Borgfirðingabók - 01.12.2008, Qupperneq 148

148 Borgfirðingabók 2008
Sigurgeirs í versluninni og rak hana einsamall til ársins 1989 að hann
seldi hana Erlu Jónsdóttur. Erla rak Borgarsport áfram að Borgarbraut
3 í eitt ár og síðan í átta ár í húsi Bílasölu Vesturlands að Borgarbraut
56. Þegar Erla seldi Borgarsport 1998 fluttist verslunin að Brúartorgi
4 og síðan árið 2000 í hús K.B. Borgarbraut 58 – 60.
núverandi eigendur borgarsports eru systkinin Hörður björnsson
og Jóhanna Björnsdóttir sem er verslunarstjóri.
Blómaverslun
Þorleifur Geirsson varð fyrstur til þess að opna blómaverslun í
Borgarnesi. Verslun hans hófst í smáum stíl 1978 á því að versla með
gullfiska heima hjá sér í Múlakoti, Borgarbraut 49, en árið 1980 opn­
aði hann Verslunina Líf að Borgarbraut 7. Þá fór hann að auki að
versla með blóm, gæludýr og fugla. Einnig varð hann fyrstur til þess
að hafa á boðstólum hunda­ og kattamat og annað gæludýrafóður.
Verslunin Líf flutti 1983 í Nesbæ, Borgarbraut 57, og þar hóf Þorleif­
ur fyrstur borgnesinga rekstur myndbandaleigu. Hann hætti rekstri
Verslunarinnar Líf í júní 1985.
Þann 7. september 1985 opnaði Halldóra Karlsdóttir Blómabúð
Dóru að Egilsgötu 9. Fáum árum síðar keypti hún húsnæði Ísbjarnarins
að Borgarbraut 1 og flutti þangað og síðar í Hús K.B. við Egilsgötu.
Blómabúðin flutti síðan að Borgarbraut 58­60 árið 2000.
Axið
Síðla árs 1990 stofnaði Þorleifur Geirsson nýtt fyrirtæki sem hann
nefndi Axið, en það hafði með höndum innflutning á mjöli og korn­
Þorleifur Geirsson á myndbanda­
leigunni að Borgarbraut 57.
Halldóra Karlsdóttir og dóttir
hennar Brynja Aðalsteinsdóttir.