Verktækni - 2020, Qupperneq 18

18

Mynd 4: Upplifun öryggis með ókunnugu fólki.
Ekki er víst að þessi þáttur vegi jafn þungt þegar öryggi þjónustunnar hefur sannað sig, en
þangað til að þeirri óvissu hefur verið eytt er enn ósvarað hvort ferðalangar reynist tvístíga
varðandi öryggi ökutækjanna.
Nýting ferðatíma sem farþegi í sjálfakandi ökutæki
Gjarnan hefur verið haldið fram að helsta framför með sjálfakandi tækni sé að ökumaður
verði að farþega, og losni því við skyldur sem felast í því að fylgjast með umferðinni og
akstrinum. Á móti kæmi að hægt væri að nýta tímann til og frá vinnu eða skóla á
afkastamikinn hátt. Mynd 5 sýnir hins vegar að það að „vinna“ er næst-óvinsælasta athöfn (e.
Activity) til að stunda á meðan á ferð stendur.
Aðeins 50% eru jákvæðir gagnvart því að vinna. Aftur á móti eru yfir 80% manns jákvæðir
gagnvart því að horfa út um gluggann og um 75% jákvæði gagnvart því að fylgjast með
hegðun bílsins. Þessu ber saman við fyrri niðurstöður fræðimanna (Kyriakidis et al, 2015;
Schoettle & Sivak, 2014; Correia et al., 2019).