Borgfirðingabók - 01.12.2008, Side 149

149Borgfirðingabók 2008
vörum frá Hollandi. axið hafði
með höndum blöndun, pökkun
og endursölu á þessum vörum.
Árið 1999 hætti Þorleifur þess­
um rekstri og seldi fyrirtækið
til Hvammstanga.
Áfengisverslun
Meðan áfengissala var frjáls
á Íslandi var áfengi selt í öllum
meiri háttar matvöruverslunum
auk risnu í staupagjöfum og að
betri bændur fengu áfyllingu á
ferðapelann í kaupbæti.
Árið 1909 voru samþykkt á
Alþingi lög um aðflutningsbann á áfengi sem tóku fullt gildi 1915
og lagðist þar með af öll áfengissala í almennum verslunum. Lög
um ríkiseinkasölu á áfengi tóku gildi í ársbyrjun 1922 og í kjölfarið
voru opnaðar áfengisverslanir í fjölmennustu kaupstöðum landsins.
Þessum verslunum fjölgað hægt og bítandi, en það var ekki fyrr en
30. september 1993 sem slík verslun var opnuð í Borgarnesi. Fram að
því urðu þorstlátir menn að bjarga sér sem best þeir gátu. Sumsstaðar
voru til forsjálir menn sem gátu miðlað öðrum af birgðum sínum og
margir Borgnesingar minnast ennþá langra biðraða sem mynduðust
við komu seinustu rútubílanna frá reykjavík á föstudagskvöldum.
Verslun Á.T.V.R. fékk húsnæði á neðstu hæð verslunarhúss K.B.
við Egilsgötu og fluttist þaðan samtímis K.B. að Borgarbraut 58­60
haustið 2000. Verslunarstjóri hefur frá upphafi verið Birgir Þórðar­
son.
Verslun með tölvur og tölvuvörur
Sverrir Guðmundsson, bóndi í Hvammi í Norðurárdal hóf árið
1992 að selja tölvur og aðstoða við uppsetningu þeirra og viðhald.
Vegna þessarar iðju fékk hann fljótlega auknefnið Tölvubóndinn. Það
nafn notaði hann svo á verslun þá er hann opnaði árið 1996 og var
til húsa á neðstu hæð verslunarhúss K.b. við Egilsgötu. Hann seldi
verslunarlager sinn í nóvember árið 2000 og hætti þá að hafa opna
verslun en sinnir ennþá viðgerðum og ýmiskonar tölvuþjónustu.
Birgir Þórðarson, verslunarstjóri í vín­
búð ÁTVR.