Borgfirðingabók - 01.12.2008, Page 84

84 Borgfirðingabók 2008
var haldin, þar sem Steinar Berg og Bjarni V. guðjónsson lásu upp
úr bókum sínum og Birgir Þórisson söng við undirleik Jónínu Ernu
arnardóttur.
Á árinu 2007 tók bókasafnið upp nýjung sem lýtur að aukinni
þjónustu við leikskóla sveitafélagsins. Verkefnið nefnist Bókakoffort
handa leikskólabörnum og er hugmyndin sótt til Borgarbókasafns
reykjavíkur. Í samstarfi útvarpsleikhússins og almenningsbókasafna
víðs vegar um landið voru þættir úr sakamálaleikritinu Mæja spæja
eftir Herdísi Egilsdóttur frumfluttir samtímis á um 30 bókasöfnum 25.
júlí 2007. Héraðsbókasafnið tók að sjálfsögðu þátt í þessu verkefni.
Í maí 2007, í kjölfar viljayfirlýsingar menningarmálanefnda
akraneskaupstaðar og Borgarbyggðar um aukið samstarf, gerðu
Bókasafn akraness og Héraðsbókasafn Borgarfjarðar með sér
samkomulag. Þar er kveðið á um að eigi lánþegi gilt skírteini í
Bókasafni akraness geti hann nýtt sér þjónustuna í Héraðsbókasafni
Borgarfjarðar og öfugt. Margir hafa nýtt sér þessa auknu þjónustu
safnanna, ekki hvað síst skólafólk.
Aldarminning Halldóru B. Björnsson
Í Safnahúsi er eðli málsins samkvæmt mikil
áhersla lögð á fræðslu og miðlun um sögu
héraðsins. Á árinu 2007 voru hundrað ár
liðin frá fæðingu Halldóru B. Björnsson
skáldkonu frá grafardal. af því tilefni var á
degi íslenskrar tungu opnuð sýning á verkum
hennar. Þar var einnig að finna ljósmyndir
sem dóttir Halldóru, Þóra Elfa Björnsson,
lánaði Safnahúsi af þessu tilefni. Halldóra
skrifaði bæði ljóð og smásögur og er þekkt
fyrir þýðingu sína á Bjólfskviðu. Í framhaldi
af undirbúningi sýningarinnar skrifaði Sævar
ingi héraðsbókavörður grein um Halldóru
sem var birt í Lesbók Morgunblaðsins í
ársbyrjun 2008.
Halldóra B. Björnsson.
Mynd tekin um 1960.
Birt með leyfi dóttur
hennar, Þóru Elfu
Björnsson.