Skessuhorn - 21.09.2022, Blaðsíða 10

MIÐVIKUDAGUR 21. SEPTEMBER 202210
Úthlutunarnefnd um úthlutun
rekstrarstuðnings til einkarekinna
fjölmiðla hefur lokið störfum í ár.
Fjölmiðlanefnd sá um umsýslu
umsókna og veitti úthlutunarnefnd
sérfræðiaðstoð vegna þeirra, en í
nefndinni sátu Árni Vilhjálmsson,
Stefán Svavarsson og Valgerður
Anna Jóhannsdóttir. Alls bárust
28 umsóknir um rekstrarstuðn­
ing til einkarekinna fjölmiðla og
samtals var sótt um rekstrarstuðn­
ing að fjárhæð 917,5 milljónir kr.
Þremur umsóknum var synjað þar
sem þær uppfylltu ekki öll skilyrði
fyrir rekstrarstuðningi.
Í lögunum segir að rekstrar­
stuðningur til fjölmiðla sem upp­
fylla skilyrðin skuli að hámarki
vera 25% af stuðningshæfum
rekstrarkostnaði umsækjenda.
Þá ráðist endanlegt hlutfall af
umfangi og fjölda umsókna. Til
úthlutunar voru 380,1 milljón
króna. Hæstu styrkina nú, líkt og
á síðasta ári, hljóta útgáfufélögin
Árvakur, Sýn og Torg, en hvert
um sig fær 66,8 milljónir króna,
sem er ríflega helmingur þess sem
til úthlutunar var. Myllusetur,
útgefandi Viðskiptablaðsins, N4
og Stundin koma þar næst og
Bændablaðið er ofarlega á lista.
Skessuhorn ehf. hlýtur 9,3 millj­
ónir króna í styrk vegna rekstrar­
ársins 2021.
Með drögum að frumvarpi til laga
um sýslumannsembætti sem kynnt
voru í sumar er lögð til sú grund­
vallarbreyting að landið verði gert
að einu lögsagnarumdæmi og sýslu­
mannsembættum fækkað úr níu í
eitt. Lagt er til að það verði stað­
sett á landsbyggðinni og leitað var
til Byggðastofnunar sem komst að
niðurstöðu um fjóra kosti sem væn­
legastir þóttu. Sá fyrsti sem upp var
talinn var Búðardalur, en hinir voru
Blönduós, Hvolsvöllur og Húsavík,
í þessari sömu röð.
Jákvæðust í Búðardal
og Blönduósi
Frumvarpið er í umsagnarferli, en
í framhaldi af skýrslu Byggðastofn­
unar hefur Jón Gunnarsson dóms­
málaráðherra kynnt ákvörðun
sína um að embættið fái aðsetur
á Húsavík. Byggðastofnun metur
byggðaáhrif staðarvalsins jákvæð
þar en jafnframt kemur fram að
þau yrðu talsvert meiri fyrir Búðar­
dal og Blönduós. Stofnunin lagði
ýmislegt til grundvallar niður­
stöðu sinni, m.a. búsetuþætti á við­
komandi stöðum. Má þar telja fjöl­
breytni atvinnulífs og aðgengi að
dagvöruverslun og menntun og
heilbrigðisþjónustu. Ennfremur
samfélagsanda/ menningu, íþrótta­
og æskulýðsstarf, stöðu á húsnæð­
ismarkaði, nettengingu auk neyðar­
og félagsþjónustu.
Búðardalur
Um Búðardal segir í skýrslu
Byggðastofnunar að staðsetning
bæjarins sé með tilliti til ferða­
laga milli starfsstöðva embættisins
sú hentugasta af valkostunum, en
atvinnulíf sé fjölbreyttara á flestum
hinna staðanna þriggja. Nægt
skrifstofupláss fyrir óstaðbundin
störf séu í Búðardal en aðgengi
að háskólamenntuðu starfsfólki
hins vegar víða nokkuð betra en
þar. Dagvöruverslun sé til staðar
með nokkuð löngum opnunar­
tíma, en verð og úrval sé víða betra.
Möguleikar til menntunar á lægri
skólastigum séu góðir en langt sé
í næsta menntaskóla. Í Búðardal sé
heilsugæsla en hvorki tannlækna­
þjónusta né sjúkraþjálfun. Hús­
næði er metið nokkuð ódýrt, en
ekki mikil virkni og framboð á fast­
eignamarkaði. Fremur fá heimili í
Búðardal eru sögð vera tengd ljós­
leiðara. Samfélagsandi og menn­
ing, félagsþjónusta og íþrótta­ og
æskulýðsstarfsemi eru metin viðun­
andi.
Húsavík
Byggðastofnun telur Húsavík
nokkuð vel í sveit setta með til­
liti til ferðalaga milli starfsstöðva
embættisins og mjög vel staðsetta
með tilliti til flugsamgangna. Fjöl­
breytni atvinnulífs sé þar yfir með­
allagi en atvinnuöryggi hins vegar
undir meðallagi. Dagvöruverslun er
talin góð hvað varðar verð og mjög
góð er úrval snertir. Möguleikar til
menntunar á Húsavík eru sagðir
góðir á leikskóla,­ grunnskóla­ og
framhaldsskólastigum. Á staðnum
eru heilsugæsla, sjúkra­ og hjúkr­
unarrými auk tannlæknaþjónustu
og aðgengis að sjúkraþjálfun. Hús­
næðisverð og hreyfing á fasteigna­
markaði eru í meðallagi. Mörg
heimili á Húsavík eru tengd ljós­
leiðara, samfélagsandi/ menn­
ing er sögð góð og félagsþjónusta
mjög góð. Byggðastofnun telur að
verði embættinu fundinn staður
á Húsavík hefði það jákvæð áhrif
á fjölbreytni atvinnulífs staðar­
ins þó slík áhrif væru víða meiri.
Byggðaáhrif staðarvalsins eru því
metin jákvæð á Húsavík þó þau
séu talsvert meiri fyrir Búðardal og
Blönduós.
Hröð framkvæmd
Í frumvarpinu er lagt til að ráðherra
geti strax við samþykkt þess hafið
undirbúning að stofnun nýs emb­
ættis með því að skipa sýslumann
og verkefnisstjórn til að vinna með
ráðuneytinu að frekari skipulagn­
ingu þess. Miðað er við að öll störf
hjá gömlu sýslumannsembætt­
unum verði lögð niður við gildis­
töku laganna en að starfsfólki, öðru
en sýslumönnum, verði boðið starf
hjá hinu nýja embætti frá sama tíma
og þá með sem minnstri röskun
á högum þess. Hvað sýslumenn
varðar er miðað við að þeirra stöður
verði sömuleiðis lagðar niður og að
nýr sýslumaður auglýsi og ráði þess
í stað í stöður stjórnenda fyrir hvert
svæði fyrir sig.
Margar athugasemdir
Margar athugasemdir komu fram
þegar frumvarpið var fyrst kynnt
og þá aðallega við niðurlagningu
þeirra embætta sem fyrir eru á
landsbyggðinni. Sýslumannafélagið
gagnrýndi áformin til að mynda og
slíkt hið sama gerði bæjarstjór­
inn í Vestmannaeyjum, en þar er
eitt núverandi sýslumannsemb­
ætta. Byggðastofnun sendi einnig
inn athugasemdir með vísan til lög­
bundins hlutverks síns um eflingu
byggðar, atvinnulífs og jöfnun tæki­
færa allra landsmanna til atvinnu og
búsetu. Dalabyggð sendi líka inn
athugasemdir á þessum tíma, en
þær lutu ekki að staðsetningu því þá
lá ekki fyrir að Húsavík yrði niður­
staða ráðherra sem aðsetur emb­
ættis sýslumanns Íslands.
gj
Í bréfi sem Arnbjörg Stefánsdóttir,
skólastjóri Brekkubæjarskóla á
Akranesi, sendi foreldum barna
í skólanum í síðustu viku kemur
fram að Brúin sem er starfshópur
um forvarnir á Akranesi hafi miklar
áhyggjur af áhættuhegðun barna og
unglinga.
„Undanfarið hefur borið á því
að börn og unglingar eru að taka
áskorunum á samfélagsmiðlinum
TikTok um allskyns áhættuhegðun.
Hegðun, sem getur haft mjög svo
alvarlegar afleiðingar. Til dæmis
eru börn mönuð til að þrengja að
brjóstkassa og öndunarvegi til að
láta líða yfir sig og sparka fótum
undan til að fella aðra. Einnig eru
börn að mana hvort annað í að
gera eitthvað áhættuatriði til að sjá
hvernig það endar. Bæði eru þetta
áhættuatriði sem koma af TikTok
en einnig ,,heimasmíðuð“ atriði.
Eitt af því er t.d að leggjast á götu
og athuga hvort og þá hvenær bíll
stoppar. Annað að leggjast undir
bílskúrshurð til að kanna hvort hún
stoppar og fleira í þessum dúr. Það
er auðvitað þannig að sum börn
er auðveldara að mana en önnur
og ákveðið valdaójafnvægi sér til
þess að börn í viðkvæmri stöðu
eru í meiri áhættu á að vera att út
í þessar áskoranir. Þetta er auðvitað
grafalvarlegt og börn hafa verið
flutt á sjúkrahús til aðhlynningar
eftir að hafa tekið þátt í áskorun
og er í raun tímaspursmál hvenær
stórslys verður.“
Þá segir enn fremur í bréf­
inu að nú reyni á að foreldrar taki
umræðuna við börnin um þessa
hegðun. „Hamrið á alvarleikanum
sem afleiðingar af þessari hegðun
geta orðið. Að sjálfsögðu mun
umræðan einnig verða tekin í skól­
anum. Saman erum við sterkari.“
vaks
Vara við að börn og unglingar
taki áskorunum á TikTok
Frá Búðardal. Ljósm. gj.
Sýslumaður á Húsavík
en ekki í Búðardal
Styrkir greiddir út til
einkarekinna fjölmiðla
Landshlutablöð eru í hópi þeirra sem njóta styrkja.
Samkvæmt ákvörðun úthlutunarnefndar
hljóta eftirfarandi 25 fjölmiðlaveitur
rekstrarstuðning árið 2022:
Árvakur hf. 66.767.227 kr.
Birtíngur útgáfufélag ehf. 13.207.817 kr.
Bændasamtök Íslands 16.756.577 kr.
Elísa Guðrún ehf. 3.707.875 kr.
Eyjasýn ehf. 1.914.776 kr.
Fótbolti ehf. 5.744.382 kr.
Fröken ehf. 5.814.742 kr.
Hönnunarhúsið ehf. 997.180 kr.
Kjarninn miðlar ehf. 14.519.325 kr.
Leturstofan Vestmannaeyjum ehf. 1.452.776 kr.
MD Reykjavík ehf. 4.642.775 kr.
Myllusetur ehf. 25.012.660 kr.
N4 ehf. 20.713.191 kr.
Nýprent ehf. 4.249.793 kr.
Prentmet Oddi ehf. 2.412.119 kr.
Skessuhorn ehf. 9.336.785 kr.
Sólartún ehf. 10.489.583 kr.
Steinprent ehf. 1.632.473 kr.
Sýn hf. 66.767.227 kr.
Torg ehf. 66.767.227 kr.
Tunnan prentþjónusta ehf. 2.117.748 kr.
Útgáfufélag Austurlands ehf. 3.660.962 kr.
Útgáfufélagið ehf. 4.306.578 kr.
Útgáfufélagið Stundin ehf. 22.273.029 kr.
Víkurfréttir ehf. 5.697.371 kr.
mm