Víkurfréttir - 30.11.2022, Blaðsíða 14

Tvær nýjar sýningar voru opn-
aðar í Listasafni Reykjanesbæjar
síðastliðinn laugardag. Annars
vegar sýningin Línur, flækjur og
allskonar sem er einkasýning Guð-
rúnar Gunnarsdóttur. Guðrún er
er frumkvöðull á sviði þráðlistar
og gefur sýning hennar góða mynd
af þróun listamannsins frá mynd-
vefnaði á áttunda áratug síðustu
aldar, til þrívíddarmynda sem ein-
kennir myndlist hennar í dag.
Hins vegar opnaði sýning Vena
Naskręcka og Michael Richardt sem
kallast You Are Here / Jesteś tutaj
/ Du er her / Þú ert hér. Þau eru
gjörningalistamenn og mun sýningin
verða vitnisburður um hvar þau eru
stödd á þessum ákveðna tímapunkti
og skrásetning á því sem þeim er nú
hugleikið. Þau eru hér og nú, erlendir
ríkisborgarar á Íslandi, að setja mark
sitt á Listasafn Reykjanesbæjar þar
sem þau ríkja í ákveðinn tíma. Vena
er fædd í Póllandi en býr og starfar
í Reykjanesbæ. Michael er fæddur
í Danmörku og á einnig ættir að
rekja til Níger, hann býr og starfar í
Reykjavík.
Listasafn Reykjanesbæjar hefur stofnað krakkaklúbb sem hefst með
vinnustofum einu sinni í mánuði fram á vor. Safnið lítur á vinnu-
stofurnar sem fyrsta áfanga í markvissu myndlistarstarfi sem opið
er öllum almenningi og mun vonandi efla áhuga barna á myndlist.
Fyrsta vinnustofan verður haldin sunnudaginn 11. desember næst-
komandi í umsjón Gunnhildar Þórðardóttur, myndlistarmanns. Áætlaður
tími er um ein klukkustund, allir velkomnir og aðgangur ókeypis, segir í
fundargerð menningar- og atvinnuráðs Reykjanesbæjar.
Kristinn Már Pálmason (f. 1967),
myndlistarmaður, hefur afhent
Listasafni Reykjanesbæjar veglega
gjöf sem telur tuttugu myndverk.
Gjöfin samanstendur af verkum
frá fyrstu sýningu listamannsins
allt til dagsins í dag. Með gjöfinni
varðveitir Listasafn Reykjanes-
bæjar myndverk sem ná yfir allan
feril listamannsins en Kristinn er
fæddur og uppalinn í Keflavík.
Guðný Margrét Skarphéðins-
dóttir, tengdadóttir Eggerts Guð-
mundssonar, listmálara, afhenti
Listasafni Reykjanesbæjar tuttugu
og eitt myndverk eftir Eggert Guð-
mundsson (1906–1983) sem fæddur
var í Stapakoti í Innri-Njarðvík
30. desember 1906.
Menningar- og atvinnuráð Reykja-
nesbæjar færir Kristni og Guðnýju
kærar þakkir fyrir veglegar gjafir
sem falla vel að 1. gr. söfnunarstefnu
listasafnsins sem kveður á um að
stefnt skuli að því að listaverkaeign
safnsins gefi góða mynd af verkum
eftir listamenn Suðurnesja frá öllum
tímum.
Listasafn Reykja-
nesbæjar fær 41
myndverk að gjöf
Listasafnið stofnar krakkaklúbb
Tvær nýjar sýningar í Listasafni Reykjanesbæjar
Nú hafa ljósin logað í fallega Aðventu-
garðinum í Reykjanesbæ um nokkurra
daga skeið og lýst upp svartasta skamm-
degið. Á laugardaginn opnar garðurinn
með skemmtilegri jóladagskrá og sölu á
jólalegum varningi og kræsingum í jólakof-
unum. Garðurinn verður opinn alla laugar-
daga og sunnudaga í desember frá kl. 14-18
og á Þorláksmessu frá kl. 18-21 og þar geta
íbúar og gestir átt saman notalegar stundir
í aðdraganda jóla, segir í tilkynningu frá
Reykjanesbæ.
Loksins tímasett dagskrá
Ef hægt er að segja að heimsfaraldurinn hafi
leitt af sér eitthvað jákvætt má með sanni
segja að Aðventugarðurinn sé eitt af því.
Hann var settur á laggirnar í miðjum far-
aldri þar sem fjárhagslegt svigrúm skapaðist
vegna viðburða sem hafði þurft að aflýsa.
Vegna samkomutakmarkana var einungis
um ótímasetta „pop-up“ viðburði að ræða
og því happa og glappa hvort fólk hitti á þá.
Nú getum við loks boðið upp á tímasetta dag-
skrá í garðinum og því engin ástæða til að
missa af neinu. Alla laugardaga og sunnudaga
verður lifandi dagskrá í garðinum og verður
hún auglýst í Víkurfréttum og á vefsíðunni
Visitreykjanesbaer.is sem og á öðrum miðlum
Reykjanesbæjar.
Ljósin tendruð á jólatrénu
Á fyrsta opnunardegi garðsins, laugardaginn
3. desember, verða ljósin tendruð á jólatrénu
í Aðventugarðinum kl. 14:30. Það eru synir
Grýlu og Leppalúða, sjálfir jólasveinarnir sem
ætla að gera það eins og þeim er einum lagið.
Það er upplagt að hefja daginn með því að
taka þátt í Aðventugöngu sem hefst og endar
í garðinum og vera svo viðstödd þegar ljósin
á jólatrénu verða kveikt. Jólakofarnir verða
á sínum stað og þar er hægt að festa kaup
á skemmtilegum varningi, heitu súkkulaði
og fleiru.
Aðventusvellið opnar
Aðventusvellið sem opnaði í fyrra verður
á sínum stað og þar gefst fjölskyldum ein-
stakt tækifæri til að upplifa saman gleðilegar
stundir með hressandi útivist og hreyfingu.
Alltaf verður opið á svellinu þegar opið er í
Aðventugarðinum og á ýmsum öðrum tíma
einnig. Upplýsingar um opnunartíma og bók-
anir eru á adventusvellid.is
Best skreytta húsið og gatan
Fljótlega verður kynntur léttur leikur þar
sem fólk getur sent inn tillögur að best
skreyttu húsum bæjarins og verður fyrir-
komulag hans kynnt á næstu dögum. Eru allir
hvattir til að taka þátt í þessu skemmtilega
uppátæki sem er fyrst og fremst til gamans
gert en mikið er af fallega skreyttum húsum
og götum í bænum og um að gera að taka
rúnt og skoða skreytingarnar.
Það er fjölbreytt jóladagskrá í boði í stofn-
unum Reykjanesbæjar og eru íbúar hvattir
til að njóta alls þess sem boðið er upp á í
bænum á aðventunni. Alla dagskrá er að
finna á visitreykjanesbaer.is
Aðventugarðurinn opnar
Nokkrir íbúar Suðurnesja
voru beðnir um að koma
í samtal um lýðheilsu á
Suðurnesjum. Þar kom fram
ánægja með þá þróun sem
hefur orðið með heilsustíga
og útisvæði og virtist vilji til
enn frekari framkvæmda í
þær áttir.
Nýverið kom út skýrsla
út frá viðtalsrannsókn sem
unnin var af Félagsvísinda-
stofnun Háskóla Íslands fyrir
velferðarsvið Reykjanesbæjar
og er rannsóknin framhald af
stærra samfélagsgreiningar-
verkefni fyrir sveitarfélögin
á Suðurnesjum. Meginmark-
miðið var að leita eftir leiðum
til þess að auka lífsgæði, efla
heilsu og draga úr heilsufars-
legum áhættuþáttum meðal
íbúa á Suðurnesjum, í sam-
ræmi við áherslur Heilsu-
eflandi samfélags. Markmið
rannsóknarinnar var að
kanna reynslu og viðhorf
íbúa til ákveðinna lýðheilsu-
þátta og kalla eftir tillögum að
aðgerðum sem gagnast geta
til að bæta og auka vitund
um lýðheilsu í sveitarfélög-
unum Reykjanesbæ, Suður-
nesjabæ, Grindavíkurbæ og
Vogum. Kallaðir voru saman
fjórir ólíkir rýnihópar, með
yngri íbúum og eldri, íbúum
Suðurnesja utan Reykjanes-
bæjar og íbúum af pólskum
uppruna. Áhersla var lögð
á að skoða eftirfarandi lýð-
heilsuþætti; hreyfingu, um-
hverfi og skipulag, mataræði,
svefn, andlega heilsu, félagsleg
tengsl og virkni.
Helstu niðurstöður sýna
að flestir íbúar stunduðu
einhvers konar heilsurækt
og nýttu nærumhverfi sitt
til að ganga og hreyfa sig.
Margir voru ánægðir með
heilsustígana og útisvæðin
og fannst það hvetjandi til
aukinnar hreyfingar. Þátt-
takendur bentu þó á að lífga
mætti enn frekar upp á bæinn
með trjám og plöntum og
voru flestir sammála um að
byggja ætti miðbæjarkjarna
sem gæti sameinað bæjarbúa.
Þátttakendur virtust vera
með nokkuð góða meðvitund
um mikilvægi mataræðis þó
ávaxtaneysla væri lítil heilt
yfir hópana, fiskneysla var
meiri meðal eldri en þeirra
yngri og orkudrykkjaneysla
var mikil hjá yngsta hópnum
en engin hjá þeim eldri. Kallað
var eftir fríum skólamáltíðum
og hærri niðurgreiðslu í tóm-
stundir. Hópurinn sem sam-
anstóð af íbúum af pólskum
uppruna hvatti til fræðslu um
heilsu og heilbrigði á pólsku.
Allir þátttakendur voru með-
vitaðir um mikilvægi svefns
fyrir góða heilsu en elsti hóp-
urinn var ánægðastur með
svefninn sinn og átti gott
með að sofa á meðan yngsti
hópurinn forgangsraðaði síst
svefninum umfram annað
heilsutengt.
Góð andleg heilsa, félagsleg
tengsl og virkni skipti þátttak-
endur máli í tengslum við lífs-
stíl og heilbrigt líferni. Yngsti
hópurinn lagði áherslu á geð-
heilsu og óskaði eftir aukinni
sálfræðiþjónustu. Eldra fólkið
vildi meiri og betri kynningu
á framboði af félagsstarfi
og afþreyingu fyrir þeirra
aldurshóp. Íbúar af pólskum
uppruna óskuðu eftir því að
skapaður yrði vettvangur til
þess að hittast og kynnast
til að auðvelda aðild að sam-
félaginu.
Þátttakendur komu fram
með ýmsar gagnlegar ábend-
ingar um hvernig megi efla
lýðheilsu á Suðurnesjum.
Þrátt fyrir að ekki sé hægt að
yfirfæra niðurstöðurnar yfir
á alla íbúa Suðurnesja veita
þær engu að síður vísbend-
ingar um heilsu ákveðinna
hópa og gefa hugmyndir um
hvernig megi auka lýðheilsu
íbúa. Reykjanesbær hefur
farið yfir þær ábendingar sem
komu fram og borið saman
við þær framkvæmdir sem
þegar hefur verið ráðist í og
framundan eru og sett aðrar
góðar tillögur í réttan farveg
innan sveitarfélagsins.
Reykjanesbær þakkar þátt-
takendum kærlega fyrir þeirra
framlag í rannsókninni.
Ásdís Ragna Einarsdóttir,
verkefnastjóri lýðheilsu-
mála hjá Reykjanesbæ.
Hilma Hólmfríður
Sigurðardóttir, verkefna-
stjóri fjölmenningar
hjá Reykjanesbæ.
Hvað segja íbúar um
lýðheilsu á Suðurnesjum?
Hér má lesa nánar um
rannsóknina í rafrænni
útgáfu Víkurfrétta.
14 // vÍkurFrÉttir á SuðurneSJuM