Fréttablaðið - 10.12.2022, Side 42

Um fimmtugsaldurinn
ákvað Jónína Helga Her-
mannsdóttir að segja upp
krefjandi starfi sínu í Noregi
og gefa sér tíma til að finna
út næstu skref í lífinu. Í dag
vinnur hún fallega muni úr
endurunnum viði sem fást
meðal annars í Fylgifiskum.
starri@frettabladid.is
Þegar Jónína Helga Hermanns-
dóttir nálgaðist fimmtugsaldurinn
fann hún að tími var kominn til
að endurskoða líf sitt og hvað hún
vildi gera við seinni hluta ævinnar.
Jónína, sem er menntaður afbrota-
fræðingur, hafði starfað lengi hjá
umboðsmanni alþingis í Noregi
þar sem vinnudagarnir voru oft
langir og slítandi. „Þetta var bæði
spennandi og góð vinna en svo
fann ég bara að ég þurfti pásu frá
krefjandi skrifstofuvinnu, vinnu-
fundum og ferðalögum. Við fimm-
tugsaldurinn ákvað ég því að leyfa
mér að segja upp starfi mínu og
ákvað að taka mér smá tíma til að
finna út hvað mig langaði að gera í
seinni hálfleik lífsins.“
Fann ró í bílskúrnum
Helsta áhugamál hennar undan-
farin ár hefur verið að endurvinna
ýmiss konar við og búa til úr
honum ýmsa fallega hluti eins og
framreiðslu- og skurðarbretti, auk
smærri hluta eins og eggjabikara,
íláta fyrir salt og pipar, glasamotta
og fleiri muna úr afgöngum, sem
hún selur undir nafninu Tré og ró.
Áhugamálið tók yfir lífið
Jónína Helga Hermannsdóttir nýtur
sín vel í bílskúrnum þar sem hún býr
til einstaka muni úr ólíkum viðar-
tegundum.
Falleg framreiðslu- og skurðarbretti í ólíkum litum og stærðum.
Eftir uppsögnina má segja að þetta
áhugamál hennar hafi tekið yfir
mestan frítíma hennar. „Tré og ró
byrjaði þegar ég var að vinna hjá
umboðsmanni alþingis. Dagarnir
voru oft langir og krefjandi og þá
var gott að geta farið niður í bíl-
skúr til að tæma hugann og nota
líkamann í annað en að sitja fyrir
framan tölvu. Það gaf mér svipaða
ró og aðrir voru að fá út úr því að
fara út að hlaupa eða stunda jóga.
Þaðan er líka nafnið komið.“
Fylgifiskar selja brettin
Allt sem Jónína býr til undir merki
Tré og ró er gert úr endurunnu
efni og að mestu leyti úr eldhús-
bekkjum úr eik og hnotu sem fólk
hendir þegar það skiptir um eld-
húsinnréttingu, auk borða úr gegn-
heilum viði sem fólk hefur losað
sig við. „Það væri auðvitað mun
auðveldara fyrir mig að kaupa bara
efni í næstu byggingarvöruverslun
en mér finnst skemmtilegra
að geta sameinað þessi tvö
áhugamál mín, að vinna
með tré og endurvinnslu.“
Nýlega hóf verslunin
Fylgifiskar að selja brettin
hennar Jónínu hér á landi.
„Til að byrja með verða tvær
tegundir til sölu sem heita
Barbapapa og eru úr eik og
lituðum aski. Þau eru hand-
unnin og því eru engin bretti
eins. Brettin eru mjög vinsæl
hér í Noregi og ég hef meira
að segja selt þau til Kanada og
Bandaríkjanna svo það verður
gaman að sjá viðbrögðin.“
Fyrirferðarmikil á jólamörk-
uðum
Desembermánuður er annasamur
hjá Jónínu, sem sýnir og selur
vörur sínar á nokkrum jólamörk-
uðum. „Ég hef nú þegar tekið þátt
í tveimur af þremur mörkuðum
í desember. Salan hefur gengið
framar öllum vonum og ég þarf
að hafa mig alla við til að fram-
leiða nóg fyrir síðasta markaðinn
um miðjan mánuðinn. Auk þess
hef ég selt mikið gegnum vefinn
og Instagram. Þannig að nú er ég
alla daga og öll kvöld úti í bílskúr
að framleiða til að eiga nóg af
brettum í desember."
Hún segir frábæra tilhugsun
að geta leyft sér að einbeita sér að
þessu fram að jólum. „Svo ætla ég
að taka smá pásu eftir áramót og
safna að mér efniviði, endurskipu-
leggja verkstæðið mitt og sinna
öðrum verkefnum sem hafa setið á
hakanum.“
Eiginkona Jónínu heitir Bene-
dicte Lie og er norsk. Jólahaldið
einkennist því bæði af íslenskum
og norskum jólahefðum. „Við
eigum saman tvo stráka, 12 og 15
ára. Sá yngri er mikið jólabarn
og mjög upptekinn af íslenskum
jólamat á meðan unglingnum gæti
ekki verið meira sama. Svo framar-
lega sem hann fær Nóa kropp og
Trítla frá Íslandi er hann sáttur.“
Benedicte er alin upp við kalkún
á aðfangadag svo fjölskyldan
eldar hann oftast þá. „Svo kemur
mamma yfirleitt í heimsókn
rétt fyrir jólin og tekur með sér
hamborgarhrygg, hangikjöt og
jólakonfekt. Svo er líka hægt að
kaupa bæði Malt og Egils appelsín
í Noregi svo mann vantar orðið
ekkert yfir jólin.“
Hægt er að skoða vörur Jónínu
á treogro.no og á Instagram (@
treogro). n
Miðasala við innganginn og á tix.is - Miðaverð kr. 3.500 / 2.500
Styrkt af Tónlistarsjóði Menntamálaráðuneytisins, Reykjavíkurborg, Hafnarfjarðarbæ, Kópavogsbæ og Garðabæ
Mozart við kertaljós
í 30 ár
Camerarctica
Hafnarfjarðarkirkju mánudag 19. des. kl 21.00
Kópavogskirkju þriðjudag 20. des. kl 21.00
Garðakirkju miðvikudag 21. des. kl 21.00
Dómkirkjunni í Reykjavík fimmtudag 22. des. kl 21.00
Kammertónlist á aðventu 2022
6 kynningarblað A L LT 10. desember 2022 LAUGARDAGUR