Borgfirðingabók - 01.12.2008, Blaðsíða 191

191Borgfirðingabók 2008
verður í gegnum Hvalfjarðarsveit.
Valdimar minnist m.a. á að iðjuver
yrðu vel sett vestan Grundartanga
og hvers konar atvinnustarfsemi
huga og handar gætu farið vel í
áðurnefndri „Akraborg.“ Nú er
einmitt nýlokið deiliskipulagi á
Grundartanga þar sem gert er ráð
fyrir umfangsmiklu iðnaðarsvæði
vestan til á Grundartangasvæðinu,
og munu fyrstu fyrirtækin flytja á
staðinn á næstunni.
Ef menn væru að koma að landinu
ónumdu núna og gætu lagst yfir kort
og kannað hvar best væri að koma
fyrir höfuðborg hins nýja ríkis, þá er ekki ólíklegt að Hvalfjarðarsveit
yrði fyrir valinu, þ.e. hinn forni leirár- og Melahreppur ásamt hluta
Skilmannahrepps. Að minnsta kosti má halda því fram að það svæði
hefði hentað a.m.k. jafn vel undir höfuðborg eins og Reykjavík og
að sumu leyti betur. Eitt er þó sem gæta þarf að í skipulagsmálum
og það er að taka frá svæði fyrir landbúnaðarnot. Að því leyti gæti
e.t.v. verið varasamt að leggja t.d. hina frjósömu Melasveit undir
borgarlandslag.
Það blasir þó við öllum vegfarendum sem aka Vesturlandsveg frá
segjum Grundartanga til Borgarness að á þessu svæði er geysimikið
pláss fyrir þéttbýli; það er mjög vel í sveit sett. Væntanleg Sundabraut
ásamt tvöföldun Hvalfjarðarganga tryggir greiðar samgöngur við
Reykjavík, og þetta er einnig lághitasvæði með jarðhita. Það gerðist
í kuldakasti í vetur að Hitaveita Akraness og Borgarfjarðar varð að
skammta heita vatnið til Akurnesinga og Borgnesinga þannig að
loka varð sundlaugum á báðum stöðum. Á sama tíma gátu íbúar
Hvalfjarðarsveitar synt í sundlauginni að leirá eins og ekkert væri.
Það er því aldrei að vita nema mikil framtíð bíði Hvalfjarðarsveitar
og hún hætti að vera einhver vegspotti á milli Akraness og Borgarness
eins og sjálfsagt mörgum óþolinmóðum vegfarendum finnst hún
vera. Útsýni í Hvalfjarðarsveitinni er geysifallegt og ekki spillir fyrir
að Grunnafjörður er sennilega eini friðlýsti fjörðurinn á Íslandi og er
þar að auki svokallað „Ramsar“-svæði , þ.e. verndað votlendissvæði
fyrir fugla.