Verktækni - 2020, Side 49

49

Kennararnir ákváðu að framkvæma kerfisbundið mat á frammistöðu nemendanna en fundu
enga heilstæða aðferðafræði fyrir frammistöðumat og enga fyrir nemendaverkefni. Það varð
til þess að höfundar ákváðu þróa þannig matsramma til að greina nemendaverkefni.
Niðurstaðan er aðferðafræði fyrir kennara sem kenna í verkefnamiðuðum námskeiðum –
sérstaklega þar sem nemendur vinna að viðamiklum nemendadrifnum hönnunarverkefnum.
Oft eru þessi verkefni skipulögð þannig að kennarinn getur ómögulega fylgst fyllilega með
vinnu nemenda – til dæmis getur fjöldi nemenda verið það mikill að nemendum er skipt í
hópa og stór hluti hópavinnunnar fer fram fyrir utan stundatöflu. Auðvitað hafa kennarar
oftast tilfinningu fyrir því hvar frammistöðuvandamálin liggja. En höfundar þróuðu
kerfisbundna aðferðafræði sem byggir á niðurstöðum fjölda ritrýndra vísindagreina um mat á
árangri teyma í kennslu. Niðurstöðurnar má síðan nýta til að taka ákvarðanir um aðgerðir.
Niðurstöðurnar sem fengust með því að greina námskeiðið í þessari grein eru í samræmi við
tilfinningu kennaranna um í hverju frammistöðuvandamálin lágu og munu nýtast þeim til að
taka ákvarðanir. Eins og kemur fram í þessari grein þá er aðferðafræðin tiltölulega öflugt tól
til að greina kerfisbundið frammistöðu nemendateyma og bera kennsl á möguleg vandamál.
Þegar farið er í gegnum aðferðafræðina er hver frammistöðuþáttur metinn, útfrá skilgreiningu
hans, og rök gefin fyrir einkunn hans. Aðferðin er fljótleg í notkun og gefur vísbendingar um
frammistöðu teymis.Þessi kerfisbundna nálgun veitir góðan skilning á gangverki
nemendahópsins. Aðferðafræðin tekur á bæði innri og ytri þáttum og því nýtist hún
skólastjórnendum, kennurum og nemendum. Aðferðafræðin dregur fram möguleg vandamál
og auðveldar að ákvarða aðgerðir. Mikilvægt er að endurtaka frammistöðumatið reglulega –
því að ræða, hugleiða og meta frammistöðuþættina er lykilatriði í að ná betri árangri. Þó að
aðferðafræðin hafi verið hönnuð til að meta nemendateymi er hún það almenn að hana ætti
að nýtast til að meta frammistöðu annarra teyma, t.d. í atvinnulífinu.
Heimildir
[1] R. Unnthorsson, "On Improving Academic-Industry Collaboration," in 2018 28th
EAEEIE Annual Conference (EAEEIE), 2018, pp. 1-9.
[2] Aslanides C.D., Athanasiadou S., Kalfa V., Karapatsias V., and G. Z., "Advantages,
Disadvantages and the Viability of Project-Based Learning Integration in Engineering
Studies Curriculum: The Greek Case, ," presented at the Société Européenne pour la
Formation des Ingénieurs (SEFI) Annual Conference, Tampere, Finland, 2016.
[3] G. V. Oddsson and R. Unnthorsson, "Hitamælir á frammistöðu nemendateyma,"
Verktækni, vol. í ritrýningu, 2020.
[4] J. Dawson and S. Kuchnicki, "Experiences of Using Formula SAE as a Capstone
Design Project," presented at the American Society for Engineering, Education
Annual Conference and Exposition, Kentucky, USA, 20-23 June 2010, 2010.
[5] R. Unnthorsson and C. P. Richter, "On Authority in Academia," in 2018 28th EAEEIE
Annual Conference (EAEEIE), 2018, pp. 1-9.
[6] Christopher Benjamin and C. Keenan, "Implications of introducing problem-based
learning in a traditionally taught course," Engineering Education, vol. 1, no. 1, pp. 2-7,
2006.