Fréttablaðið - 10.12.2022, Síða 53

Skatturinn leitar að framsæknum og skemmtilegum matreiðslumeistara með brennandi
ástríðu fyrir matargerð til að annast rekstur mötuneytis Skattsins og Fjársýslunnar
í nýjum höfuðstöðvum að Katrínartúni 6. Um einstakt tækifæri er að ræða fyrir hinn
eina rétta ástríðukokk því ekki eingöngu felst í starfinu að eignast allt að 500 frábæra
fastagesti heldur gefst viðkomandi færi á að taka þátt í að móta uppbyggingu hins nýja
mötuneytis. Um er að ræða fjölbreytt og spennandi dagvinnustarf.
Helstu verkefni og ábyrgð:
• Uppbygging og rekstur mötuneytis.
• Umsjón með gerð matseðla, innkaupum og vinnuskipulagi annarra
starfsmanna í eldhúsi.
• Matseld og framreiðsla í hádegi.
• Umsjón með veitingum á ýmsum starfsmannatengdum viðburðum.
Menntunar- og hæfniskröfur:
• Gerð er krafa um að viðkomandi sé matreiðslumeistari.
• Reynsla af stjórnun eldhúsa/mötuneyta er æskileg.
• Áhugi á fjölbreyttri og hollri matargerð.
• Góð framkoma og rík þjónustulund.
• Sjálfstæði, hugmyndaauðgi og skipulögð vinnubrögð.
• Lipurð og sveigjanleiki í samskiptum.
• Snyrtimennska er áskilin.
• Hreint sakavottorð.
Umsóknir skulu fylltar út á vefsíðu Skattsins, skatturinn.is eða á vefsíðu Starfatorgs,
starfatorg.is. Ferilskrá, auk kynningarbréfs, sem inniheldur ítarlegar upplýsingar m.a.
um menntun, fyrri störf, umsagnaraðila og annað er máli skiptir þarf að fylgja með svo
umsókn teljist fullnægjandi. Umsækjendum um störf hjá Skattinum kann að vera gert
að leysa verkefni í ráðningarferlinu sem kæmu, auk annarra þátta, heildstætt inn í mat
á hæfni þeirra til viðkomandi starfa.
Laun eru samkvæmt gildandi kjarasamningi sem fjármála- og efnahagsráðherra og
viðkomandi stéttarfélag hafa gert. Starfshlutfall er 100%. Skatturinn hvetur fólk af
öllum kynjum til að sækja um starfið.
Umsóknarfrestur er til og með 31. desember 2022 og verður öllum umsóknum
svarað þegar ákvörðun hefur verið tekin um ráðningar. Nánari upplýsingar um
starfið veitir Ásgeir Heimir Guðmundsson í síma 442-1000 eða í tölvupósti á
netfangið asgeir.heimir.gudmundsson@skatturinn.is
Meginhlutverk Skattsins er að leggja grunn að samfélagslegri þjónustu með því að
tryggja tekjuöflun ríkis og sveitarfélaga. Með virku eftirliti, rannsóknum og tollgæslu
stuðlar Skatturinn að jafnræði og virkri samkeppni og leggur sitt af mörkum til að
vernda samfélagið. Gildi Skattsins eru fagmennska, framsækni og samvinna og eru
þau ávallt höfð til viðmiðunar við ráðningar í störf hjá Skattinum.
Skatturinn leitar að
metnaðarfullum ástríðukokki
Upplýsingaver opið:
Mán.-fim. 9:00-15:30
Fös. 9:00-14:00
skatturinn.is
Þátttakandi
í íslensku
atvinnulífi
í meira en
50 ár