Skessuhorn - 21.09.2022, Blaðsíða 4

MIÐVIKUDAGUR 21. SEPTEMBER 20224
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 4.110 krónur með vsk. á mánuði. Elli- og örorkulífeyrisþegar greiða
kr. 3.550. Rafræn áskrift kostar 3.220 kr. Rafræn áskrift til elli- og örorkulífeyrisþega er 2.968 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Gunnlaug Birta Þorgrímsdóttir gb@skessuhorn.is
Valdimar K. Sigurðsson vaks@skessuhorn.is
Guðrún Jónsdóttir gj@skessuhorn.is
Steinunn Þorvaldsdóttir sth@skessuhorn.is

Auglýsingar og dreifing:
Díana Ósk Heiðarsdóttir auglysingar@skessuhorn.is
Umbrot og hönnun:
Siggi Sigbjörnsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Almættið og
kóngafólkið
Síðustu vikur hef ég verið áhyggjufullur yfir meðallagi, en þó reynt eftir
mætti að láta ekki dapra daga naga sálartetrið niður fyrir skynsamleg
mörk. Vissulega hef ég til dæmis áhyggjur af þeirri hamfarahlýnun sem
er að verða um gjörvalla heimsbyggðina, en þó kannski sýnu mest í minni
gömlu heimasveit. Nú virðist hins vegar sem almættið hafi ákveðið að grípa
í taumana. Einfaldlega skrúfað fyrir heita vatnið á bæina þannig að taki að
kólna í þeim að nýju. Allavega las ég það í Stundinni og tæpast ljúga þessir
sunnanmiðlar öllu sem þeir segja og skrifa, þótt ýmislegt sé ótrúlegra í
þeim stundum en svæsnustu reyfarahöfundar hafa hugmyndaflug til skrifa.
En kannski var það ekki almættið sem greip í taumana, kannski bara ein­
hver úr hinu neðra sem býr nær uppsprettu heita vatnsins. Hvað veit ég, ef
mig skyldi kalla, eins og maðurinn sagði.
En það er fleira sem legið hefur á sálinni. Ég vorkenni nefnilega fjar­
skyldari frændum mínum í Bretlandi alveg svakalega. Nú hafa þeir þurft
að kveðja sína heitt elskuðu og dáðu drottningu til sjö áratuga. Blessuð sé
minning Elísabetar Englandsdrottningar sem borin var fram og til baka
og loks til hinstu hvílu á mánudagskvöldið. Eftir að hafa horft á þættina
Queen, á streymisveitu í fyrra, komst maður miklu nær þeim veruleika
sem þarlent kónga­ og drottningarfólk lifir við. Þar sem konungsveldið er
í raun ekkert annað en stórfyrirtæki sem aragrúi embættismanna stýrir af
geðþótta og venjum sem eiga fátt skylt við hófsemd og hvað þá tíðaranda
dagsins. Þótt þessi sjónvarpsþáttasería hafi að einhverju leyti verið upp­
diktuð, var hún þó með sönnum þræði. Var því einhvern veginn svo dapur­
legt að sjá þá einsemd sem tiginborið fólkið þurfti að búa við í lífi sínu,
hvort heldur var í opinberum störfum eða í einkalífi. Um leið er litið á það
sem þjóðareign og því gert að búa í einangrun þar sem boð og bönn, hefðir
og venjur móta hegðun þess og opinbera framkomu. Því hvað er það annað
en einangrun þegar ekki má fara út úr húsi án þess að kastljós fjölmiðlanna
beinist stöðugt að því? Undir þessu oki hefur margt drottningarfólkið bug­
ast, þótt alltaf stæði hún Elísabet blessunin í fæturna. Krakkarnir hennar,
barnabörn og tengdabörn hafa hins vegar mörg hver látið bugast, þannig
að suma hefur þurft að útiloka frá opinberum skyldum og embættis verkum.
Eða að þau sjálf hafa ákveðið að gefa frá sér slíka vegsemd. Það verður því
í mínum huga kraftaverk ef Karl konungur nær að öðlast þótt ekki væri
nema lítinn hluta þeirrar virðingar sem móðir hans naut í huga landsmanna
og raunar heimsbyggðarinnar allrar ef marka má gestafjöldann við útför­
ina á mánudaginn.
Þeir eru fjölmargir Íslendingarnir sem fylgst hafa með lífi og starfi
Elísabetar Englandsdrottningar í gegnum þykkt og þunnt. Fólk sem sjálft
er komið á efri ár ber takmarkalausa virðingu fyrir drottningu. Ef grannt
er skoðað getur það nefnilega verið hollt að geta borið virðingu fyrir ein­
hverjum. Hafa þetta haldreipi sem hvergi kvikar, hvað sem á dynur. Við
hér á landi höfum ekki svona afgerandi þjóðhöfðingja, kerfið býður ekki
upp á það. Forsetar lýðveldisins koma og fara, þurfa að afla sér fylgis rétt
eins og stjórnmálamenn fjórða hvert ár og það er nánast útilokað að öllum
líki vel við alla. Öðru máli gegnir um konungsdæmi þar sem krúnan erfist
milli kynslóða. Frumburðurinn er einfaldlega fyrstur í erfðaröðinni, allt frá
fæðingu. Þannig má segja að Karl blessaður sé í senn heppinn og óheppinn.
Heppinn að hafa átt umhyggjusama móður en óheppinn að vera kominn á
áttræðisaldur þegar hann loksins fékk vinnu; komst til valda. Ríflega sjötíu
ára starfsþjálfun er nefnilega alveg hellingur og alls ekki sjálfgefið að við­
komandi hafi vilja til að taka við keflinu á þeim aldri sem allt annað fólk er
að setjast í helgan stein.
En ég kýs að halda í vonina. Að hæfilegur hiti verði í öllum húsum í
minni gömlu heimasveit og að Karli konungi gangi vel að tjónka við þær
hefðir og venjur sem honum eru uppálagðar.
Magnús Magnússon
Talsverður viðbúnaður var á mánu­
dagsmorgun í Rifshöfn þegar
dýpkunar prammi sem notaður er
til að moka efni upp úr höfninni um
borð í skip, tók að sökkva. Unnið
hefur verið við dýpkun innsigl­
ingarinnar í höfnina. Við verkið er
notuð grafa sem hvílir á flothylkjum
og virðist leki hafa komið að þeim.
Á prammanum er einnig vinnu­
skúr. Slökkvilið Snæfellsbæjar mætti
á svæðið og þá var björgunarskipið
Björg einnig tiltækt. Var það fengið
til að draga flotgirðingu í kringum
tækin til að lágmarka mengun ef olía
færi að leka.
Á meðfylgjandi mynd er fjarað
út og hafði pramminn þarna náð til
botns. Grafan og húsið á pramm­
anum fóru hins vegar í kaf þegar
flæddi að. Samkvæmt upplýs­
ingum frá hafnarverði í gærmorgun
stendur til að fá tvo öfluga krana á
svæðið og freista þess að ná búnað­
inum upp. Alls vega grafan, pramm­
inn og húsið yfir hundrað tonn.
mm/ Ljósm. af
Hluti af námi í Grunnskóla Snæ­
fellsbæjar er Átthagafræði og er
skólinn einn af fáum skólum á
landinu sem eiga námskrá af þessu
tagi. „Átthagafræði er fræðsla um
grenndarsamfélagið þar sem lykil­
þættir eru náttúra, landafræði og
saga bæjarfélagsins,“ eins og fram
kemur á heimasíðu Grunnskóla
Snæfellsbæjar.
Nú í haust hafa nemendur og
kennarar nýtt góða veðrið til þess
að vinna að verkefnum þessu tengt.
Má þar nefna að nemendur í 1. til 7.
bekk eru allir búnir að fara í berjamó
og bjó 3. bekkur til berjasultu sem
nemendur tóku með sér heim.
Annar bekkur er með Höskuldará
í fóstri og fer í reglulegar göngu­
ferðir þangað til að fræðast um stað­
inn og tína rusl í og við ánna og eru
þau nú þegar búin að fara einu sinni
og hreinsa til. Fimmti bekkur fór á
dögunum suður fyrir jökul og gekk
hópurinn frá Lóndröngum og að
Malarrifi þar sem krakkarnir léku
sér og fengu fræðslu hjá Guðmundi
Jenssyni starfsmanni þjóðgarðsins.
Kartöfluuppskera fjórða bekkjar er
einnig komin í hús og Katrín mat­
ráður búin að sjóða þær og brögð­
uðust þær mjög vel.
Er hér aðeins stiklað á því helsta
en einnig hefur verið unnið að
fjölmörgum öðrum verkefnum
bæði tengt Átthagafræðinni og
öðrum námsgreinum. Eins og sjá
má á myndinni hafa nemendur og
kennarar notið útiverunnar um
leið og þau hafa öðlast nýja og
hagnýta þekkingu á nærumhverfi
sínu en á myndinni eru nemendur
annars bekkjar ásamt stuðningsfull­
trúa með ruslið sem þau týndu úr
Höskuldar ánni.
þa
Mennta­ og barnamálaráðuneytið
hefur styrkt samtökin Móður­
mál um 15 milljónir króna. Styrk­
urinn er liður í aðgerðum stjórn­
valda vegna barna á flótta og barna
af erlendum uppruna. Móðurmál
eru samtök um tvítyngi sem kenna
móðurmál önnur en íslensku, styðja
við og taka þátt í rannsóknum á
virku tvítyngi í samfélaginu. Þau
hafa boðið upp á kennslu fyrir fjöl­
tyngd börn á yfir 20 tungumálum
frá árinu 1994.
Fyrr í vikunni lauk mennta­ og
barnamálaráðuneytið úthlutun
styrkja til sveitarfélaga vegna mót­
töku barna á flótta. Stuðningur­
inn var veittur tímabundið til að
styðja við fjölbreytt tómstunda­ og
menntunarúrræði fyrir börnin og
undirbúning skólastarfs í haust.
mm
Dýpkunarprammi
hálfsökk í Rifshöfn
Hagnýt kennsla í átthagafræði
Styrkja samtökin Móðurmál
vegna tvítyngdra barna
Óttarr Proppé leiðir stýrihópa um málefni barna á flótta og barna af erlendum
uppruna. Hér er hann ásamt stjórn Móðurmáls (vantar nöfn) og Ásmundi Einari
Daðasyni, mennta- og barnamálaráðherra. Ljósm. Stjórnarráðið.