Verktækni - 2020, Side 35

35

2015 tók liðið aðeins þátt í kyrrstöðu hluta keppninnar. Árið 2016 fékk liðið fjögur stig fyrir
þolakstur en síðan hafa engin stig fengist fyrir þolakstur. Árið 2020 mætti liðið ekki til keppni
vegna COVID-19.
Fyrstu 3-4 árin einkenndust af því að nemendur þurftu að læra tiltölulega hratt allt sem þarf til
að smíða kappakstursbíl fyrir keppnina (fræðin, hagnýtu þættina), læra reglur keppninnar,
koma upp aðstöðu fyrir vinnu vetrarins og öll atriðin sem þarf að huga að í undirbúningi fyrir
keppnina. Á þessum árum var hver nýr bíll hannaður frá grunni og smíðaður - án þess að
hönnun bílsins á undan væri greind með verkfræðilegum aðferðum. Sem var kannski eðlilegt
þar sem nemendur voru að læra hvað þurfti til að smíða bíl. Næstu árin á eftir, þegar
nemendur höfðu náð tökum á því að smíða bíl, þá beitti liðið sömu vinnubrögðum. Engar
mælingar voru gerðar á fyrri bíl (fyrir utan þyngdarmælingar) og einkenndust þessi ár af
stöðnun. Frammistaða liðsins - metin út frá stigum sem fengust í keppnum - sveiflaðist upp
og niður hvert ár um sama svipað gildi en lagaðist ekki. Tafla 4 sýnir keppnisgreinar og
heildarfjölda stiga sem hægt er að fá í hverri grein. Mynd 12 sýnir stigin sem nemendur hafa
fengið í gegnum árin. Appelsínu gulu tíglarnir sýna stigin sem fengust frá kyrrstæðu
keppnisgreinum keppninnar og bláir hringir sýna heildareinkunn (að meðtöldum bæði
kyrrstæðum og hreyfanlegum keppnisgreinum). Vegna refsistiga þá eru heildarstigin fyrir
nokkrar keppnir lægri en stigin sem fengust úr kyrrstæða flokknum
Tafla 4 – Keppnisatriði á Formula Student keppnum og heildarstigin sem hægt er að fá fyrir þau.
Kyrrstæð keppnisatriði Stig Hreyfanleg keppnisatriði Stig
Verkfræðileg hönnun 150 Veggripsprófun 75
Greining á kostnaði og
sjálfbærni
100 1km tímataka í
þrautabraut
100
Viðskiptaáætlun 75 75m upptaksprófun 75
Tæknileg úttekt 0 22km þolakstur 325
Eldsneytisnýtni 100
Samtals 325 Samtals 675

Fyrstu þrjú árin var námskeiðið einungis í boði hjá iðnaðarverkfræði, vélaverkfræði og
tölvunarfræðideild en síðustu sjö árin hefur rafmagns- og tölvuverkfræðideild einnig boðið
sínum nemendum upp á námskeið tengt smíði rafkerfis bílsins. Tveir kennarar, frá sitt hvorri
deildinni, hafa verið nemendum innan handar við vinnu vetrarins. Kennararnir voru
meðvitaðir um að nemendur þurftu að taka þátt í nokkur skipti þar til að þeir væru búnir að ná
tökum á öllum þáttum hönnunar bílsins og prófana á honum, en Jennifer Dawson og Stephen
Kuchnicki hafa einmitt bent á þetta [4]. Eftir fyrstu 5 keppnirnar töldu kennararnir, sem voru
þeir sömu allan tíman, að það væri tími til kominn að breyta aðferðafræðinni – nemendur
kynnu að smíða bíl en þeir þyrftu að endurbæta hönnun fyrra árs með því að beita
skiplögðum verkfræðilegum aðferðum. En hugmyndum kennaranna um að nemendur myndu
taka upp formlegri verkfræðilega árangursmiðaða nálgun með því að setja sér skýr og
mælanleg markmið og byggja hönnunarákvarðanir á mælingum; var mætt með trega og
mótstöðu[5]. Mótstaðan var óbein, nemendur mótmæltu ekki hugmyndunum beint heldur
héldu óbreyttum vinnubrögðum utan stundaskrár.
Andstaða nemenda gagnvart breytingum var að mestu vegna eldri nemenda sem annað
hvort voru að taka þátt í námskeiðinu í annað (eða þriðja) sinn eða veittu nemendum aðstoð
á kvöldin. Flestir þessara eldri nemenda höfðu sterkar skoðanir á því hvernig liðið ætti að
starfa – eins og þeir voru vanir – og sumir (oftast nemendur sem tóku þátt í 2.- 3. skiptið)
lögðu persónulegan metnað sinn fram yfir markmið og hagsmuni liðsins. Þessir eldri
nemendur eru mjög góðir í að sannfæra yngri og óreynda nemendur. Til viðbótar þessu var