Borgfirðingabók - 01.12.2008, Side 131

131Borgfirðingabók 2008
Johan Lange tók það ráð að selja hana.
Kaupandinn var Jón Björnsson frá Bæ
og kaupverðið var átján þúsund og fimm
hundruð krónur fyrir allar eigur Johans
Lange í Borgarnesi að meðtalinni lóð og
vöruskemmu á seleyri.
Um svipað leyti og þetta var að gerast
voru að takast mágsemdir milli þeirra
nafnanna Jóns frá Bæ og Jóns frá Svarf­
hóli á þann veg að Jón frá Bæ kvæntist
Helgu systur Jóns frá Svarfhóli. Þeir
mágar stofnuðu nú félag um kaup og
rekstur á langesverslun og nefndu hið
nýja fyrirtæki Jón Björnsson & Co. Jón
frá Svarfhóli var að vísu ennþá við stjórn
hjá Kaupfélagi Borgfirðinga svo að stjórn­
un nýja fyrirtækisins hvíldi mest á Bæj­
ar­Jóni, en svo var hann jafnan nefndur. Nokkur óánægja varð hjá
sumum kaupfélagsmönnum með þessa nýju skipan, en henni var eytt
þegar Jón lét af starfi kaupfélagsstjóra 1909 og í hans stað var ráðinn
til K.b. sveinn guðmundsson í Mörk á akranesi.
Af Brydesverslun er það að segja að árið 1901 hætti Jón Gunn­
arsson sem verslunarstjóri og áttu nú þrír menn eftir að stjórna því
fyrirtæki þar til það var selt 1914. J.P.T. Bryde var þá látinn og
fyrirtækið orðið gjaldþrota, en kaupandi var Gísli Jónsson sem þá var
verslunarstjóri. Ekki tókst Gísla að rétta fyrirtækið við eftir kaupin og
seldi það Kaupfélagi Borgfirðinga árið 1916. Húsin í Englendingavík
urðu svo aðalstöðvar K.B. til 1960 að það flutti í nýbyggt hús við
Egilsgötu.
Verslunaráhugi vex í vaxandi kauptúni
Fyrstu ár tuttugustu aldar voru verslanirnar í borgarnesi að öllu
leyti í eigu utanhéraðsmanna og útlendinga nema hvað Teitur Jónsson
hafði litla búð í íbúðarhúsi sínu, nú skúlagötu 9, fram til ársins 1910
að K.B. fékk þar inni fyrir fyrstu söludeild sína. Þorkell Guðmunds­
son fékk verslunarleyfi 1903 og verslaði lítið eitt í nokkur ár og nú
fer þeim fjölgandi sem vilja freista gæfunnar á þessum vettvangi. Ari
Þórðarson fékk lóð við Egilsgötu nr. 10 árið 1905 og hugðist í upphafi
Gísli Jónsson, síðasti versl­
unarstjóri Brydesverslunar­
innar í Borgarnesi.