Borgfirðingabók - 01.12.2008, Síða 97

97Borgfirðingabók 2008
Höfnin byggð
Undirbúningur hafnarbyggingar í Brákarey var búinn að standa
alllengi, en framkvæmdir hófust ekki fyrr en 1929, og samtímis var
byggð brú yfir Brákarsund.
Verkfræðingur hafði verið ráðinn Finnbogi rútur Þorvaldsson.
Hann hafði gert teikningar og framkvæmdaáætlun, sem upphaflega
gerði ráð fyrir steinbryggju við norðanverða Brákarey með fjögurra
metra dýpi. Fylgdi því að allmikið þurfti að dýpka. Vegna kostnaðar
var horfið frá þeirri hugmynd og hafnarstæðið flutt að norðvesturhorni
Brákareyjar, þó ekki væri þar jafnmikið skjól og á hinum staðnum.
Þar var reiknað með tveggja metra dýpi um fjöru; nokkuð þurfti að
dýpka þar.
Mér er í barns minni að móðir mín var á gangi hjá Sölku (1929
eða 1930) og leiddi mig sér við hönd. Þá blasti brúin á Brákarsundi
við, og það voru margir menn sem í minni mínu héngu utan í henni
og voru eitthvað að vinna við hana. Mér fannst merkilegt hvernig
þeir tolldu þarna.
Eins og áður sagði var Finnbogi rútur Þorvaldsson verkfræðingur
við hafnargerð og brúarsmíði. Hann var líklega nokkuð glúrinn sem
slíkur. Hann kom að fleiri framkvæmdum Borgarneshrepps, svo sem
vatnsveitunni á sínum tíma, en merkilegur var hann með sig. Faðir
minn sem vann þarna sem verkamaður sagði: ,,Ekki lagði hann til
okkar, en hann virti okkur ekki meira en skósólana sína. Ef hann

,,Gæddi Einar heitinn Ingimundarson þessa báta lífi og húsaröðina við
Egilsgötu. . .” Ljósmyndari ókunnur.