Borgfirðingabók - 01.12.2008, Qupperneq 106

106 Borgfirðingabók 2008
Vesturland 100 þúsund gistinætur
Suðurland 220 þúsund gistinætur
Norðurland 230 þúsund gistinætur
Þetta segir okkur að við eigum mikið starf óunnið í að kynna
landshlutann og draga fram hans sérstöðu.
Að hampa sérstöðu
Þegar þeir sem vit þykjast hafa á fjalla um efnið: ,,Hvernig á að selja einn
landshluta umfram aðra?“ þá koma sérfræðingarnir ávallt með sömu
grundvallarfullyrðingu: Til að draga fram af hverju ferðamenn skyldu
frekar sækja heim einn landshluta fremur en annan er nauðsynlegt að
finna sérstöðu landshlutans. Það er álitin slæm sölumennska að reyna
að gera alveg eins og hinir eru að gera. Á öllum þeim námskeiðum og
fundum sem þessi staðreynd hefur verið til umræðu endar talið nær
undantekningarlaust á sömu niðurstöðu. Það sem Vesturland hefur
umfram alla aðra landshluta er sérlega sterk saga og sú staðreynd
að landshlutinn er einskonar vagga
okkar sérstöku miðaldabókmennta.
Þá er önnur menningarsaga óvenju
sterk í landshlutanum. Við höfum
jafnvel spjallað um það í okkar
hóp að rétt væri að reyna að festa
nafnið SÖgULaNdið við okkar
landshluta. Og þá væri rétt að
stefna að því að byggja upp sem
flest setur og söfn sem segðu
söguna. Við eigum líka stórkostlega
náttúru sem nauðsynlegt er að
gera sem aðgengilegasta. En það
eiga líka aðrir landshlutar. aðrir
landshlutar eiga líka góð hótel,
gæða veitingastaði, beljandi fossa
og skínandi jökla . En það er enginn
landshluti jafn ríkur af sögu. Við í
Landnámssetrinu erum með drauma
um að stækka hjá okkur og segja
Brynhildur Guðjónsdóttir í
hlutverki Þorgerðar Brákar í
leikverkinu Brák.