Verktækni - 2020, Page 22

22

Heildarakstur
Mynd 8 sýnir viðhorf svarenda til áhrifa sjálfakandi tækni sem myndi leiða til breytinga á
staðsetningu á vinnustað, búsetustað og lengdar ferðatíma á dag.

Mynd 8: Breytingar á staðsetningu og ferðatíma.
Svarendur hafa litla trú á því að staðsetning vinnustaðar og búsetu muni breytast.
Upprunalega var talið að þar sem hægt væri að vinna á meðan á ferðum stæði myndu
notendur vera tilbúnir til að ferðast lengur í og úr vinnu ef í boði væri ódýrara húsnæði fjær
vinnustað (Meyer et al., 2017). Á sama tíma myndi þetta leiða til afleiddrar umferðar (e.
Induced demand) og aukins heildaraksturs í kerfinu. Hins vegar, m.v. niðurstöður í
undirkaflanum „Nýting ferðatíma sem farþegi í sjálfakandi ökutæki“ þar sem svarendur gáfu
það upp að vera síður tilbúnir til að „vinna“ á meðan á ferð stæði, þá myndi slík breyting á
búsetu falla um sjálfa sig.