Borgfirðingabók - 01.12.2008, Síða 126

126 Borgfirðingabók 2008
Þótt menningarleg starfsemi sé í eðli sínu friðsöm er hún alltaf
að leita að rými fyrir sig og þá sem hana stunda. Þannig er það ekki
tilviljun að fyrsta verk allra einræðisherra sögunnar er að banna
eða takmarka vinnu listamanna, eins og rithöfunda, listmálara og
tónlistarmanna.
Samstaða og samvinna er þó ekki lengur æskileg heldur lífs-
nauðsynleg, ekki hvað síst gagnvart börnum okkar og barnabörnum.
Hér getur menningarleg starfsemi vísað veginn eins og áður hefur
gerst í sögu mannsins í tengslum við trúarbrögð. Munurinn á núna
og þá er að nú er enginn til að vísa þennan veg nema menningarleg
hugmyndafræði.
Áður fyrr gátu ný lönd, nýjar auðlindir og önnur verðmæti jarðar-
innar og meiri tækni skilað okkur fram á við. Það á ekki við lengur.
Núna þarf nýja, frjóa, skapandi og friðsæla hugsun til að tryggja
framtíðina. Menningin miðlar þessari hugsun ef við viljum taka á
móti boðskap hennar.
Bifröst, mynd tekin í mars 2005. Ljósm. Þorgerður Gunnarsdóttir.