föstudag er útlit fyrir suðvestan
5-13 m/s, hvassast norðvestan
til. Skýjað en þurrt að kalla vest-
anlands en bjart um austanvert
landið. Hiti 7 til 12 stig. Á laugar-
dag gengur í suðvestan hvass-
viðri eða storm með talsverðri
rigningu vestan til með hlýnandi
veðri. Á sunnudag gengur í stífa
norðanátt með slyddu norðan til,
dálítil væta syðra framan af degi
en léttir síðan til þar. Hratt kóln-
andi veður.
Í síðustu viku var spurt á vef
Skessuhorns: „Ferðu í réttir í
haust?“ Meira en helmingur eða
63% svaraði því neitandi að fara
í réttir í haust, 31% sagðist ætla
að skella sér og hin prósentin sex
ætluðu kannski að mæta.
Í næstu viku er spurt:
Hvað af eftirtöldu finnst þér
best á bragðið?
Smalar eru Vestlendingar
vikunnar. Það segir sig sjálft.
Spurning
vikunnar
Á döfinni
Vestlendingur
vikunnar
Veðurhorfur
Harður árekstur tveggja bíla varð á
Snæfellsnessvegi, vestan við Lyng­
brekku á Mýrum, á þriðja tímanum
síðastliðinn föstudag. Bíl var ekið
á öfugum vegarhelmingi og lenti
framan á bíl sem kom úr gagnstæðri
átt. Tveir voru í öðrum bílnum en
einn í hinum, ásamt hundi. Mik­
ill viðbúnaður björgunaraðila
var á vettvangi og meðal annars
þurfti slökkvilið að beita klippum
á annan bílinn. Þá var ákveðið að
kalla til þyrlu Landhelgisgæsl­
unnar sem flutti einn hinna slösuðu
á sjúkrahús. Hinir tveir voru fluttir
með sjúkrabílum undir læknis­
hendur. Vegurinn var lokaður í um
þrjá klukkutíma vegna slyssins og
mynduðust langar biðraðir beggja
vegna vettvangs, en hægt var að aka
hjáleið um Hraunhreppsveg.
mm
„Sérlega ósanngjarnt að hefja að
nýju gjaldtöku í Hvalfjarðargöng“
Norðurmunni Hvalfjarðarganga. Ljósm. úr safni.
Harður árekstur vestan við Lyngbrekku
Svipmynd af vettvangi meðan björgun stóð yfir. Ljósm. Steingerður