Borgfirðingabók - 01.12.2008, Side 167

167Borgfirðingabók 2008
Snorri og Skrifluævintýrin
Þegar Reykholts er minnst kemur margt fram í hugann, svo sem
fræða- og menntasetur að fornu og nýju, Snorri Sturluson og bækur
þær sem hann samdi og lét setja saman. Ekki má gleyma setlauginni
góðu sunnanundir bæjarhólnum þar sem hann dvaldi löngum ásamt
vinum sínum. Við mjaðardrykkju þar á einu blíðviðriskvöldi árið
1228 taldist þeim félögum svo til að fjárráð hans, ásamt vensla- og
ættartengslum, hefðu gert hann að slíkum höfðingja að ekki væru
aðrir meiri á landi hér. leiða má að því líkum að Snorri hafi á sínum
dögum gert ýmislegt í Reykholti, sem eftirminnilegt mætti telja, fleira
en að sitja í laug, drekka mjöð og semja og setja saman bækur.
Fornleifarannsóknir í Reykholti
Fjölmargt hefur komið í ljós við fornleifarannsóknir í Reykholti bæði
fyrr og þó aðallega nú á síðustu árum. Sérstakt átak hófst á árinu 1998
með uppgrefti á vegum Þjóðminjasafns Íslands í gamla bæjarhólnum
norðan laugarinnar, en þeim rannsóknum hefur dr. Guðrún
Sveinbjarnardóttir stjórnað. Á undanförnum árum og áratugum hafa
m. a. fundist gamlar lagnir í jörðu sem allar eru taldar hafa átt upptök
sín í hvernum Skriflu sem er lítið eitt austar í hallanum. Þær eru alls
fjórar og hafa haft mismunandi tilgang. Vegna legu þeirra er augljóst
að tvær voru ætlaðar til að flytja vatn en tvær til að flytja jarðreyk
(gufu). Sambærileg mannvirki munu ekki vera á hverju strái. E.t.v.
GUðMUNDUR ÞoRSTEiNSSoN