Verktækni - 2020, Blaðsíða 24

24

Gagnaöryggi

Mynd 10: Viðskipti ferðagagna
Óneitanlega er áhugi gagnadrifinna fyrirtækja á ferðavenjum mikill. Móðurfyrirtæki Google
hefur verið afar drífandi í framþróun sjálfakandi tækni í gegnum dótturfyrirtækið Waymo.
Mynd 10 sýnir að fólk er afar varkárt í að gefa eftir gögn sín í skiptum fyrir aukna valkosti í
samgöngum. Hins vegar hefur reynslan sýnt að notagildi þjónustu geti fengið notendur til að
hunsa áhyggjur af gagnaöflun fyrirtækja sem þau stunda viðskipti við, eins og Facebook.
Þessi neikvæða afstaða gæti þó einnig verið sökum bjögunar úrtaksins, þar sem úrtakið er
heldur tekjuhærra en íbúar almennt. Kyriakidis og félagar greindu frá þeirri niðurstöðu að
tekjuhærri eru gagnrýnni m.t.t. þess að láta gögn af hendi (2015).
Prófanir
Mynd 11 sýnir að hátt í 70% svarenda væru sáttir við að sjálfakandi ökutæki væru prófuð í
hverfi þeirra og rétt rúmlega 60% svarenda er jákvæður gagnvart því að taka sjálfir þátt í
slíkum prófunum. Þrátt fyrir að fólk sé tvístíga um ágæti tækninnar er fólk viljugt til að prófa
og athuga hvort hún henti. Þessar niðurstöður benda til enn meiri jákvæðni en sýnt var í
íslenskri rannsókn fyrir tveimur árum (Ingimarsson og Jóhannesson, 2018).