Fréttablaðið - 24.11.2022, Blaðsíða 24

Ég gat ekki hugsað mér
að vera heima svo ég
tók dallinn bara með
mér.
Síðustu ár hefur þetta
verið taktískt hjá
mörgum liðum, að
hægja á leik og drepa
niður hraða leiksins.
Kristinn Jakobs-
son, fyrrverandi
dómari
Uppbótartíminn í fótbolta er
líklega að taka breytingum
til frambúðar. Á Heims-
meistaramótinu í Katar hefur
það vakið mikla athygli
hversu mikill uppbótartími
er í flestum leikjum. Kristinn
Jakobsson, fremsti dómarinn
í sögu Íslands, segir að verið
sé að svara ákalli þeirra sem
taka þátt í leiknum.
hoddi@frettabladid.is
Fótbolti Flestir leikir á Heims-
meistaramótinu það sem af er hafa
farið yfir 100 mínútur. Ástæðan
er breyttar áherslur dómara en
líka breytingar sem orðið hafa á
leiknum síðustu ár. Þannig hefur
VAR-tæknin orðið til þess að oft
hægist á leiknum og tíminn þar
sem boltinn er raunverulega í leik
hefur minnkað, fleiri skiptingar eru
leyfðar en áður og taka þær tíma frá
leiknum sjálfum. Þá eru það taktísk
brögð þjálfara sem oft leggja upp
með það að tefja leiki, leikmenn
gera sér upp meiðsli og fleira í þeim
dúr. Með breytingunum sem eru á
mótinu í Katar er verið að svara því
ákalli að boltinn sé meira í leik en
verið hefur.
„Þetta er forsenda þess að koma í
veg fyrir leiktafir og bæta upp þann
tíma sem tapast út af skiptingum,
meiðslum og öðru slíku. Það er líka
verið að horfa til þess að hugsanlega
yrðu leiktafir út af veðuraðstæðum,
að það yrði hreinlega of heitt. Það
er verið að svara kalli leikmanna,
þjálfara og yfirmanna knattspyrnu-
mála,“ segir Kristinn um þennan
aukna leiktíma sem sést hefur.
Taktískar tafir
Það er þekkt stærð í heimi fótbolt-
ans að lið leggja oft upp með það
að tefja leik, hægja á öllu og leik-
menn byrja að gera sér upp meiðsli
sí og æ. Þessa listgrein hefur Atle-
tico Madrid á Spáni svo sannar-
lega fullkomnað. Diego Simeone og
lærisveinar hans eru þeir bestu í að
hægja á leiknum með ráðum og dáð.
„Síðustu ár hefur þetta verið takt-
ískt hjá mörgum liðum að hægja á
leik og drepa niður hraða leiksins.
Vinna sér inn tíma til að reyna að
halda í úrslit. Það að þetta byrji nú
á HM er stór liður í því að ýta þessu
úr vör, þetta er stærsta sviðið til að
sýna að þetta virki og þá í framhaldi
fari þetta inn hjá UEFA og öðrum
samböndum sem glíma við þetta í
Meistaradeild og f leiri keppnum,“
segir Kristinn um breytinguna.
Almenn ánægja virðist ríkja með
þessar nýju áherslur sem FIFA lagði
fyrir dómara. Eru stórmót oft upp-
hafið að breytingum í fótboltanum.
„Miðað við þær forsendur sem við
höfum eftir þessar mínútur sem
búið er að spila, sýnist mér almenn
ánægja vera með þetta. Menn
komast ekki upp með taktískar
leiktafir, í undanförnum leikjum
er hamagangur undir lok leikja og
þá viljum við eiga tímann inni sem
tapast hefur vegna skiptinga og
fleiri atriða.
Núna er búið að auka fjölda skipt-
inga og það er stórt atriði í þessu og
tíminn í VAR, það eru margir þættir
sem spila inn í. Leiktíminn hefur
verið að styttast og það er verið að
vinna í þeim málum að koma til
móts við það. Leikmenn, þjálfarar
og forráðamenn hafa ekki haft þol-
inmæði í VAR, það getur tekið tíma
en með þessu á það ekki að hafa
áhrif á mínúturnar sem boltinn er
í leik,“ segir Kristinn.
Krefjandi fyrir dómara
Dómarar eru einn mikilvægasti
þáttur leiksins, þeir geta gert
góðan leik enn betri en geta líka
misst öll tök og haft veruleg áhrif
á gæði leiksins. Kristinn segir það
verulega krefjandi fyrir dómara að
eiga við taktískar tafir sem lið hafa
beitt.
„Fyrir dómara sem slíkt er það
mjög krefjandi, að leikstýra því
öllu saman. Annað liðið er ekki
ánægt en hitt liðið reynir að brjóta
það niður með leiktöfum og gera
sér upp meiðsli. Með þessari tækni
sem er í Katar eru f leiri augu. Það
eru f leiri menn í VAR-settinu og á
vellinum sem geta hjálpað dómar-
anum með atvik sem hann sér ekki.
Það eru f leiri löggur á vellinum,
eins og stundum er sagt,“ segir
Kristinn um málið.
Kristinn segir að dómarar hafi
hingað til á HM vart stigið feilspor
og vonar að það haldi áfram. „7, 9,
13. Þá hefur ekki komið upp neitt
stórt atvik sem hægt er að rekja til
dómaranna. Það er af því að við
höfum VAR og höfum það í sterkara
mæli en áður hefur verið. Þetta eru
góð hjálpardekk fyrir teymið,“ segir
þessi reynslumikli dómari sem var
að skera niður hágæða nautasteik-
ur af sinni alkunnu snilld þegar
hann ræddi við blaðamann. n
Leiktíminn úr nokkrum
leikjum á mótinu
n Katar – Ekvador: 100:18
n England – Íran: 117:16
n Senegal – Holland: 102:49
n Bandaríkin – Wales: 104:34
Uppbótartími úr
nokkrum leikjum
n England – Íran
Fyrri hálfleikur (13:59 mín.)
n Argentína – Sádi-Arabía
Síðari hálfleikur (13:53 mín.)
n England – Íran
Síðari hálfleikur (13:05 mín.)
n Bandaríkin – Wales
Síðari hálfleikur(10:32 mín.)
n Senegal – Holland
Síðari hálfleikur (10:03 mín.)
Breyting sem líklega er komin til að vera
helgi@frettabladid
handbolti Ró bert Aron Hostert,
leikmaður Vals, gerði sér lítið fyrir
og spilaði leik liðsins við Flensburg
í Evrópudeildinni í handknattleik
í fyrrakvöld með ælupest. Að spila
gegn þýska stórveldinu var tækifæri
sem Róbert gat ekki látið fram hjá
sér fara og lét hann slag standa.
„Maður vill ekki missa af þessu.
Ég gat ekki hugsað mér að vera
heima svo ég tók bara dallinn með
mér. Þetta er eitthvað sem maður
mun ekki gleyma,“ segir Róbert í
samtali við Fréttablaðið.
Það var kjaftfull höll að Hlíðar-
enda á þriðjudagskvöld, enda ekki
á hverjum degi sem lið á borð við
Flensburg kemur í heimsókn. Valur
þurfti að sætta sig við 32–37 tap en
stóð sig með sóma.
„Stemningin var til fyrirmyndar.
Ég held að við höfum verið Val og
íslenskum handbolta til sóma. Við
erum samt keppnismenn og vorum
pirraðir og svekktir að leikslokum,
en menn verða að átta sig á því að
við vorum ekkert að spila á móti
hverjum sem er.“
Leikmenn Vals spiluðu frábæran
leik en hefðu getað gert enn betur að
sögn Róberts.
„Ég held að við hefðum alveg
getað gert betur, áttum alveg smá
inni. Það var það sem við vorum
svekktastir með eftir leik, varnar-
lega og á ýmsum köflum.“
Þrátt fyrir tapið er Valur enn í
fínum málum í riðli sínum í Evrópu-
deildinni. Liðið er í öðru sæti með
fjögur stig eftir þrjá leiki, tveimur
stigum á eftir Flensburg. Sex lið eru
alls í riðlinum.
Róbert viðurkennir að það hafi
sett strik í reikninginn í undirbún-
ingi sínum fyrir leikinn að vera með
ælupest.
„Þetta var ekki þessi týpíski
undirbúningur. Þessi ælupest er
að ganga og því miður velur maður
ekki hvenær maður fær þetta. Ég var
pirraður yfir því að fá þetta núna en
svona er þetta bara.“
Þá hafði pestin einhver áhrif á
frammistöðu hans einnig, að sögn
Róberts.
„Ég var kannski svolítið ólíkur
sjálfum mér, eðlilega. Ég var svolítið
orkulaus og hélt engu niðri. En ég
sagði auðvitað bara að ég væri klár.
Ég fékk bara dallinn á hliðarlínuna
með mér.“
Róbert sér þó ekki eftir ákvörðun
sinni, enda upplifunin einstök.
„Maður hefði alveg verið til í að
vera ekki með ælupest í þessum leik,
það verður að viðurkennast,“ segir
veikur en léttur Róbert Aron Hos-
tert að lokum. n
Róbert með ælupest á stóru stundinni en lét sig hafa það
Róbert Aron á flugi á Hlíðarenda á þriðjudagskvöld. FréttABlAðið/Eyþór
24 Íþróttir 24. nóvember 2022 FIMMTUDAGUR