Borgfirðingabók - 01.12.2008, Blaðsíða 145

145Borgfirðingabók 2008
Lyfjaverslun
Fyrsti héraðslæknirinn sem settist að í Borgarnesi var Þórður Páls­
son sem kom til starfa 1907. Hann og eftirmenn hans sem næstir
komu höfðu apótek og lyfsölu í tengslum við lækningastofur sínar.
Þegar Eggert Einarsson, héraðslæknir lét af starfi í Borgarnesi 1964
hafði Kjartani Gunnarssyni lyfjafræðingi verið veitt lyfsöluleyfi og
byggði hann myndarlegt verslunar­ og íbúðarhús að Borgarbraut 23.
Það hús hýsir nú Tónlistarskóla Borgarfjarðar, en Borgarnesapótek
flutti árið 2000 í hús Kaupfélags Borgfirðinga, Borgarbraut 58­60.
Á árinu 2003 keypti Lyfja h.f. í Reykjavík Borgarnesapótek og
breytti nafni þess í Apótek Vesturlands, en rekur það áfram á sama
stað. Starfandi lyfjafræðingur við Apótek
Vesturlands er Ingimundur Pálsson.
Hannyrðaverslun
Jórunn Bachmann mun hafa verið fyrst til
þess að reka sérverslun með hannyrðavörur
en árið 1965 opnaði hún Hannyrðaverslun
Jórunnar Bachmann að Egilsgötu 6. Þessa
verslun rak Jórunn í um það bil tuttugu ár en
seldi hana síðan Auði Guðjónsdóttur.
síðustu hannyrðaverslunina í borgarnesi
rak Matthildur Gestsdóttir að Borgarbraut 1
undir nafninu týnda talan, en hætti rekstri
hennar í apríl 2004.
Starfsfólk í Apóteki Vesturlands. Frá v.: Eva Ragnarsdóttir, Anna Stefánsdóttir,
Sigþóra Björnsdóttir og Ingimundur Pálsson.
Jórunn Bachman.