Verktækni - 2020, Page 16

16

á hjóli, rafskútu eða mótorhjóli og í kringum 40% í bílum, hvort sem er hefðbundnum eða
sjálfakandi (Eurobarometer, 2020).
Öryggi á meðan á ferð stendur

Mynd 2: Upplifun öryggis á meðan á ferð stendur
Mynd 2 sýnir að einungis 40% svarenda væru jákvæðir fyrir því að ferðast með sjálfakandi
bílum án eftirlits (sbr. 22% í Evrópu) (Eurobarometer, 2020). Með eftirliti eykst téð hlutfall og
stendur í u.þ.b. 75%.
Mikilvægur þáttur í ferðamátavali vegfarenda er upplifun öryggis, en slíkt er ekki sjálfgefið.
Þar sem greint hefur verið frá því að um 94% umferðarslysa eru af mannavöldum (NHTSA,
2015) hefur það verið notað sem röksemdafærsla til að staðfesta ávinning sem fylgir
sjálfakandi ökutækjum enda muni vera hægt að útrýma 94% slysa með hjálp tækninnar
(Fagnant & Kockelman, 2015). Þrátt fyrir þennan áætlaða ávinning má skilja niðurstöður á
Mynd 2 á annan hátt. Upplifun um öryggi einstaklinga sé að mörgu leyti háð því að vita að
maður sjálfur, eða þar til bær aðili, sé við stjórn. Þá er einnig átt við að í deildum ferðum
og/eða í strætisvögnum skipti það máli að ekki stafi hætta af meðfarþegum sbr. (Sarriera,
Álvarez, Blynn, Alesbury, Scully & Zhao, 2017). Fyrir vikið er umræða um eftirlit í sjálfakandi
ökutækjum talin eiga mikilvægt erindi.
Minna en 30% væru tilbúnir til að leyfa börnunum sínum að ferðast í sjálfakandi ökutæki án
eftirlits en þó um 70% með eftirliti manneskju í bílnum (sjá Mynd 3). Það er meira traust
gagnvart sjálfakandi ökutækum í samanburði við gögn Eurobarometer þar sem 19% treystu
að senda börn sín án eftirlits og 58% undir eftirliti.