Borgfirðingabók - 01.12.2008, Qupperneq 28

28 Borgfirðingabók 2008
2. Fæði: Morgunverður: annaðhvort hafra- eða hrísgrjónagrautur,
(hafragrauturinn með nýmjólk og sykri), brauð með smjörlíki og
kæfu eða öðru ofanáleggi, kjöt eða fiskjafningur, stundum egg.
Miðdagsmatur: kjöt og fiskur til skiftis, sinn daginn hvort, og
kartöflur. Ennfremur ýmist kaffi eða grautur. Miðdagsverðargrauturinn
var ýmist sagógrjóna- eða bauna- sætsúpa eða þess háttar.
Kvöldverður: Ýmist haframjöls- eða hrísgrjónagrautur og annað-
hvort slátur eða brauð. Skyrhræra var jafnan í stað grautarins þegar
skyr var fyrir hendi.
3. Viðskiptamenn: Mest var verslað við Kaupfélag Borgfirðinga
með útlenda vöru. Voru verslanir í Borgarnesi látnar gera tilboð í
viðskiftin og virtist tilboð Kaupfélagsins einna aðgengilegast, en var
þó líkt um.
Fjögur tilboð komu úr Borgarnesi og eitt af Akranesi. Var vöru-
verð þar lægra en í Borgarnesi, sérstaklega á saltfiski og einstaka
kornvöru, svo sem haframjöli. Var því tekið þar sem svaraði einum
bílfarmi og flutt með mótorbát til Borgarness. Innlend vara, svo sem
garðávextir, kjötmeti og mjólk og mjólkurafurðir o.fl., var keypt af
ýmsum bændum í héraðinu. Settum við ákveðið verð á hverja tegund
og miðuðum bæði við búðarverð i Borgarnesi og framboð, og gekk
það venjulega , en stundum varð að víkja eitthvað frá.
Brúin yfir Bjarnadalsá fullgerð.