Skessuhorn - 21.09.2022, Blaðsíða 32

WWW.SKESSUHORN.IS
Nokkrar skipulagðar lóðir hafa
staðið auðar í götunni Stöðuls­
holti í Borgarnesi í sautján ár, en
nú rísa þar fjögur hús á samliggj­
andi lóðum. Byggingaraðilar eru
annars vegar Tekta sem byggir
nú tvö 150 fermetra einbýlishús í
götunni en einnig hefur slíkt hús
nú þegar risið á vegum fyrirtæk­
isins á Hvanneyri. Húsin hafa öll
verið auglýst til sölu. Húsin sem
rísa ofar í götunni byggir Stefán
Már Sturluson en hann reisir tvö
hús sem eru 170 fermetrar hvort.
,,Ég er búin að horfa á þessa
sökkla í mörg ár og langað til að
byggja þetta og nú varð loks­
ins af því. Ég fór í þetta verkefni
með Sparhúsum en þetta er búin
að vera draumur í mörg ár. Maður
er að reyna að gefa eitthvað til
baka til heimabyggðar. Húsin eru
komin á sölu og lítur allt út fyrir
að þau séu bæði seld,“ segir Stefán
í samtali við Skessuhorn.
sþ
Á fundi byggðarráðs Borgar­
byggðar síðastliðinn fimmtu­
dag kom fram að byggingarnefnd
íþróttamannvirkja í Borgarnesi
hefði aflað gagna til undirbúnings
fyrir byggingu annars vegar park­
ethúss sem staðsetja eigi á núver­
andi íþróttasvæði og hins vegar
uppbyggingu gervigrasaðstöðu,
annað hvort á núverandi íþrótta­
svæði undir berum himni eða með
fjölnota íþróttahúsi, t.d. á núver­
andi tjaldsvæði við Granastaði.
„Fyrir liggur frumkostnaðar­
mat á þessum þremur valkostum,
auk áætlaðs hönnunar­ og fram­
kvæmdatíma á umræddum val­
kostum. Er því tímabært að vísa
málinu til byggðarráðs og sveit­
arstjórnar til ákvörðunar um mis­
munandi fjárfestingarkosti. Tillaga
byggingarnefndar íþróttamann­
virkja til byggðarráðs hvað varðar
forgangsröðun uppbyggingar er að
hefja vinnu við þarfagreiningu og
hönnun á nýju parkethúsi. Sam­
hliða þeirri vinnu verði hafin vinna
við uppbyggingu fjölnota íþrótta­
húss, t.d. við Granastaði. Áætlaður
hönnunartími nýs parkethúss verði
a.m.k. 24 mánuðir, en áætlaður
hönnunar­ og framkvæmdatími við
uppbyggingu fjölnota íþróttahúss
er um 24 mánuðir. Byggingarnefnd
hefur við ofangreindar tillögur
ekki tekið mið af fjárfestingargetu
sveitarfélagsins og vísar endanlegri
ákvörðun um forgangsröðun fjár­
festinga til byggðarráðs og sveit­
arstjórnar í tengslum við gerð fjár­
festingaráætlunar til næstu ára,“
segir í fundargerðinni. vaks
Fjögur einbýlishús rísa í
sömu götu í Borgarnesi
Stefán Már Sturluson byggir tvö hús í Stöðulsholti en hann segir það hafa verið
draum í mörg ár að byggja í götunni.
Hefja vinnu við hönnun á nýju parkethúsi
og uppbyggingu fjölnota íþróttahúss
Grunnskólinn og fjær eru núverandi íþróttamannvirki í Borgarnesi. Ljósm. mm.