Borgfirðingabók - 01.12.2008, Side 201

201Borgfirðingabók 2008
Bíðið meðan hann syngur
Nokkur orð um rithöfundarferil Þorsteins frá Hamri
Þann 15. mars síðastliðinn varð rithöfundurinn Þorsteinn frá Hamri
sjötugur. Af því tilefni var sett upp í Safnahúsi Borgarfjarðar kynning
á verkum hans. Yfirskrift kynningarinnar er Bíðið meðan hann
syngur, fengið að láni úr samnefndu ljóði Þorsteins. Einnig eru í ár
50 ár liðin frá því að fyrsta bók hans leit dagsins ljós.
Þorsteinn er fæddur og alinn upp á bænum Hamri í Þverárhlíð
í Borgarfirði, eldri sonur hjónanna Jóns leví Þorsteinssonar og
Guðnýjar Sveinrúnar Þorleifsdóttur. Hann stundaði nám í þrjá vetur
í Reykholtsskóla frá 13 ára aldri. Þorsteinn hefur sjálfur sagt svo frá
að í Reykholti hafi verið mikill skáldskaparhugur í sér og honum hafi
þótt gaman að fást við kveðskap og sett mikið saman, sjálfum sér
og öðrum til leiðinda. Þó hafi hann ekki átt sér draum um skáldnafn
(Matthías Viðar Sæmundsson 1985: 178).
Sautján ára fékk hann fyrst birt eftir sig kvæði og kenndi sig
þá þegar við heimabæ sinn Hamar. Fyrsta bók hans kom út 1958
er hann stóð á tvítugu og var fluttur til Reykjavíkur. Heiti sitt, Í
svörtum kufli, dró bókin af einu kvæðanna, en haft var í flimtingum
að svört Álafossúlpa með hettu sem Þorsteinn hafði gengið lengi í
á götum borgarinnar tengdist nafni hennar. Sigurður A. Magnússon
rithöfundur birti ritdóm sinn um bókina í Morgunblaðinu 15. júní
1958. Í niðurlagi ritdómsins segir m.a. þetta: ,,Þorsteinn Jónsson
SÆVAR iNGi JóNSSoN