Fréttablaðið - 08.12.2022, Blaðsíða 16

39
Miðvörðurinn þrautreyndi Pepe varð
sá elsti til að skora í útsláttarkeppni
HM þegar hann skoraði gegn Sviss í
6–1 stórsigri í 16 liða úrslitum. Hann
var 39 ára og 283 daga gamall.
5
Cristiano Ronaldo varð fyrsti karl-
maðurinn til að skora í fimm loka-
keppnum Heimsmeistaramóts er
hann skoraði fyrir Portúgal gegn
Gana.
11
Harry Kane náði því afreki að verða
markahæsti leikmaður enska lands-
liðsins á stórmótum frá upphafi.
Hann hefur nú skorað 11 mörk í
slíkum mótum og tekur þar með
fram úr Gary Lineker, sem áður var
markahæstur.
2006
Vincent Aboubakar varð fyrsti leik-
maðurinn til að skora og vera rekinn
út af í leik á HM síðan Zinedine Zid-
ane gerði það í úrslitaleik Frakklands
gegn Ítalíu árið 2006. Aboubakar
fagnaði marki með því að fara úr
treyjunni í sigri Kamerún á Brasilíu
og uppskar sitt seinna gula spjald.
28
Það voru alls skoruð 28 mörk í 16
liða úrslitum HM 2022. Aldrei hafa
fleiri mörk verið skoruð á þessu stigi
mótsins frá því 16 liða úrslit voru
fyrst kynnt til leiks árið 1986.
1
Lionel Messi skoraði sitt fyrsta mark
í útsláttarkeppni HM gegn Ástralíu í
16 liða úrslitum.
18
Ástralinn Garang Kuol var 18 ára
og 79 daga þegar hann lék í 16 liða
úrslitum HM 2022 gegn Argentínu.
Hann varð þar með sá yngsti til að
spila í útsláttarkeppni mótsins síðan
Peleéárið1958, þá 17 ára og 249 daga.
39
Dani Alves varð elsti leikmaðurinn
til að spila í lokakeppni HM frá upp-
hafi þegar hann gerði það 39 ára og
210 daga gamall.
142
Í 16 liða úrslitunum gegn Póllandi
spilaði markvörðurinn Hugo Lloris
sinn 142. leik fyrir franska landsliðið.
Jafnaði hann þar með Lilian Thuram
sem leikjahæsti landsliðsmaður
Frakklands.
3
Goncalo Ramos, sóknarmaður
Portúgals, skoraði fyrstu þrennuna á
HM í Katar. Það gerði hann í 6–1 sigri
á Sviss í 16 liða úrslitum. Þetta var
jafnframt hans fyrsti byrjunarliðs-
leikur fyrir portúgalska landsliðið.
Ramos kom inn í liðið fyrir Cristiano
Ronaldo.
26
Brasilía hefur notað alla 26 leikmenn
sína það sem af er HM 2022. Eru þeir
fyrsta liðið til að nota svo marga leik-
menn á einu Heimsmeistaramóti.
52
Olivier Giroud skoraði sitt 52. lands-
liðsmark fyrir Frakkland í 16 liða
úrslitum gegn Póllandi. Hann tók
þar með fram úr Thierry Henry sem
markahæsti leikmaður í sögu franska
landsliðsins.
Nú er hlé á HM karla í knattspyrnu. Keppni heldur áfram á
morgun þegar 8 liða úrslit hefjast. Það hefur verið nóg um að
vera hingað til. Knattspyrnuaðdáendur hafa fengið að sjá frá-
bært mót. Fréttablaðið nýtir tækifærið á meðan ekki er spilað
til að rýna í áhugaverða tölfræðimola af mótinu hingað til.
Tölurnar á bak
við HM í Katar
8 liða úrslitin
Króatía – Brasilía (kl. 15 á morgun)
Holland – Argentína (kl. 19 á morgun)
Marokkó – Portúgal (kl. 15 á lau.)
England - Frakkland (kl. 19 á lau.)
helgifannar@frettabladid.is
ÍÞRÓTTIR FRÉTTABLAÐIÐ 8. desember 2022 FIMMTUDAGUR