Borgfirðingabók - 01.12.2008, Síða 163

163Borgfirðingabók 2008
Á heimleið
Nú fór að halla til vertíðarloka. Í lok september var farið að huga
að heimferð. Súðin og hennar fylgdarskip, Hafdís og Papey voru
farin heim, eftir að m/s oddur kom með 200 tonn af kolum til
Súðarinnar. Hún varð kolalaus á miðju sumri og lá utan í klöppunum
í Færeyingahöfn, og fólk týndist af henni og reyndi að komast heim
eða annað þangað sem var vænna til þénustu. leiðangursstjórinn
ólafur Gísli Magnússon yfirgaf okkur og fór yfir á leiðangur
Björgvins Bjarnasonar frá Ísafirði. Björgvin fór með sín fjögur skip til
Nýfundnalands til að fiska þar. Hvað úr því varð veit ég ekki. ólafur
reri hvern einasta róður með Minnu um sumarið, nema þá daga er
hann þjáðist af mýflugubiti á vinstra augnloki; flugan beit hann er
við vorum í Straumfirði nyrðri. Þegar við fórum heim til Íslands frá
Færeyingahöfn síðasta dag í september 1949. Þá var Jón Franklín að
fiska á Elsu norðan við Tokocaq.
Við létum út frá Færeyingahöfn síðla dags síðasta dag september-
mánaðar með um 150 tonn af saltfiski. Eitthvert lítilræði var eftir af
beitu í ískassanum og salt. Veður var gott og kjörið siglingaveður.
Farið var í suður og SSA, og minnir mig að við höfum farið fyrir
Sumarið 1949 um mánaðamótin júlí/ágúst. Á skaflinum standa Helgi Jónas
Ólafsson og Magnús Gíslason. Ljósm. Roy Ólafsson.