Verktækni - 2020, Qupperneq 37

37

kvarða – Í lagi gefur 2 stig, viðunandi gefur 1 stig og ekki í lagi gefur ekkert stig. Heildarstig
hvers þáttahóps er summa allra þátta hans. Tvær leiðir eru til að gefa heildareinkunn fyrir
frammistöðuna. Annars vegar að gefa öllum þáttum jafnt vægi eða gefa þáttahópunum jafnt
vægi. Í fyrra tilvikinu þá er heildareinkunnin reiknuð þannig að deilt er í summu allra þátta
með 86 – sem er hámarkssumma sem hægt er að fá. Í seinna tilvikinu er heildareinkunnin
meðaltal einkunna þáttahópanna – þar sem einkunn úr hverjum þáttahóp er reiknuð með því
að deila í summu allra þátta viðkomandi þáttahóps með hámarkssummu hans. Í þessari grein
gefum við öllum þáttunum jafnt vægi (fyrra tilvikið). Ástæðan er að þáttahóparnir hafa ekki
sama fjölda þátta og engin rök fyrir að hóparnir gildi jafnt. Niðurstöður eru svo birtar bæði
sem tafla og sem ratsjárrit.