Borgfirðingabók - 01.12.2008, Síða 116

116 Borgfirðingabók 2008
segja að verið hafi fyrsta opinbera stofnun héraðsins, ef frá eru talin
einmenningsembætti svo sem presta, sýslumanns og læknis.
útihús á staðnum höfðu verið reist úr timbri, líka Skemman, sú
sem enn stendur, orðin 112 ára gömul. Eldur grandaði skólahúsum
á Hvanneyri aðfaranótt 3. október 1902, Búnaðarskólahúsinu frá
1889 og Mjólkurskólahúsinu frá 1902. Hvort tveggja voru járnklædd
timburhús. rætt var um að flytja Búnaðarskólann til reykjavíkur
en þangað fór Mjólkurskólinn þótt síðan færi að Hvítárvöllum.
En haustið 1904 stóð nýtt skólahús fullbyggt á grunni hins gamla:
Steinlímdur var kjallarinn og síðan tvær hæðir úr timbri, járnvarðar:
glæsibygging sem varð eldi að bráð þrettán árum seinna, 1917. Við
getum þó fengið nokkra hugmynd um gerð hússins, því hún minnti
af lýsingu töluvert á búnaðarskólahúsið sem enn stendur vestur í
Ólafsdal og var byggt árið 1895.
Mannvirkin í Hvanneyrarhverfinu, eins og það mun þá hafa verið
kallað, sáust lengra að en áður og gerð þeirra og litir tóku að setja
nýjan svip á héraðsmyndina. Hægt og sígandi var byggingalist nýrrar
aldar að mótast. Til sögunnar kom líka ný stétt byggingamanna – við
köllum þá arkitekta í dag þótt áður væri gjarnan talað um húsa-
meistara. Tekið var að leggja meiri vinnu en áður í að hanna form nýrra
Hvanneyrarkirkja (1905).